రామో దదర్శ దుర్ధర్ష తాపస ఆశ్రమ మణ్డ
|
|
|
|
లం |౩-౧-౧|
కుశ చీర పరిక్షిప్తం బ్రాహ్మ్యా లక్ష్మ్యా సమావృతం |
యథా ప్రదీప్తం దుర్దర్శం గగనే సూర్య మణ్డలం |౩-౧-౨|
శరణ్యం సర్వ భూతానాం సు సంమృష్ట అజిరం సదా |
మృగైః బహుభిః ఆకీర్ణం పక్షి సంఘైః సమావృతం |౩-౧-౩|
పూజితం చ ఉపనృత్తం చ నిత్యం అప్సరసాం గణైః |
విశాలైః అగ్ని శరణైః స్రుక్ భాణ్డైః అజినైః కుశైః |౩-౧-౪|
సమిద్భిః తోయ కలశైః ఫల మూలైః చ శోభితం |
ఆరణ్యైః చ మహా వృక్షైః పుణ్యైః స్వాదు ఫలైర్ వృతం |౩-౧-౫|
బలి హోమ అర్చితం పుణ్యం బ్రహ్మ ఘోష నినాదితం |
పుష్పైః చ అన్యైః పరిక్షిప్తం పద్మిన్యా చ స పద్మయా |౩-౧-౬|
ఫలమూల అశనైః దాంతైః చీర కృష్ణాజిన అంబరైః |
సూర్య వైశ్వానర ఆభైః చ పురాణైః మునిభిర్ యుతం |౩-౧-౭|
పుణ్యైః చ నియత ఆహారైః శోభితం పరమ ఋషిభిః |
తత్ బ్రహ్మ భవన ప్రఖ్యం బ్రహ్మ ఘోష నినాదితం |౩-౧-౮|
బ్రహ్మ విద్భిః మహా భాగైః బ్రాహ్మణైః ఉపశోభితం |
తత్ దృష్ట్వా రాఘవః శ్రీమాన్ తాపస ఆశ్రమ మణ్డలం |౩-౧-౯|
అభ్యగచ్ఛత్ మహాతేజా విజ్యం కృత్వా మహద్ ధనుః |
దివ్య జ్ఞాన ఉపపన్నాః తే రామం దృష్ట్వా మహర్షయః |౩-౧-౧౦|
అభిజగ్ముః తదా ప్రీతా వైదేహీం చ యశస్వినీం |
తే తు సోమం ఇవ ఉద్యంతం దృష్ట్వా వై ధర్మచారిణం |౩-౧-౧౧|
లక్ష్మణం చ ఏవ దృష్ట్వా తు వైదేహీం చ యశశ్వినీం |
మఙ్గలాని ప్రయుఞ్జానాః ప్రత్యగృహ్ణాన్ దృఢ వ్రతాః |౩-౧-౧౨|
రూప సంహననం లక్ష్మీం సౌకుమార్యం సువేషతాం |
దదృశుర్ విస్మిత ఆకారా రామస్య వన వాసినః |౩-౧-౧౩|
వైదేహీం లక్ష్మణం రామం నేత్రైర్ అనిమిషైర్ ఇవ |
ఆశ్చర్య భూతాన్ దదృశుః సర్వే తే వన వాసినః |౩-౧-౧౪|
అత్ర ఏనం హి మహాభాగాః సర్వ భూత హితే రతాః |
అతిథిం పర్ణశాలాయాం రాఘవం సంన్యవేశయన్ |౩-౧-౧౫|
తతో రామస్య సత్కృత్య విధినా పావక ఉపమాః |
ఆజహ్రుః తే మహాభాగాః సలిలం ధర్మచారిణః |౩-౧-౧౬|
మంగలాని ప్రయుఞ్జానా ముదా పరమయా యుతా |
మూలం పుష్పం ఫలం సర్వం ఆశ్రమం చ మహాత్మనః |౩-౧-౧౭|
నివేదయీత్వా ధర్మజ్ఞాః తే తు ప్రాంజలయోఽబ్రువన్ |
ధర్మపాలో జనస్య అస్య శరణ్యః చ మహాయశాః |౩-౧-౧౮|
పూజనీయః చ మాన్యః చ రాజా దణ్డధరో గురుః |
ఇంద్రస్య ఏవ చతుర్భాగః ప్రజా రక్షతి రాఘవ |౩-౧-౧౯|
రాజా తస్మాద్ వరాన్ భోగాన్ రమ్యాన్ భుఙ్క్తే నమస్కృతః |
తే వయం భవతా రక్ష్యా భవద్ విషయ వాసినః |
నగరస్థో వనస్థో వా త్వం నః రాజా జనేశ్వరః |౩-౧-౨౦|
న్యస్త దణ్డా వయం రాజన్ జిత క్రోధా జితేంద్రియాః |
రక్షణీయాః త్వయా శశ్వద్ గర్భ భూతాః తపోధనాః |౩-౧-౨౧|
ఏవం ఉక్త్వా ఫలైర్ మూలైః పుష్పైర్ అన్యైః చ రాఘవం |
వన్యైః చ వివిధ ఆహారైః స లక్ష్మణం అపూజయన్ |౩-౧-౨౨|
తథాఽన్యే తాపసాః సిద్ధా రామం వైశ్వానర ఉపమాః |
న్యాయ వృత్తా యథా న్యాయం తర్పయామాసుర్ ఈశ్వరం |౩-౧-౨౩|
ఇతి వాల్మీకి రామాయణే ఆది కావ్యే అరణ్యకాండే ప్రథమః సర్గః |౩-౧|
|
|
|
|
ఆమంత్ర్య స మునీం తత్ సర్వాన్ వనం ఏవ అన్వగాహత |౩-౨-౧|
నానా మృగ గణ ఆకీర్ణం ఋక్ష శార్దూల సేవితం |
ధ్వస్త వృక్ష లతా గుల్మం దుర్దర్శ సలిలాశయం |౩-౨-౨|
నిష్కూజమానా శకుని ఝిల్లికా గణ నాదితం |
లక్ష్మణ అనుచరోఓ రామో వన మధ్యం దదర్శ హ |౩-౨-౩|
సీతాయా సహ కాకుత్స్థః తస్మిన్ ఘోర మృగ ఆయుతే |
దదర్శ గిరి శృఙ్గ ఆభం పురుషాదం మహాస్వనం |౩-౨-౪|
గంభీర అక్షం మహావక్త్రం వికటం వికటోదరం |
బీభత్సం విషమం దీర్ఘం వికృతం ఘోర దర్శనం |౩-౨-౫|
వసానం చర్మ వైయాఘ్రం వస ఆర్ద్రం రుధిరోక్షితం |
త్రాసనం సర్వ భూతానాం వ్యాదితాస్యం ఇవ అంతకం |౩-౨-౬|
త్రీన్ సింహాన్ చతురో వ్యాఘ్రాన్ ద్వౌ వృకౌ పృషతాన్ దశ |
సవిషాణం వసాదిగ్ధం గజస్య చ శిరో మహత్ |౩-౨-౭|
అవసజ్య ఆయసే శూలే వినదంతం మహాస్వనం |
స రామం లక్ష్మణం చైవ సీతాం దృష్ట్వా చ మైథిలీం |౩-౨-౮|
అభ్య ధావత్ సుసంక్రుద్ధో ప్రజాః కాల ఇవ అంతకః |
స కృత్వా భైరవం నాదం చాలయన్ ఇవ మేదినీం |౩-౨-౯|
అఙ్కేన ఆదాయ వైదేహీం అపక్రమ్య తదా అబ్రవీత్ |
యువాం జటా చీర ధరౌ సభార్యౌ క్షీణ జీవితౌ |౩-౨-౧౦|
ప్రవిష్టౌ దణ్డకారణ్యం శర చాప అసి పాణినౌ |
కథం తాపసయోః యువాం చ వాసః ప్రమదయా సహ |౩-౨-౧౧|
అధర్మ చారిణౌ పాపౌ కౌ యువాం ముని దూషకౌ |
అహం వనం ఇదం దుర్గం విరాఘో నామ రాక్షసః |౩-౨-౧౨|
చరామి సాయుధో నిత్యం ఋషి మాంసాని భక్షయన్ |
ఇయం నారీ వరారోహా మమ భార్యా భవిష్యతి |౩-౨-౧౩|
యువయోః పాపయోః చ అహం పాస్యామి రుధిరం మృధే |
తస్య ఏవం బ్రువతో దుష్టం విరాధస్య దురాత్మనః |౩-౨-౧౪|
శ్రుత్వా సగర్వితం వాక్యం సంభ్రాంతా జనకాత్మజా |
సీతా ప్రావేపితా ఉద్వేగాత్ ప్రవాతే కదలీ యథా |౩-౨-౧౫|
తాం దృష్ట్వా రాఘవః సీతాం విరాధ అఙ్కగతాం శుభాం |
అబ్రవీత్ లక్ష్మణం వాక్యం ముఖేన పరిశుష్యతా |౩-౨-౧౬|
పశ్య సౌమ్య నరేంద్రస్య జనకస్య అత్మ సంభవాం |
మమ భార్యాం శుభాచారాం విరాధాఙ్కే ప్రవేశితాం |౩-౨-౧౭|
అత్యంత సుఖ సంవృద్ధాం రాజపుత్రీం యశస్వినీం |
యత్ అభిప్రేతం అస్మాసు ప్రియం వర వృతం చ యత్ |౩-౨-౧౮|
కైకేయ్యాస్తు సుసంవృత్తం క్షిప్రం అద్య ఏవ లక్ష్మణ |
యా న తుష్యతి రాజ్యేన పుత్రార్థే దీర్ఘ దర్శినీ |౩-౨-౧౯|
యయాఽహం సర్వభూతానాం ప్రియః ప్రస్థాపితో వనం |
అద్య ఇదానీం సకామా సా యా మాతా మమ మధ్యమా |౩-౨-౨౦|
పర స్పర్శాత్ తు వైదేహ్యా న దుఃఖతరం అస్తి మే |
పితుర్ వినాశాత్ సౌమిత్రే స్వ రాజ్య హరణాత్ తథా |౩-౨-౨౧|
ఇతి బ్రువతి కాకుత్స్థే బాష్ప శోక పరిప్లుతః |
అబ్రవీత్ లక్ష్మణః క్రుద్ధో రుద్ధో నాగ ఇవ శ్వసన్ |౩-౨-౨౨|
అనాథ ఇవ భూతానాం నాథః త్వం వాసవోపమః |
మయా ప్రేష్యేణ కాకుత్స్థః కిం అర్థం పరితప్యసే |౩-౨-౨౩|
శరేణ నిహతస్య అద్య మయా క్రుద్ధేన రక్షసః |
విరాధస్య గత అసోః హి మహీ పాస్యతి శోణితం |౩-౨-౨౪|
రాజ్య కామే మమ క్రోధో భరతే యో బభూవ హ |
తం విరాధే విమోక్ష్యామి వజ్రీ వజ్రం ఇవ అచలే |౩-౨-౨౫|
మమ భుజ బల వేగ వేగితఃపతతు శరోఽస్య మహాన్ మహోరసి |
వ్యపనయతు తనోః చ జీవితంపతతు తతః చ మహీం విఘూర్ణితః |౩-౨-౨౬|
ఇతి వాల్మీకి రామాయణే ఆది కావ్యే అరణ్యకాండే ద్వితీయః సర్గః |౩-౨|
|
|
|
|
పృచ్ఛతో మమ హి బ్రూతం కౌ యువాం క్వ గమిష్యథః |౩-౩-౧|
తం ఉవాచ తతో రామో రాక్షసం జ్వలిత ఆననం |
పృచ్ఛంతం సుమహాతేజా ఇక్ష్వాకు కులం ఆత్మనః |౩-౩-౨|
క్షత్రియౌ వృత్త సంపన్నౌ విద్ధి నౌ వనగోచరౌ |
త్వాం తు వేదితుం ఇచ్ఛావః కః త్వం చరసి దణ్డకాన్ |౩-౩-౩|
తం ఉవాచ విరాధః తు రామం సత్య పరాక్రమం |
హంత వక్ష్యామి తే రాజన్ నిబోధ మమ రాఘవ |౩-౩-౪|
పుత్రః కిల జవస్య అహం మాతా మమ శతహ్రదా |
విరాధ ఇతి మాం ఆహుః పృథివ్యాం సర్వ రాక్షసాః |౩-౩-౫|
తపసా చ అభి సంప్రాప్తా బ్రహ్మణో హి ప్రసాదజా |
శస్త్రేణ అవధ్యతా లోకే అచ్ఛేద్య అభేద్యత్వం ఏవ చ |౩-౩-౬|
ఉత్సృజ్య ప్రమదాం ఏనాం అనపేక్షౌ యథా ఆగతం |
త్వరమాణౌ పలాయేథాం న వాం జీవితం ఆదదే |౩-౩-౭|
తం రామః ప్రతి ఉవాచ ఇదం కోప సంరక్త లోచనః |
రాక్షసం వికృత ఆకారం విరాధం పాప చేతసం |౩-౩-౮|
క్షుద్ర ధిక్త్వాం తు హీనార్థం మృత్యుం అన్వేషసే ధ్రువం |
రణే ప్రాప్స్యసి సంతిష్ఠ న మే జీవన్ విమోక్ష్యసే |౩-౩-౯|
తతః సజ్యం ధనుః కృత్వా రామః సునిశితాన్ శరాన్ |
సు శీఘ్రం అభిసంధాయ రాక్షసం నిజఘాన హ |౩-౩-౧౦|
ధనుషా జ్యా గుణవతా సప్త బాణాన్ ముమోచ హ |
రుక్మ పుంఖాన్ మహావేగాన్ సుపర్ణ అనిల తుల్య గాన్ |౩-౩-౧౧|
తే శరీరం విరాధస్య భిత్త్వా బర్హిణ వాససః |
నిపేతుః శోణితా దిగ్ధా ధరణ్యాం పావకోపమాః |౩-౩-౧౨|
స విద్ధో న్యస్య వైదేహీం శూలం ఉద్యమ్య రాక్షసః |
అభ్యద్రవత్ సుసంక్రుద్ధః తదా రామం స లక్ష్మణం |౩-౩-౧౩|
స వినద్య మహానాదం శూలం శక్ర ధ్వజ ఉపమం |
ప్రగృహ్య అశోభత తదా వ్యాత్తానన ఇవ అంతకః |౩-౩-౧౪|
అథ తౌ భ్రాతరౌ దీప్తం శర వర్షం వవర్షతుః |
విరాధే రాక్షసే తస్మిన్ కాలాంతక అయం ఉపమే |౩-౩-౧౫|
స ప్రహస్య మహా రౌద్రః స్థిత్వా అజృంభత రాక్షసః |
జృంభమాణస్య తే బాణాః కాయాత్ నిష్పేతుర్ అశుగాః |౩-౩-౧౬|
స్పర్శాత్ తు వర దానేన ప్రాణాన్ సంరోధ్య రాక్షసః |
విరాధః శూలం ఉద్యమ్య రాఘవౌ అభ్యధావత |౩-౩-౧౭|
తత్ శూలం వజ్ర సంకాశం గగనే జ్వలన ఉపమం |
ద్వాభ్యాం శరాభ్యాం చిచ్ఛేద రామః శస్త్రభృతాం వరః |౩-౩-౧౮|
తత్ రామ విశిఖైః ఛిన్నం శూలం తస్య ఆపతత్ భువిః |
పపాత అశనినా చిన్నం మేరోర్ ఇవ శిలా తలం |౩-౩-౧౯|
తౌ ఖడ్గౌ క్షిప్రం ఉద్యమ్య కృష్ణ సర్పౌ ఇవ ఉద్యతౌ |
తూర్ణం ఆపేతతుః తస్య తదా ప్రహారతాం బలాత్ |౩-౩-౨౦|
స వధ్యమాన సుభృశం భుజాభ్యాం పరిగృహ్య తౌ |
అప్రకంప్యౌ నరవ్యాఘ్రౌ రౌద్రః ప్రస్థాతుం ఐచ్ఛత |౩-౩-౨౧|
తస్య అభిప్రాయం అజ్ఞాయ రామో లక్ష్మణం అబ్రవీత్ |
వహతు అయం అలం తావత్ పథానేన తు రాక్షసః |౩-౩-౨౨|
యథా చ ఇచ్ఛతి సోఉమిత్రే తథా వహతు రాక్షసః |
అయం ఏవ హి నః పంథా యేన యాతి నిశాచరః |౩-౩-౨౩|
స తు స్వ బల వీర్యేణ సముత్క్షిప్య నిశాచరః |
బాలాః ఇవ స్కంధ గతౌ చకార అతి బలోద్ధతః |౩-౩-౨౪|
తౌ ఆరోప్య తతః స్కంధం రాఘవో రజనీ చరః |
విరాధో వినదన్ ఘోరం జగామ అభిముఖో వనం |౩-౩-౨౫|
వనం మహా మేఘ నిభం ప్రవిష్టోద్రుమైః మహద్భిః వివిధైః ఉపేతం |
నానా విధైః పక్షి కులైః విచిత్రంశివ ఆయుతం వ్యాల మృగైః వికీర్ణం |౩-౩-౨౬|
ఇతి వాల్మీకి రామాయణే ఆది కావ్యే అరణ్యకాండే తృతీయః సర్గః |౩-౩|
|
|
|
|
ఉచ్చైః స్వరేణ చుక్రోశ ప్రగృహ్య సు మహాభుజౌ |౩-౪-౧|
ఏష దాశరథీ రామః సత్యవాన్ శీలవాన్ శుచిః |
రక్షసా రౌద్ర రూపేణ హ్రియతే సహ లక్ష్మణః |౩-౪-౨|
మాం ఋకా భక్ష ఇష్యంతి శార్దూల ద్వీపినః తథా |
మాం హరః ఉత్సృజ్య కాకుత్స్థౌ నమస్తే రాక్షసోత్తమః |౩-౪-౩|
తస్యాః తత్ వచనం శ్రుత్వా వైదేహ్యాః రామ లక్ష్మణౌ |
వేగం ప్రచక్రతుర్ వీరౌ వధే తస్య దురాత్మనః |౩-౪-౪|
తస్య రౌద్రస్య సోఉమిత్రిః సవ్యం బాహుం బభఞ్జ హ |
రామః తు దక్షిణం బాహుం తరసా తస్య రక్షసః |౩-౪-౫|
సః భగ్న బహుః సంవిగ్నః పపాత ఆశు విమూర్ఛితః |
ధరణ్యాం మేఘ సంకాశో వజ్ర భిన్న ఇవ అచలః |౩-౪-౬|
ముష్టిభిర్ బాహుభిర్ పద్భిః సూదయంతౌ తు రాక్షసం |
ఉద్యమ్యోద్యమ్య చ అపి ఏనం స్థణ్డిలే నిష్పిపేషతుః |౩-౪-౭|
స విద్ధో బహుభిర్ బాణైః ఖడ్గాభ్యాం చ పరిక్షతః |
నిష్పిష్టో బహుధా భూమౌ న మమార స రాక్షసః |౩-౪-౮|
తం ప్రేక్ష్య రామః సుభృశం అవధ్యం అచల ఉపమం |
భయేషు అభయ దః శ్రీమాన్ ఇదం వచనం అబ్రవీత్ |౩-౪-౯|
తపసా పురుషవ్యాఘ్ర రాక్షసోఽయం న శక్యతే |
శస్త్రేణ యుధి నిర్జేతుం రాక్షసం నిఖనావహే |౩-౪-౧౦|
కుంజర్స్య ఇవ రౌద్రస్య రాక్షసస్య అస్య లక్ష్మణ! |
వనే అస్మిన్ సుమహద్ శ్వభ్రం ఖన్యతాం రౌద్రవర్చసః |౩-౪-౧౧|
ఇతి ఉక్త్వా లక్ష్మణం రామః ప్రదరః ఖన్యతాం ఇతి |
తస్థౌ విరాధం ఆక్ర్మ్య కణ్ఠే పాదేన వీర్యవాన్ |౩-౪-౧౨|
తత్ శ్రుత్వా రాఘవేణ ఉక్తం రాక్షసః ప్రశ్రితం వచః |
ఇదం ప్రోవాచ కాకుత్స్థం విరాధః పురుషర్షభం |౩-౪-౧౩|
హతోఽహం పురుషవ్యాఘ్రః శక్ర తుల్య బలేన వై |
మయా తు పూర్వం త్వం మోహాన్ న జ్ఞాతః పురుషర్షభః |౩-౪-౧౪|
కౌసల్యా సుప్రజాతః తాత రామః త్వం విదితో మయా |
వైదేహీ చ మహాభాగా లక్ష్మణః చ మహాయశాః |౩-౪-౧౫|
అభి శాపాద్ అహం ఘోరం ప్రవిష్టో రాక్ష్సీం తనుం |
తుంబురుః నామ గంధర్వః శప్తో వైశ్రవణేన హి |౩-౪-౧౬|
ప్రసాద్యమానః చ మయా సోఽబ్రవీత్ మాం మహాయశాః |
యదా దాశరథీ రమః త్వాం వధిష్యతి సంయుగే |౩-౪-౧౭|
తదా ప్రకృతిం ఆపన్నో భవాన్ స్వర్గం గమిష్యతి |
అనుపస్థీయమానో మాం స క్రుద్ధో వ్యాజహార హ |౩-౪-౧౮|
ఇతి వైశ్రవణో రాజా రంభ ఆసక్తం ఉవాచ హ |
తవ ప్రసాదాన్ ముక్తో అహం అభిశాపాత్ సు దారుణాత్ |౩-౪-౧౯|
భువనం స్వం గమిష్యామి స్వస్తి వోఽస్తు పరంతప |
ఇతో వసతి ధర్మాత్మా శరభఙ్గః ప్రతాపవాన్ |౩-౪-౨౦|
అధ్యర్థ యోజనే తాతః మహర్షిః సూర్య సంనిభః |
తం క్షిప్రం అభిగచ్ఛ త్వం స తే శ్రేయో అభిధాస్యతి |౩-౪-౨౧|
అవటే చ అపి మాం రామ నిక్షిప్య కుశలీ వ్రజ |
రక్షసాం గత సత్త్వానాం ఏష ధర్మః సనాతనః |౩-౪-౨౨|
అవటే యే నిధీయంతే తేషాం లోకాః సనాతనాః |
ఏవం ఉక్త్వా తు కాకుత్స్థం విరాధః శర పీడితః |౩-౪-౨౩|
బభూవ స్వర్గ సంప్రాప్తో న్యస్త దేహో మహాబలః |
తత్ శ్రుత్వా రాఘవః వాక్యం లక్ష్మణం వ్యాదిదేశ హ |౩-౪-౨౪|
కుంజర్స్య ఇవ రౌద్రస్య రాక్షసస్య అస్య లక్ష్మణ! |
వనే అస్మిన్ సుమహత్ శ్వభ్రం ఖన్యతాం రౌద్రకర్మణః|౩-౪-౨౫|
ఇతి ఉక్త్వా లక్ష్మణం రామః ప్రదరః ఖన్యతాం ఇతి |
తస్థౌ విరాధం ఆక్రమ్య కణ్ఠే పాదేన వీర్యవాన్ |౩-౪-౨౬|
తతః ఖనిత్రం ఆదాయ లక్ష్మణః శ్వభ్రం ఉత్తమం |
అఖనత్ పార్శ్వతః తస్య విరాధస్య మహాత్మనః |౩-౪-౨౭|
తం ముక్త కణ్ఠం ఉత్క్షిప్య శఙ్కు కర్ణం మహాస్వనం |
విరాధం ప్రాక్షిపత్ శ్వభ్రే నదంతం భైరవ స్వనం |౩-౪-౨౮|
తం ఆహవే దారుణం ఆశు విక్రమౌస్థిరౌ ఉభౌ సంయతి రామ లక్ష్మణౌ |
ముదాన్వితౌ చిక్షిపతుర్ భయావహమ్నదంతం ఉత్క్షిప్య బిలేన రాక్ష్సం |౩-౪-౨౯|
అవధ్యతాం ప్రేక్ష్య మహాసురస్య తౌశితేన శస్త్రేణ తదా నరర్షభౌ |
సమర్థ్య చ అత్యర్థ విశారదౌ ఉభౌబిలే విరధస్య వధం ప్రచక్రతుః |౩-౪-౩౦|
స్వయం విరాధేన హి మృత్యుం ఆత్మనఃప్రసహ్య రామేణ వధార్థం ఈప్సితః |
నివేదితః కానన చారిణా స్వయమ్న మే వధః శస్త్ర కృతో భవేత్ ఇతి |౩-౪-౩౧|
తదేవ రామేణ నిశమ్య భాషితంకృతా మతిః తస్య బిల ప్రవేశనే |
బిలం చ తేన అతి బలేన రక్షసాప్రవేశ్యమానేన వనం వినాదితం |౩-౪-౩౨|
ప్రహృష్ట రూపౌ ఇవ రామ లక్ష్మణౌవిరాధం ఉర్వ్యాం ప్రదరే నిపాత్య తం |
ననందతుః వీత భయౌ మహావనేశిలాభిః అంతర్ దధతుః చ రాక్షసం |౩-౪-౩౩|
తతః తు తౌ కాంచన చిత్ర కార్ముకౌనిహత్య రక్షః పరిగృహ్య మైథిలీం |
విజహ్రతుః తౌ ముదితౌ మహావనేదివి స్థితౌ చంద్ర దివాకరౌ ఇవ |౩-౪-౩౪|
ఇతి వాల్మీకి రామాయణే ఆది కావ్యే అరణ్యకాండే చతుర్థః సర్గః |౩-౪|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment