|
|
|
|
అగస్త్య శిష్యం ఆసాద్య వాక్యం ఏతద్ ఉవాచ హ |౩-౧౨-౧|
రాజా దశరథో నామ జ్యేష్ఠః తస్య సుతో బలీ |
రామః ప్రాప్తో మునిం ద్రష్టుం భార్యయా సహ సీతయా |౩-౧౨-౨|
లక్ష్మణో నామ తస్య అహం భ్రాతా తు అవరజో హితః |
అనుకూలః చ భక్తః చ యది తే శ్రోత్రం ఆగతః |౩-౧౨-౩|
తే వయం వనం అత్యుగ్రం ప్రవిష్టాః పితృ శాసనాత్ |
ద్రష్టుం ఇచ్ఛామహే సర్వే భగవంతం నివేద్యతాం |౩-౧౨-౪|
తస్య తద్ వచనం శ్రుత్వా లక్ష్మణస్య తపోధనః |
తథా ఇతి ఉక్త్వా అగ్ని శరణం ప్రవివేశ నివేదితుం |౩-౧౨-౫|
స ప్రవిశ్య మునిశ్రేష్ఠం తపసా దుష్ప్రధర్షణం |
కృత అంజలిః ఉవాచ ఇదం రామ ఆగమనం అఞ్జసా |౩-౧౨-౬|
యథా ఉక్తం లక్ష్మణేన ఏవ శిష్యః తస్య అగస్తస్య సంమతః |
పుత్రౌ దశరథస్య ఇమౌ రామో లక్ష్మణ ఏవ చ |౩-౧౨-౭|
ప్రవిష్టౌ ఆశ్రమపదం సీతయా సహ భార్యయా |
ద్రష్టుం భవంతం ఆయాతౌ శుశ్రూషార్థం అరిందమౌ |౩-౧౨-౮|
యద్ అత్ర అనంతరం తత్ త్వం ఆజ్ఞాపయితుం అర్హసి |
తతః శిష్యాత్ ఉపశ్రుత్య ప్రాప్తం రామం స లక్ష్మణం |౩-౧౨-౯|
వైదేహీం చ మహాభాగాం ఇదం వచనం అబ్రవీత్ |
దిష్ట్యా రామః చిరస్య అద్య ద్రష్టుం మాం సముపాగతః |౩-౧౨-౧౦|
మనసా కాంక్షితం హి అస్య మయా అపి ఆగమనం ప్రతి |
గమ్యతాం సత్కృతో రామః స భార్యః సహ లక్ష్మణః |౩-౧౨-౧౧|
ప్రవేశ్యతాం సమీపం మే కిం అసౌ న ప్రవేశితః | ఏవం ఉక్తః తు మునినా ధర్మజ్ఞేన మహాత్మనా |౩-౧౨-౧౨|
అభివాద్య అబ్రవీత్ శిష్యః తథా ఇతి నియత అంజలిః |
తదా నిష్క్రమ్య సంభ్రాంతః శిష్యో లక్ష్మణం అబ్రవీత్ |౩-౧౨-౧౩|
క్వ అసౌ రామో మునిం ద్రష్టుం ఏతు ప్రవిశతు స్వయం |
తతో గత్వా ఆశ్రమ పదం శిష్యేణ సహ లక్ష్మణః |౩-౧౨-౧౪|
దర్శయామాస కాకుత్స్థం సీతాం చ జనకాత్మజాం |
తం శిష్యః ప్రశ్రితం వాక్యం అగస్త్య వచనం బ్రువన్ |౩-౧౨-౧౫|
ప్రావేశయత్ యథా న్యాయం సత్కార అర్హ సుసత్కృతం |
ప్రవివేశ తతో రామః సీతయా సహ లక్ష్మణః |౩-౧౨-౧౬|
ప్రశాంత హరిణ ఆకీర్ణం ఆశ్రమం హి అవలోకయన్ |
స తత్ర బ్రహ్మణః స్థానం అగ్నేః స్థానం తథైవ చ |౩-౧౨-౧౭|
విష్ణోః స్థానం మహేంద్రస్య స్థానం చైవ వివస్వతః |
సోమ స్థానం భగ స్థానం స్థానం కౌబేరం ఏవ చ |౩-౧౨-౧౮|
ధాతుర్ విధాతుః స్థానం చ వాయోః స్థానం తథైవ చ |
స్థానం చ పాశ హస్తస్య వారుణస్య మహాత్మనః |౩-౧౨-౧౯|
స్థానం తథైవ గాయత్ర్యా వసూనాం స్థానం ఏవ చ |
స్థానం చ నాగరాజస్య గరుడ స్థానం ఏవ చ |౩-౧౨-౨౦|
కార్తికేయస్య చ స్థానం ధర్మ స్థానం చ పశ్యతి |
తతః శిష్యైః పరివృతో మునిర్ అపి అభినిష్పతత్ |౩-౧౨-౨౧|
తం దదర్శ అగ్రతో రామో మునీనాం దీప్త తేజసం |
అబ్రవీత్ వచనం వీరో లక్ష్మణం లక్ష్మివర్ధనం |౩-౧౨-౨౨|
బహిర్ లక్ష్మణ నిష్క్రామతి అగస్త్యో భగవాన్ ఋషిః | ఔదార్యేణ అవగచ్ఛామి నిధానం తపసాం ఇమం |౩-౧౨-౨౩|
ఏవం ఉక్త్వా మహాబాహుః అగస్త్యం సూర్య వర్చసం |
జగ్రాహ ఆపతత్ తస్య పాదౌ చ రఘునందన |౩-౧౨-౨౪|
అభివాద్య తు ధర్మాత్మా తస్థౌ రామః కృతాంజలిః |
సీతయా సహ వైదేహ్యా తదా రామః స లక్ష్మణః |౩-౧౨-౨౫|
ప్రతిగృహ్య చ కాకుత్స్థం అర్చయిత్వా ఆసన ఉదకైః |
కుశల ప్రశ్నం ఉక్త్వా చ ఆస్యతాం ఇతి సోఽబ్రవీత్ |౩-౧౨-౨౬|
అగ్నిం హుత్వా ప్రదాయ అర్ఘ్యం అతిథిన్ ప్రతిపూజ్య చ |
వానప్రస్థేన ధర్మేణ స తేషాం భోజనం దదౌ |౩-౧౨-౨౭|
ప్రథమం చ ఉపవిశ్య అథ ధర్మజ్ఞో మునిపుంగవః |
ఉవాచ రామం ఆసీనం ప్రాంజలిం ధర్మకోవిదం |౩-౧౨-౨౮|
అగ్నిం హుత్వా ప్రదాయ అర్ఘ్యం అతిథిం ప్రతిపూజయేత్ |
అన్యథా ఖలు కాకుత్స్థ తపస్వీ సముదాచరన్ |
దుఃసాక్షీ ఇవ పరే లోకే స్వాని మాంసాని భక్షయేత్ |౩-౧౨-౨౯|
రాజా సర్వస్య లోకస్య ధర్మచారీ మహారథః |
పూజనీయః చ మాన్యః చ భవాన్ ప్రాప్తః ప్రియ అతిథిః |౩-౧౨-౩౦|
ఏవం ఉక్త్వా ఫలైః మూలైః పుష్పైః చ అన్యైః చ రాఘవం |
పూజయిత్వా యథా కామం తతో అగస్త్యః తం అబ్రవీత్ |౩-౧౨-౩౧|
ఇదం దివ్యం మహత్ చాపం హేమ వజ్ర విభూషితం |
వైష్ణవం పురుషవ్యాఘ్ర నిర్మితం విశ్వకర్మణా |౩-౧౨-౩౨|
అమోఘః సూర్య సంకాశో బ్రహ్మదత్తః శర ఉత్తమః |
దత్తో మమ మహేంద్రేణ తూణీ చ అక్షయ సాయకౌ |౩-౧౨-౩౩|
సంపూర్ణౌ నిశితైః బాణైః జ్వలద్భిః ఇవ పావకైః |
మహా రజత కోశో అయం అసిః హేమవిభూషితః |౩-౧౨-౩౪|
అనేన ధనుషా రామ హత్వా సంఖ్యే మహాసురాన్ |
ఆజహార శ్రియం దీప్తాం పురా విష్ణుర్ దివ ఓకసాం |౩-౧౨-౩౫|
తత్ ధనుః తౌ చ తూణి చ శరం ఖడ్గం చ మానద |
జయాయ ప్రతిగృహ్ణీష్వ వజ్రం వజ్రధరో యథా |౩-౧౨-౩౬|
ఏవం ఉక్త్వా మహా తేజాః సమస్తం తత్ వర ఆయుధం |
దత్త్వా రామాయ భగవాన్ అగస్త్యః పునర్ అబ్రవీత్ |౩-౧౨-౩౭|
ఇతి వాల్మీకి రామాయణే ఆది కావ్యే అరణ్యకాండే ద్వాదశః సర్గః |౩-౧౨|
|
|
|
|
అభివాదయితుం యన్ మాం ప్రాప్తౌ స్థః సహ సీతయా |౩-౧౩-౧|
అధ్వ శ్రమేణ వాం ఖేదో బాధతే ప్రచుర శ్రమః |
వ్యక్తం ఉత్కణ్ఠతే వా అపి మైథిలీ జనక ఆత్మజా |౩-౧౩-౨|
ఏషా చ సుకుమారీ చ ఖేదైః చ న విమానితా |
ప్రాజ్య దోషం వనం ప్రప్తా భర్తృ స్నేహ ప్రచోదితా |౩-౧౩-౩|
యథా ఏషా రమతే రామ ఇహ సీతా తథా కురు |
దుష్కరం కృతవతీ ఏషా వనే త్వాం అభిగచ్ఛతీ |౩-౧౩-౪|
ఏషా హి ప్రకృతిః స్త్రీణాం ఆసృష్టే రఘునందన |
సమస్థం అనురంజంతే విషమస్థం త్యజంతి చ |౩-౧౩-౫|
శత హ్రదానాం లోలత్వం శస్త్రాణాం తీక్ష్ణతాం తథా |
గరుడ అనిలయోః శైఘ్ర్యం అనుగచ్ఛంతి యోషితః |౩-౧౩-౬|
ఇయం తు భవతో భార్యా దోషైర్ ఏతైర్ వివర్జితాః |
శ్లాఘ్యా చ వ్యపదేశ్యా చ యథా దేవీ హి అరుంధతీ |౩-౧౩-౭|
అలంకృతో అయం దేశః చ యత్ర సౌమిత్రిణా సహ |
వైదేహ్యా చ అనయా రామ వత్స్యసి త్వం అరిందమ |౩-౧౩-౮|
ఏవం ఉక్తః తు మునినా రాఘవః సంయత అంజలిః |
ఉవాచ ప్రశ్రితం వాక్యం ఋషిం దీప్తం ఇవ అనలం |౩-౧౩-౯|
ధన్యోస్మి అనుగృహీతోస్మి యస్య మే ముని పుంగవః |
గుణైః సభ్రాతృ భార్యస్య గురుః నః పరితుష్యతి |౩-౧౩-౧౦|
కింతు వ్యాదిశ మే దేశం స ఉదకం బహు కాననం |
యత్ర ఆశ్రమ పదం కృత్వా వసేయం నిరతః సుఖం |౩-౧౩-౧౧|
తతో అబ్రవీత్ ముని శ్రేష్ఠః శ్రుత్వా రామస్య భాషితం |
ధ్యాత్వా ముహూర్తం ధర్మాత్మా ధీరో ధీరతరం వచః |౩-౧౩-౧౨|
ఇతో ద్వి యోజనే తాత బహు మూల ఫల ఉదకః |
దేశో బహు మృగః శ్రీమాన్ పంచవటి అభివిశ్రుతః |౩-౧౩-౧౩|
తత్ర గత్వా ఆశ్రమ పదం కృత్వా సౌమిత్రిణా సహ |
రమస్వ త్వం పితుర్ వాక్యం యథా ఉక్తం అనుపాలయన్ |౩-౧౩-౧౪|
విదితో హి ఏష వృత్తాంతో మమ సర్వః తవ అనఘ |
తపసః చ ప్రభావేణ స్నేహాద్ దశరథస్య చ |౩-౧౩-౧౫|
హృదయస్థః చ తే ఛందో విజ్ఞాతః తపసా మయా |
ఇహ వాసం ప్రతిజ్ఞాయ మయా సహ తపో వనే |౩-౧౩-౧౬|
అతః చ త్వాం అహం బ్రూమి గచ్ఛ పంచవటీం ఇతి |
స హి రమ్యో వనోద్దేశో మైథిలీ తత్ర రంస్యతే |౩-౧౩-౧౭|
స దేశః శ్లాఘనీయః చ న అతిదూరే చ రాఘవ |
గోదావర్యాః సమీపే చ మైథిలీ తత్ర రంస్యతే |౩-౧౩-౧౮|
ప్రాజ్య మూల ఫలైః చైవ నానా ద్విజ గణైర్ యుతః |
వివిక్తః చ మహాబాహో పుణ్యో రమ్యః తథైవ చ |౩-౧౩-౧౯|
భవాన్ అపి సదాచారః చ శక్తః చ పరిరక్షణే |
అపి చ అత్ర వసన్ రామ తాపసాన్ పాలయిష్యసి |౩-౧౩-౨౦|
ఏతత్ ఆలక్ష్యతే వీర మధూకానాం మహత్ వనం |
ఉత్తరేణ అస్య గంతవ్యం న్యగ్రోధం అపి గచ్ఛతా |౩-౧౩-౨౧|
తతః స్థలం ఉపారుహ్య పర్వతస్య అవిదూరతః |
ఖ్యాతః పంచవటీ ఇతి ఏవ నిత్య పుష్పిత కాననః |౩-౧౩-౨౨|
అగస్త్యేన ఏవం ఉక్తః తు రామః సౌమిత్రిణా సహ |
సత్కృత్య ఆమంత్రయామాస తం ఋషిం సత్య వాదినం |౩-౧౩-౨౩|
తౌ తు తేన అభ్యనుజ్ఞాతౌ కృత పాద అభివందనౌ |
తం ఆశ్రమం పంచవటీం జగ్మతుః సహ సీతయా |౩-౧౩-౨౪|
గృహీత చాపౌ తు నరాధిప ఆత్మజౌ|
విషక్త తూణీ సమరేషు అకాతరౌ |
యథా ఉపదిష్టేన పథా మహర్షిణా |
ప్రజగ్మతుః పంచవటీం సమాహితౌ |౩-౧౩-౨౫|
ఇతి వాల్మీకి రామాయణే ఆది కావ్యే అరణ్యకాండే త్రయోదశః సర్గః |౩-౧౩|
|
|
|
|
ఆససాద మహాకాయం గృధ్రం భీమ పరాక్రమం |౩-౧౪-౧|
తం దృష్ట్వా తౌ మహాభాగౌ వనస్థం రామ లక్ష్మణౌ |
మేనాతే రాక్షసం పక్షిం బ్రువాణౌ కో భవాన్ ఇతి |౩-౧౪-౨|
స తౌ మధురయా వాచా సౌమ్యయా ప్రీణయన్న్ ఇవ |
ఉవాచ వత్స మాం విద్ధి వయస్యం పితుర్ ఆత్మనః |౩-౧౪-౩|
స తం పితృ సఖం మత్వా పూజయామాస రాఘవః |
స తస్య కులం అవ్యగ్రం అథ పప్రచ్ఛ నామ చ |౩-౧౪-౪|
రామస్య వచనం శ్రుత్వా కులం ఆత్మానం ఏవ చ |
ఆచచక్షే ద్విజః తస్మై సర్వభూత సముద్భవం |౩-౧౪-౫|
పూర్వకాలే మహాబాహో యే ప్రజాపతయో అభవన్ |
తాన్ మే నిగదతః సర్వాన్ ఆదితః శృణు రాఘవ |౩-౧౪-౬|
కర్దమః ప్రథమః తేషాం వికృతః తద్ అనంతరం |
శేషః చ సంశ్రయః చైవ బహు పుత్రః చ వీర్యవాన్ |౩-౧౪-౭|
స్థాణుర్ మరీచిర్ అత్రిః చ క్రతుః చైవ మహాబలః |
పులస్త్యః చ అంగిరాః చైవ ప్రచేతాః పులహః తథా |౩-౧౪-౮|
దక్షో వివస్వాన్ అపరో అరిష్టనేమిః చ రాఘవ |
కశ్యపః చ మహాతేజాః తేషాం ఆసీత్ చ పశ్చిమః |౩-౧౪-౯|
ప్రజాపతేః తు దక్షస్య బభూవుర్ ఇతి విశ్రుతం |
షష్టిర్ దుహితరో రామ యశస్విన్యో మహాయశః |౩-౧౪-౧౦|
కశ్యపః ప్రతిజగ్రాహ తాసాం అష్టౌ సుమధ్యమాః |
అదితిం చ దితిం చైవ దనూం అపి చ కాలకాం |౩-౧౪-౧౧|
తామ్రాం క్రోధ వశాం చైవ మనుం చ అప్య్ అనలాం అపి |
తాః తు కన్యాః తతః ప్రీతః కశ్యపః పునర్ అబ్రవీత్ |౩-౧౪-౧౨|
పుత్రామః త్రైలోక్య భర్తౄన్ వై జనయిష్యథ మత్ సమాన్ |
అదితిః తన్ మనా రామ దితిః చ దనుర్ ఏవ చ |౩-౧౪-౧౩|
కాలకా చ మహాబాహో శేషాః తు అమనసో అభవన్ |
అదిత్యాం జజ్ఞిరే దేవాః త్రయః త్రింశత్ అరిందమ |౩-౧౪-౧౪|
ఆదిత్యా వసవో రుద్రా అశ్వినౌ చ పరంతప |
దితిః తు అజనయత్ పుత్రాన్ దైత్యాం తాత యశస్వినః |౩-౧౪-౧౫|
తేషాం ఇయం వసుమతీ పురా ఆసీత్ స వన అర్ణవా |
దనుః తు అజనయత్ పుత్రం అశ్వగ్రీవం అరిందమ |౩-౧౪-౧౬|
నరకం కాలకం చైవ కాలకా అపి వ్యజాయత |
క్రౌంచీం భాసీం తథా శ్యేనీం ధృతరాష్ట్రీం తథా శుకీం |౩-౧౪-౧౭|
తామ్రా తు సుషువే కన్యాః పంచ ఏతా లోకవిశ్రుతాః |
ఉలూకాన్ జనయత్ క్రౌంచీ భాసీ భాసాన్ వ్యజాయత |౩-౧౪-౧౮|
శ్యేనీ శ్యేనాం చ గృధ్రామ చ వ్యజాయత సుతేజసః |
ధృతరాష్ట్రీ తు హంసాం చ కలహంసాం చ సర్వశః |౩-౧౪-౧౯|
చక్రవాకాం చ భద్రం తే విజజ్ఞే సా అపి భామినీ |
శుకీ నతాం విజజ్ఞే తు నతాయా వినతా సుతా |౩-౧౪-౨౦|
దశ క్రోధవశా రామ విజజ్ఞే అపి ఆత్మసంభవాః |
మృగీం చ మృగమందాం చ హరీం భద్రమదాం అపి |౩-౧౪-౨౧|
మాతంగీం అథ శార్దూలీం శ్వేతాం చ సురభీం తథా |
సర్వ లక్షణ సంపన్నాం సురసాం కద్రుకాం అపి |౩-౧౪-౨౨|
అపత్యం తు మృగాః సర్వే మృగ్యా నరవరోత్తమ |
ఋక్షాః చ మృగమందాయాః సృమరాః చమరాః తథా |౩-౧౪-౨౩|
తతః తు ఇరావతీం నామ జజ్ఞే భద్రమదా సుతాం |
తస్యాః తు ఐరావతః పుత్రో లోకనాథో మహాగజః |౩-౧౪-౨౪|
హర్యాః చ హరయో అపత్యం వానరాః చ తపస్వినః |
గోలాంగూలాః చ శార్దూలీ వ్యాఘ్రాం చ అజనయత్ సుతాన్ |౩-౧౪-౨౫|
మాతంగ్యాః తు అథ మాతంగాపత్యం మనుజ ఋషభ |
దిశాగజం తు శ్వేత కాకుత్స్థ శ్వేతా వ్యజనయత్ సుతం |౩-౧౪-౨౬|
తతో దుహితరౌ రామ సురభిర్ ద్వే వి అజాయత |
రోహిణీం నామ భద్రం తే గంధర్వీం చ యశస్వినీం |౩-౧౪-౨౭|
రోహిణి అజనయద్ గావో గంధర్వీ వాజినః సుతాన్ |
సురసా అజనయన్ నాగాన్ రామ కద్రూః చ పన్నగాన్ |౩-౧౪-౨౮|
మనుర్ మనుష్యాన్ జనయత్ కశ్యపస్య మహాత్మనః |
బ్రాహ్మణాన్ క్షత్రియాన్ వైశ్యాన్ శూద్రాం చ మనుజర్షభ |౩-౧౪-౨౯|
ముఖతో బ్రాహ్మణా జాతా ఉరసః క్షత్రియాః తథా |
ఊరుభ్యాం జజ్ఞిరే వైశ్యాః పద్భ్యాం శూద్రా ఇతి శ్రుతిః |౩-౧౪-౩౦|
సర్వాన్ పుణ్య ఫలాన్ వృక్షాన్ అనలా అపి వ్యజాయత |
వినతా చ శుకీ పౌత్రీ కద్రూః చ సురసా స్వసా |౩-౧౪-౩౧|
కద్రూర్ నాగ సహస్రం తు విజజ్ఞే ధరణీధరన్ |
ద్వౌ పుత్రౌ వినతాయాః తు గరుడో అరుణ ఏవ చ |౩-౧౪-౩౨|
తస్మాత్ జాతో అహం అరుణాత్ సంపాతిః చ మమ అగ్రజః |
జటాయుర్ ఇతి మాం విద్ధి శ్యేనీ పుత్రం అరిందమ |౩-౧౪-౩౩|
సో అహం వాస సహాయః తే భవిష్యామి యది ఇచ్ఛసి |
ఇదం దుర్గం హి కాంతారం మృగ రాక్షస సేవితం సీతాం చ తాత రక్షిష్యే త్వయి యాతే సలక్ష్మణే |౩-౧౪-౩౪|
జటాయుషం తు ప్రతిపూజ్య రాఘవో ముదా పరిష్వజ్య చ సన్నతో అభవత్ |
పితుర్ హి శుశ్రావ సఖిత్వం ఆత్మవాన్ జటాయుషా సంకథితం పునః పునః |౩-౧౪-౩౫|
స తత్ర సీతాం పరిదాయ మైథిలీం సహ ఏవ తేన అతిబలేన పక్షిణా |
జగామ తాం పంచవటీం సలక్ష్మణో రిపూన్ దిధక్షన్ శలభాన్ ఇవ అనలః |౩-౧౪-౩౬|
ఇతి వాల్మీకి రామాయణే ఆది కావ్యే అరణ్యకాండే చతుర్దశః సర్గః |౩-౧౪|
|
|
|
|
ఉవాచ భ్రాతరం రామో లక్ష్మణం దీప్త తేజసం |౩-౧౫-౧|
ఆగతాః స్మ యథా ఉద్దిష్టం యం దేశం మునిః అబ్రవీత్ |
అయం పంచవటీ దేశః సౌమ్య పుష్పిత కాననః |౩-౧౫-౨|
సర్వతః చార్యతాం దృష్టిః కాననే నిపుణో హి అసి |
ఆశ్రమః కతర అస్మిన్ నః దేశే భవతి సమ్మతః |౩-౧౫-౩|
రమతే యత్ర వైదేహీ త్వం అహం చైవ లక్ష్మణ |
తాదృశో దృశ్యతాం దేశః సంనికృష్ట జలాశయః |౩-౧౫-౪|
వన రామణ్యకం యత్ర జల రామణ్యకం తథా |
సంనికృష్టం చ యస్మిన్ తు సమిత్ పుష్ప కుశ ఉదకం |౩-౧౫-౫|
ఏవం ఉక్తః తు రామేణ లక్మణః సంయత అంజలిః |
సీతా సమక్షం కాకుత్స్థం ఇదం వచనం అబ్రవీత్ |౩-౧౫-౬|
పరవాన్ అస్మి కాకుత్స్థ త్వయి వర్ష శతం స్థితే |
స్వయం తు రుచిరే దేశే క్రియతాం ఇతి మాం వద |౩-౧౫-౭|
సుప్రీతః తేన వాక్యేన లక్ష్మణస్య మహాద్యుతిః |
విమృశన్ రోచయామాస దేశం సర్వ గుణ అన్వితం |౩-౧౫-౮|
స తం రుచిరం ఆక్రమ్య దేశం ఆశ్రమ కర్మణి |
హస్తే గృహీత్వా హస్తేన రామః సౌమిత్రిం అబ్రవీత్ |౩-౧౫-౯|
అయం దేశః సమః శ్రీమాన్ పుష్పితైర్ తరుభిర్ వృతః |
ఇహ ఆశ్రమ పదం సౌమ్య యథావత్ కర్తుం అర్హసి |౩-౧౫-౧౦|
ఇయం ఆదిత్య సంకాశైః పద్మైః సురభి గంధిభిః |
అదూరే దృశ్యతే రమ్యా పద్మినీ పద్మ శోభితా |౩-౧౫-౧౧|
యథా ఆఖ్యాతం అగస్త్యేన మునినా భావితాత్మనా |
ఇయం గోదావరీ రమ్యా పుష్పితైః తరుభిర్ వృతా |౩-౧౫-౧౨|
హంస కారణ్డవ ఆకీర్ణా చక్రవాక ఉపశోభితా |
న అతిదూరే న చ ఆసన్నే మృగ యూథ నిపీడితా |౩-౧౫-౧౩|
మయూర నాదితా రమ్యాః ప్రాంశవో బహు కందరాః |
దృశ్యంతే గిరయః సౌమ్య ఫుల్లైః తరుభిర్ ఆవృతాః |౩-౧౫-౧౪|
సౌవర్ణై రాజతైః తామ్రైః దేశే దేశే చ ధాతుభిః |
గవాక్షితా ఇవ ఆభాంతి గజాః పరమ భక్తిభిః |౩-౧౫-౧౫|
సాలైః తాలైః తమాలైః చ ఖర్జూరైః పనసైః ద్రుమైః |
నీవారైః తినిశైః చైవ పున్నాగైః చ ఉపశోభితాః |౩-౧౫-౧౬|
చూతైర్ అశోకైః తిలకైః కేతకైర్ అపి చంపకైః |
పుష్ప గుల్మ లతా ఉపేతైః తైః తైః తరుభిర్ ఆవృతాః |౩-౧౫-౧౭|
స్యందనైః చందనైః నీపైః పర్ణాసైః లకుచైః అపి |
ధవ అశ్వకర్ణ ఖదిరైః శమీ కింశుక పాటలైః |౩-౧౫-౧౮|
ఇదం పుణ్యం ఇదం రమ్యం ఇదం బహు మృగ ద్విజం |
ఇహ వత్స్యామ సౌమిత్రే సార్ధం ఏతేన పక్షిణా |౩-౧౫-౧౯|
ఏవం ఉక్తః తు రామేణ లక్ష్మణః పరవీరహా |
అచిరేణ ఆశ్రమం భ్రాతుః చకార సుమహాబలః |౩-౧౫-౨౦|
పర్ణశాలాం సువిపులాం తత్ర సంఘాత మృత్తికాం |
సుస్తంభాం మస్కరైర్ దీర్ఘైః కృత వంశాం సుశోభనాం |౩-౧౫-౨౧|
శమీ శాఖాభిః ఆస్తీర్య ధృఢ పాశావపాశితం |
కుశ కాశ శరైః పర్ణైః సుపరిచ్ఛాదితాం తథా |౩-౧౫-౨౨|
సమీకృత తలాం రమ్యాం చకార సుమహాబలః |
నివాసం రాఘవస్య అర్థే ప్రేక్ష్ణీయం అనుత్తమం |౩-౧౫-౨౩|
స గత్వా లక్ష్మణః శ్రీమాన్ నదీం గోదావరీం తదా |
స్నాత్వా పద్మాని చ ఆదాయ సఫలః పునర్ ఆగతః |౩-౧౫-౨౪|
తతః పుష్ప బలిం కృత్వా శాంతిం చ స యథావిధి |
దర్శయామాస రామాయ తద్ ఆశ్రమ పదం కృతం |౩-౧౫-౨౫|
స తం దృష్ట్వా కృతం సౌమ్యం ఆశ్రమం సహ సీతయా |
రాఘవః పర్ణశాలాయాం హర్షం ఆహారయత్ పరం |౩-౧౫-౨౬|
సుసంహృష్టః పరిష్వజ్య బాహుభ్యాం లక్ష్మణం తదా |
అతి స్నిగ్ధం చ గాఢం చ వచనం చ ఇదం అబ్రవీత్ |౩-౧౫-౨౭|
ప్రీతో అస్మి తే మహత్ కర్మ త్వయా కృతం ఇదం ప్రభో |
ప్రదేయో యన్ నిమిత్తం తే పరిష్వంగో మయా కృతః |౩-౧౫-౨౮|
భావజ్ఞేన కృతజ్ఞేన ధర్మజ్ఞేన చ లక్ష్మణ |
త్వయా పుత్రేణ ధర్మాత్మా న సంవృత్తః పితా మమ |౩-౧౫-౨౯|
ఏవం లక్ష్మణం ఉక్త్వా తు రాఘవో లక్ష్మివర్ధనః |
తస్మిన్ దేశే బహు ఫలే న్యవసత్ స సుఖం సుఖీ |౩-౧౫-౩౦|
కంచిత్ కాలం స ధర్మాత్మా సీతయా లక్ష్మణేన చ అన్వాస్యమానో న్యవసత్ స్వర్గ లోకే యథా అమరః |౩-౧౫-౩౧|
ఇతి వాల్మీకి రామాయణే ఆది కావ్యే అరణ్యకాండే పఞ్చదశః సర్గః |౩-౧౫|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment