|
|
|
|
ప్రబోధయాం ఆస శనైః లక్ష్మణం రఘు నందనః |౨-౫౬-౧|
సౌమిత్రే శృణు వన్యానాం వల్గు వ్యాహరతాం స్వనం |
సంప్రతిష్ఠామహే కాలః ప్రస్థానస్య పరం తప |౨-౫౬-౨|
స సుప్తః సమయే భ్రాత్రా లక్ష్మణః ప్రతిబోధితః |
జహౌ నిద్రాం చ తంద్రీం చ ప్రసక్తం చ పథి శ్రమం |౨-౫౬-౩|
తతౌత్థాయ తే సర్వే స్పృష్ట్వా నద్యాః శివం జలం |
పంథానం ఋషిణా ఉద్దిష్టం చిత్ర కూటస్య తం యయుః |౨-౫౬-౪|
తతః సంప్రస్థితః కాలే రామః సౌమిత్రిణా సహ |
సీతాం కమల పత్ర అక్షీం ఇదం వచనం అబ్రవీత్ |౨-౫౬-౫|
ఆదీప్తాన్ ఇవ వైదేహి సర్వతః పుష్పితాన్ నగాన్ |
స్వైః పుష్పైః కింశుకాన్ పశ్య మాలినః శిశిర అత్యయే |౨-౫౬-౬|
పశ్య భల్లాతకాన్ ఫుల్లాన్ నరైః అనుపసేవితాన్ |
ఫల పత్రైః అవనతాన్ నూనం శక్ష్యామి జీవితుం |౨-౫౬-౭|
పశ్య ద్రోణ ప్రమాణాని లంబమానాని లక్ష్మణ |
మధూని మధు కారీభిః సంభృతాని నగే నగే |౨-౫౬-౮|
ఏష క్రోశతి నత్యూహః తం శిఖీ ప్రతికూజతి |
రమణీయే వన ఉద్దేశే పుష్ప సంస్తర సంకటే |౨-౫౬-౯|
మాతంగ యూథ అనుసృతం పక్షి సంఘ అనునాదితం |
చిత్ర కూటం ఇమం పశ్య ప్రవృద్ధ శిఖరం గిరిం |౨-౫౬-౧౦|
సమభూమితలే రమ్యే ద్రుమైర్బహుభిరావృతే |
పుణ్యే రంస్యామహే తాత చిత్రకూటస్య కాననే |౨-౫౬-౧౧|
తతః తౌ పాద చారేణ గచ్చంతౌ సహ సీతయా |
రమ్యం ఆసేదతుః శైలం చిత్ర కూటం మనో రమం |౨-౫౬-౧౨|
తం తు పర్వతం ఆసాద్య నానా పక్షి గణ ఆయుతం |
బహుమూలఫలం రమ్యం సంపన్నం సరసోదకం |౨-౫౬-౧౩|
మనోజ్‌ఝ్నోఽయం తిరిః సౌమ్య నానాద్రుమలతాయతహ్ |
బహుమూలఫలో రమ్యః స్వాజీవః ప్రతిభాతి మే |౨-౫౬-౧౪|
మనయశ్చ మహాత్మానో వసంత్య శిలోచ్చయే |
అయం వాసో భవేత్ తావద్ అత్ర సౌమ్య రమేమహి |౨-౫౬-౧౫|
ఇతి సీతా చ రామశ్చ లక్ష్మణశ్చ కృతాఞ్జలిః |
అభిగమ్యాశ్రమం సర్వే వాల్మీకి మభివాదయన్ |౨-౫౬-౧౬|
తాన్మహర్షిః ప్రముదితః పూజయామాస ధర్మవిత్ |
ఆస్యతామితి చోవాచ స్వాగతం తు నివేద్య చ |౨-౫౬-౧౭|
తతోఽబ్రవీన్మహాబాహుర్లకమణం లక్ష్మణాగ్రజః |
సమ్నివేద్య యథాన్యాయ మాత్మానమృష్యే ప్రభుః |౨-౫౬-౧౮|
లక్ష్మణ ఆనయ దారూణి దృఢాని చ వరాణి చ |
కురుష్వ ఆవసథం సౌమ్య వాసే మే అభిరతం మనః |౨-౫౬-౧౯|
తస్య తత్ వచనం శ్రుత్వా సౌమిత్రిర్ వివిధాన్ ద్రుమాన్ |
ఆజహార తతః చక్రే పర్ణ శాలాం అరిం దమ |౨-౫౬-౨౦|
తాం నిష్ఠతాం బద్ధకటాం దృష్ట్వా రమః సుదర్శనాం |
శుశ్రూషమాణం ఏక అగ్రం ఇదం వచనం అబ్రవీత్ |౨-౫౬-౨౧|
ఐణేయం మాంసం ఆహృత్య శాలాం యక్ష్యామహే వయం |
కర్త్వ్యం వాస్తుశమనం సౌమిత్రే చిరజీవభిః |౨-౫౬-౨౨|
మృగం హత్వాఽఽనయ క్షిప్రం లక్ష్మణేహ శుభేక్షణ
కర్తవ్యః శాస్త్రదృష్టో హి విధిర్దర్మమనుస్మర |౨-౫౬-౨౩|
భ్రాతుర్వచన మాజ్ఞాయ లక్ష్మణః పరవీరహా |
చకార స యథోక్తం చ తం రామః పునరబ్రవీత్ |౨-౫౬-౨౪|
ఇణేయం శ్రపయస్వైతచ్చ్చాలాం యక్ష్యమహే వయం |
త్వరసౌమ్య ముహూర్తోఽయం ధ్రువశ్చ దివసోఽప్యయం |౨-౫౬-౨౫|
స లక్ష్మణః కృష్ణ మృగం హత్వా మేధ్యం పతాపవాన్ |
అథ చిక్షేప సౌమిత్రిః సమిద్ధే జాత వేదసి |౨-౫౬-౨౬|
తం తు పక్వం సమాజ్ఞాయ నిష్టప్తం చిన్న శోణితం |
లక్ష్మణః పురుష వ్యాఘ్రం అథ రాఘవం అబ్రవీత్ |౨-౫౬-౨౭|
అయం కృష్ణః సమాప్త అంగః శృతః కృష్ణ మృగో యథా |
దేవతా దేవ సంకాశ యజస్వ కుశలో హి అసి |౨-౫౬-౨౮|
రామః స్నాత్వా తు నియతః గుణవాన్ జప్య కోవిదః |
సంగ్రహేణాకరోత్సర్వాన్ మంత్రన్ సత్రావసానికాన్ |౨-౫౬-౨౯|
ఇష్ట్వా దేవగణాన్ సర్వాన్ వివేశావసథం శుచిః |
బభూవ చ మనోహ్లాదో రామస్యామితతేజసః |౨-౫౬-౩౦|
వైశ్వదేవబలిం కృత్వా రౌద్రం వైష్ణవమేవ చ |
వాస్తుసంశమనీయాని మఙ్గళాని ప్రవర్తయన్ |౨-౫౬-౩౧|
జపం చ న్యాయతః కృత్వా స్నాత్వా నద్యాం యథావిధి |
పాప సంశమనం రామః చకార బలిం ఉత్తమం |౨-౫౬-౩౨|
వేదిస్థలవిధానాని చైత్యాన్యాయతనాని చ |
ఆశ్రమస్యానురూపాణి స్థాపయామాస రాఘవః |౨-౫౬-౩౩|
వన్యైర్మాల్యైః ఫలైర్మూలైః పక్వైర్మాంసైర్యథావిధి |
అద్భర్జపైశ్చ వేదోక్తై ర్ధర్భైశ్చ ససమిత్కుశైః |౨-౫౬-౩౪|
తౌ తర్పయిత్వా భూతాని రాఘవౌ సహ సీతయా |
తదా వివిశతుః శాలాం సుశుభాం శుభలక్షణౌ |౨-౫౬-౩౫|
తాం వృక్ష పర్ణచ్ చదనాం మనోజ్ఞాం |
యథా ప్రదేశం సుకృతాం నివాతాం |
వాసాయ సర్వే వివిశుః సమేతాః |
సభాం యథా దేవ గణాః సుధర్మాం |౨-౫౬-౩౬|
అనేక నానా మృగ పక్షి సంకులే |
విచిత్ర పుష్ప స్తబలైః ద్రుమైః యుతే |
వన ఉత్తమే వ్యాల మృగ అనునాదితే |
తథా విజహ్రుః సుసుఖం జిత ఇంద్రియాః |౨-౫౬-౩౭|
సురమ్యం ఆసాద్య తు చిత్ర కూటం |
నదీం చ తాం మాల్యవతీం సుతీర్థాం |
ననంద హృష్టః మృగ పక్షి జుష్టాం |
జహౌ చ దుహ్ఖం పుర విప్రవాసాత్ |౨-౫౬-౩౮|
ఇతి వాల్మీకి రామాయణే ఆది కావ్యే అయోధ్యాకాండే షట్పఞ్చాశః సర్గః |౨-౫౬|
|
|
|
|
రామే దక్షిణ కూలస్థే జగామ స్వ గృహం గుహః |౨-౫౭-౧|
భరద్వాజాభిగమనం ప్రయాగే చ సహాసనం |
ఆగిరేర్గమనం తేషాం తత్రస్థైరభిలక్షితం |౨-౫౭-౨|
అనుజ్ఞాతః సుమంత్రః అథ యోజయిత్వా హయ ఉత్తమాన్ |
అయోధ్యాం ఏవ నగరీం ప్రయయౌ గాఢ దుర్మనాః |౨-౫౭-౩|
స వనాని సుగంధీని సరితః చ సరాంసి చ |
పశ్యన్న్ అతియయౌ శీఘ్రం గ్రామాణి నగరాణి చ |౨-౫౭-౪|
తతః సాయ అహ్న సమయే తృతీయే అహని సారథిః |
అయోధ్యాం సమనుప్రాప్య నిరానందాం దదర్శ హ |౨-౫౭-౫|
స శూన్యాం ఇవ నిహ్శబ్దాం దృష్ట్వా పరమ దుర్మనాః |
సుమంత్రః చింతయాం ఆస శోక వేగ సమాహతః |౨-౫౭-౬|
కచ్చిన్ న సగజా సాశ్వా సజనా సజన అధిపా |
రామ సంతాప దుహ్ఖేన దగ్ధా శోక అగ్నినా పురీ |౨-౫౭-౭|
ఇతి చింతా పరః సూతః వాజిభిః శ్రీఘ్రపాతిభిః |
నగరద్వారమాసాద్య త్వరితః ప్రవివేశ హ |౨-౫౭-౮|
సుమంత్రం అభియాంతం తం శతశో అథ సహస్రశః |
క్వ రామైతి పృచ్చంతః సూతం అభ్యద్రవన్ నరాః |౨-౫౭-౯|
తేషాం శశంస గఙ్గాయాం అహం ఆపృచ్చ్య రాఘవం |
అనుజ్ఞాతః నివృత్తః అస్మి ధార్మికేణ మహాత్మనా |౨-౫౭-౧౦|
తే తీర్ణాఇతి విజ్ఞాయ బాష్ప పూర్ణ ముఖా జనాః |
అహో ధిగ్ ఇతి నిశ్శ్వస్య హా రామ ఇతి చ చుక్రుశుః |౨-౫౭-౧౧|
శుశ్రావ చ వచః తేషాం బృందం బృందం చ తిష్ఠతాం |
హతాః స్మ ఖలు యే న ఇహ పశ్యామైతి రాఘవం |౨-౫౭-౧౨|
దాన యజ్ఞ వివాహేషు సమాజేషు మహత్సు చ |
న ద్రక్ష్యామః పునర్ జాతు ధార్మికం రామం అంతరా |౨-౫౭-౧౩|
కిం సమర్థం జనస్య అస్య కిం ప్రియం కిం సుఖ ఆవహం |
ఇతి రామేణ నగరం పితృవత్ పరిపాలితం |౨-౫౭-౧౪|
వాత అయన గతానాం చ స్త్రీణాం అన్వంతర ఆపణం |
రామ శోక అభితప్తానాం శుశ్రావ పరిదేవనం |౨-౫౭-౧౫|
స రాజ మార్గ మధ్యేన సుమంత్రః పిహిత ఆననః |
యత్ర రాజా దశరథః తత్ ఏవ ఉపయయౌ గృహం |౨-౫౭-౧౬|
సో అవతీర్య రథాత్ శీఘ్రం రాజ వేశ్మ ప్రవిశ్య చ |
కక్ష్యాః సప్త అభిచక్రామ మహా జన సమాకులాః |౨-౫౭-౧౭|
హర్మ్యైర్విమానైః ప్రాసాదైరవేక్ష్యాథ సమాగతం |
హాహాకారకృతా నార్యో రామదర్శనకర్శితాః |౨-౫౭-౧౮|
ఆయతైర్విమలైర్నేత్రైరశ్రువేగపరిప్లుతైః |
అన్యోన్యమభివీక్షంతేఽవ్యక్తమార్తతరాః స్త్రీయః |౨-౫౭-౧౯|
తతః దశరథ స్త్రీణాం ప్రాసాదేభ్యః తతః తతః |
రామ శోక అభితప్తానాం మందం శుశ్రావ జల్పితం |౨-౫౭-౨౦|
సహ రామేణ నిర్యాతః వినా రామం ఇహ ఆగతః |
సూతః కిం నామ కౌసల్యాం శోచంతీం ప్రతి వక్ష్యతి |౨-౫౭-౨౧|
యథా చ మన్యే దుర్జీవం ఏవం న సుకరం ధ్రువం |
ఆచ్చిద్య పుత్రే నిర్యాతే కౌసల్యా యత్ర జీవతి |౨-౫౭-౨౨|
సత్య రూపం తు తత్ వాక్యం రాజ్ఞః స్త్రీణాం నిశామయన్ |
ప్రదీప్తం ఇవ శోకేన వివేశ సహసా గృహం |౨-౫౭-౨౩|
స ప్రవిశ్య అష్టమీం కక్ష్యాం రాజానం దీనం ఆతులం |
పుత్ర శోక పరింలానం అపశ్యత్ పాణ్డురే గృహే |౨-౫౭-౨౪|
అభిగమ్య తం ఆసీనం నర ఇంద్రం అభివాద్య చ |
సుమంత్రః రామ వచనం యథా ఉక్తం ప్రత్యవేదయత్ |౨-౫౭-౨౫|
స తూష్ణీం ఏవ తత్ శ్రుత్వా రాజా విభ్రాంత చేతనః |
మూర్చితః న్యపతత్ భూమౌ రామ శోక అభిపీడితః |౨-౫౭-౨౬|
తతః అంతః పురం ఆవిద్ధం మూర్చితే పృథివీ పతౌ |
ఉద్ధృత్య బాహూ చుక్రోశ నృపతౌ పతితే క్షితౌ |౨-౫౭-౨౭|
సుమిత్రయా తు సహితా కౌసల్యా పతితం పతిం |
ఉత్థాపయాం ఆస తదా వచనం చ ఇదం అబ్రవీత్ |౨-౫౭-౨౮|
ఇమం తస్య మహా భాగ దూతం దుష్కర కారిణః |
వన వాసాత్ అనుప్రాప్తం కస్మాన్ న ప్రతిభాషసే |౨-౫౭-౨౯|
అద్య ఇమం అనయం కృత్వా వ్యపత్రపసి రాఘవ |
ఉత్తిష్ఠ సుకృతం తే అస్తు శోకే న స్యాత్ సహాయతా |౨-౫౭-౩౦|
దేవ యస్యా భయాత్ రామం న అనుపృచ్చసి సారథిం |
న ఇహ తిష్ఠతి కైకేయీ విశ్రబ్ధం ప్రతిభాష్యతాం |౨-౫౭-౩౧|
సా తథా ఉక్త్వా మహా రాజం కౌసల్యా శోక లాలసా |
ధరణ్యాం నిపపాత ఆశు బాష్ప విప్లుత భాషిణీ |౨-౫౭-౩౨|
ఏవం విలపతీం దృష్ట్వా కౌసల్యాం పతితాం భువి |
పతిం చ అవేక్ష్య తాః సర్వాః సుస్వరం రురుదుః స్త్రియః |౨-౫౭-౩౩|
తతః తం అంతః పుర నాదం ఉత్థితం |
సమీక్ష్య వృద్ధాః తరుణాః చ మానవాః |
స్త్రియః చ సర్వా రురుదుః సమంతతః |
పురం తదా ఆసీత్ పునర్ ఏవ సంకులం |౨-౫౭-౩౪|
ఇతి వాల్మీకి రామాయణే ఆది కావ్యే అయోధ్యాకాండే సప్తపఞ్చాశః సర్గః |౨-౫౭|
|
|
|
|
థాజుహావ తం సూతం రామ వృత్త అంత కారణాత్ |౨-౫౮-౧|
తదా సూతో మహారాజ కృతాఞ్జలిరుపస్థితః|
రామమేవ అనుశోచంతం దుఃఖశోకసమన్వితం |౨-౫౮-౨|
వృద్ధం పరమ సంతప్తం నవ గ్రహం ఇవ ద్విపం |
వినిఃశ్వసంతం ధ్యాయంతం అస్వస్థం ఇవ కుంజరం |౨-౫౮-౩|
రాజా తు రజసా సూతం ధ్వస్త అఙ్గం సముపస్థితం |
అశ్రు పూర్ణ ముఖం దీనం ఉవాచ పరమ ఆర్తవత్ |౨-౫౮-౪|
క్వ ను వత్స్యతి ధర్మ ఆత్మా వృక్ష మూలం ఉపాశ్రితః |
సో అత్యంత సుఖితః సూత కిం అశిష్యతి రాఘవః |౨-౫౮-౫|
దుఃఖస్యానుచితో దుఃఖం సుమంత్ర శయనోచితః |
భూమి పాల ఆత్మజో భూమౌ శేతే కథం అనాథవత్ |౨-౫౮-౬|
యం యాంతం అనుయాంతి స్మ పదాతి రథ కుణ్‌ఝ్జరాః |
స వత్స్యతి కథం రామః విజనం వనం ఆశ్రితః |౨-౫౮-౭|
వ్యాళైః మృగైః ఆచరితం కృష్ణ సర్ప నిషేవితం |
కథం కుమారౌ వైదేహ్యా సార్ధం వనం ఉపస్థితౌ |౨-౫౮-౮|
సుకుమార్యా తపస్విన్యా సుమంత్ర సహ సీతయా |
రాజ పుత్రౌ కథం పాదైః అవరుహ్య రథాత్ గతౌ |౨-౫౮-౯|
సిద్ధ అర్థః ఖలు సూత త్వం యేన దృష్టౌ మమ ఆత్మజౌ |
వన అంతం ప్రవిశంతౌ తావ్ అశ్వినావ్ ఇవ మందరం |౨-౫౮-౧౦|
కిం ఉవాచ వచో రామః కిం ఉవాచ చ లక్ష్మణః |
సుమంత్ర వనం ఆసాద్య కిం ఉవాచ చ మైథిలీ |౨-౫౮-౧౧|
ఆసితం శయితం భుక్తం సూత రామస్య కీర్తయ |
జీవిష్యామ్యహమేతేన యయాతిరివ సాధుషు |౨-౫౮-౧౨|
ఇతి సూతః నర ఇంద్రేణ చోదితః సజ్జమానయా |
ఉవాచ వాచా రాజానం స బాష్ప పరిర్బద్ధయా |౨-౫౮-౧౩|
అబ్రవీన్ మాం మహా రాజ ధర్మం ఏవ అనుపాలయన్ |
అంజలిం రాఘవః కృత్వా శిరసా అభిప్రణమ్య చ |౨-౫౮-౧౪|
సూత మద్వచనాత్ తస్య తాతస్య విదిత ఆత్మనః |
శిరసా వందనీయస్య వంద్యౌ పాదౌ మహాత్మనః |౨-౫౮-౧౫|
సర్వం అంతః పురం వాచ్యం సూత మద్వచనాత్త్వయా |
ఆరోగ్యం అవిశేషేణ యథా అర్హం చ అభివాదనం |౨-౫౮-౧౬|
మాతా చ మమ కౌసల్యా కుశలం చ అభివాదనం |
అప్రమాదం చ వక్తవ్యా బ్రూయాశ్చైమిదం వచః |౨-౫౮-౧౭|
ధర్మనిత్యా యథాకాలమగ్న్యగారపరా భవ |
దేవి దేవస్య పాదౌ చ దేవవత్ పరిపాలయ |౨-౫౮-౧౮|
అభిమానం చ మానం చ త్యక్త్వా వర్తస్వ మాతృషు |
అను రాజాన మార్యాం చ కైకేయీమంబ కారయ |౨-౫౮-౧౯|
కుమారే భరతే వృత్తిర్వర్తితవ్యాచ రాజవత్ |
అర్థజ్యేష్ఠా హి రాజానో రాజధర్మమనుస్మర |౨-౫౮-౨౦|
భరతః కుశలం వాచ్యో వాచ్యో మద్ వచనేన చ |
సర్వాస్వ ఏవ యథా న్యాయం వృత్తిం వర్తస్వ మాతృషు |౨-౫౮-౨౧|
వక్తవ్యః చ మహా బాహుర్ ఇక్ష్వాకు కుల నందనః |
పితరం యౌవరాజ్యస్థో రాజ్యస్థం అనుపాలయ |౨-౫౮-౨౨|
అతిక్రాంతవయా రాజా మాస్మైనం వ్యవరోరుధః |
కుమారరాజ్యే జీవ త్వం తస్యైవాజ్ఞ్ప్రవర్తనాం |౨-౫౮-౨౩|
అబ్రవీచ్చాపి మాం భూయో భృశమశ్రూణి వర్తయన్ |
మాతేవ మమ మాతా తే ద్రష్టవ్యా పుత్రగర్ధినీ |౨-౫౮-౨౪|
ఇతి ఏవం మాం మహారాజ బృవన్న్ ఏవ మహా యశాః |
రామః రాజీవ తామ్ర అక్షో భృశం అశ్రూణి అవర్తయత్ |౨-౫౮-౨౫|
లక్ష్మణః తు సుసంక్రుద్ధో నిహ్శ్వసన్ వాక్యం అబ్రవీత్ |
కేన అయం అపరాధేన రాజ పుత్రః వివాసితః |౨-౫౮-౨౬|
రాజ్ఞా తు ఖలు కైకేయ్యా లఘు త్వాశ్రిత్య శాసనం |
కృతం కార్యమకార్యం వా వయం యేనాభిపీడితాః |౨-౫౮-౨౭|
యది ప్రవ్రాజితః రామః లోభ కారణ కారితం |
వర దాన నిమిత్తం వా సర్వథా దుష్కృతం కృతం |౨-౫౮-౨౮|
ఇదం తావద్యథాకామమీశ్వరస్య కృతే కృతం |
రామస్య తు పరిత్యాగే న హేతుం ఉపలక్షయే |౨-౫౮-౨౯|
అసమీక్ష్య సమారబ్ధం విరుద్ధం బుద్ధి లాఘవాత్ |
జనయిష్యతి సంక్రోశం రాఘవస్య వివాసనం |౨-౫౮-౩౦|
అహం తావన్ మహా రాజే పితృత్వం న ఉపలక్షయే |
భ్రాతా భర్తా చ బంధుః చ పితా చ మమ రాఘవః |౨-౫౮-౩౧|
సర్వ లోక ప్రియం త్యక్త్వా సర్వ లోక హితే రతం |
సర్వ లోకో అనురజ్యేత కథం త్వా అనేన కర్మణా |౨-౫౮-౩౨|
సర్వప్రజాభిరామం హి రామం ప్రవ్రాజ్య ధార్మికం |
సర్వలోకం విరుధ్యేమం కథం రాజా భవిష్యసి |౨-౫౮-౩౩|
జానకీ తు మహా రాజ నిఃశ్వసంతీ తపస్వినీ |
భూత ఉపహత చిత్తా ఇవ విష్ఠితా వృష్మృతా స్థితా |౨-౫౮-౩౪|
అదృష్ట పూర్వ వ్యసనా రాజ పుత్రీ యశస్వినీ |
తేన దుహ్ఖేన రుదతీ న ఏవ మాం కించిత్ అబ్రవీత్ |౨-౫౮-౩౫|
ఉద్వీక్షమాణా భర్తారం ముఖేన పరిశుష్యతా |
ముమోచ సహసా బాష్పం మాం ప్రయాంతం ఉదీక్ష్య సా |౨-౫౮-౩౬|
తథైవ రామః అశ్రు ముఖః కృత అంజలిః |
స్థితః అభవల్ లక్ష్మణ బాహు పాలితః స్థితః |
తథైవ సీతా రుదతీ తపస్వినీ |
నిరీక్షతే రాజ రథం తథైవ మాం |౨-౫౮-౩౭|
ఇతి వాల్మీకి రామాయణే ఆది కావ్యే అయోధ్యాకాండే అష్టపఞ్చాశః సర్గః |౨-౫౮|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment