|
|
|
|
మారీచం కాశ్యపం రామ భర్తారం ఇదం అబ్రవీత్ |౧-౪౬-౧|
హత పుత్రా అస్మి భగవన్ తవ పుత్రైః మహాబలైః |
శక్ర హంతారం ఇచ్ఛామి పుత్రం దీర్ఘ తపో అర్జితం |౧-౪౬-౨|
సా అహం తపః చరిష్యామి గర్భం మే దాతుం అర్హసి |
ఈశ్వరం శక్ర హంతారం త్వం అనుజ్ఞాతుం అర్హసి |౧-౪౬-౩|
తస్యాః తత్ వచనం శ్రుత్వా మారీచః కాశ్యపః తదా |
ప్రత్యువాచ మహాతేజా దితిం పరమ దుఃఖితాం |౧-౪౬-౪|
ఏవం భవతు భద్రం తే శుచిః భవ తపోధనే |
జనయిష్యసి పుత్రం త్వం శక్ర హంతారం ఆహవే |౧-౪౬-౫|
పూర్ణే వర్ష సహస్రే తు శుచిః యది భవిష్యసి |
పుత్రం త్రైలోక్య హంతారం మత్తః త్వం జనయిష్యసి |౧-౪౬-౬|
ఏవం ఉక్త్వా మహా తేజాః పాణినా స మమార్జ తాం |
తం ఆలభ్య తతః స్వస్తి ఇతి ఉక్త్వా తపసే యయౌ |౧-౪౬-౭|
గతే తస్మిన్ నరశ్రేష్ఠ దితిః పరమ హర్షితా |
కుశప్లవం సామాసాద్య తపః తేపే సుదారుణం |౧-౪౬-౮|
తపః తస్యాం హి కుర్వత్యాం పరిచర్యాం చకార హ |
సహస్రాక్షో నరశ్రేష్ఠ పరయా గుణ సంపదా |౧-౪౬-౯|
అగ్నిం కుశాన్ కాష్ఠం అపః ఫలం మూలం తథైవ చ |
న్యవేదయత్ సహస్రాక్షో యచ్ చ అన్యత్ అపి కాంక్షితం |౧-౪౬-౧౦|
గాత్ర సంవాహనైః చైవ శ్రమ అపనయనైః తథా |
శక్రః సర్వేషు కాలేషు దితిం పరిచచార హ |౧-౪౬-౧౧|
పూర్ణే వర్ష సహస్రే దశ ఊనే రఘునందన |
దితిః పరమ సంహృష్టా సహస్రాక్షం అథ అబ్రవీత్ |౧-౪౬-౧౨|
తపః చరంత్యా వర్షాణి దశ వీర్యవతాం వర |
అవశిష్టాని భద్రం తే భ్రాతరం ద్రక్ష్యసే తతః |౧-౪౬-౧౩|
యం అహం త్వత్ కృతే పుత్ర తం ఆధాస్యే జయ ఉత్సుకం |
త్రైలోక్య విజయం పుత్ర సహ భోక్ష్యసి విజ్వరః |౧-౪౬-౧౪|
యాచితేన సురశ్రేష్ట పిత్రా తవ మాహాత్మనా |
వరో వర్ష సస్ర అంతే మమ దత్తః సుతం ప్రతి |౧-౪౬-౧౫|
ఇతి ఉక్త్వా చ దితిః తత్ర ప్రాప్తే మధ్యందిన ఈశ్వరే |
నిద్రయా పహృతా దేవీ పాదౌ కృత్వాథ శీర్షతః |౧-౪౬-౧౬|
దృష్ట్వా తాం అశుచిం శక్రః పాదయోః కృత మూర్ధజాం |
శిరః స్థానే కృతౌ పాదౌ జహాస చ ముమోద చ |౧-౪౬-౧౭|
తస్యాః శరీర వివరం ప్రవివేశ పురందరః |
గర్భం చ సప్తధా రామ చిచ్ఛేద పరమ ఆత్మవాన్ |౧-౪౬-౧౮|
భిద్యమానః తతో గర్భో వజ్రేణ శత పర్వణా |
రురోద సుస్వరం రామ తతో దితిః అబుధ్యత |౧-౪౬-౧౯|
మా రుదో మా రుదః చ ఇతి గర్భం శక్రో అభ్యభాషత |
బిభేద చ మహాతేజా రుదంతం అపి వాసవః |౧-౪౬-౨౦|
న హంతవ్యం న హంతవ్యం ఇతి ఏవం దితిః అబ్రవీత్ |
నిష్పపాత తతః శక్రో మాతుర్ వచన గౌరవాత్ |౧-౪౬-౨౧|
ప్రాంజలిః వజ్ర సహితో దితిం శక్రో అభ్యభాషత |
అశుచిః దేవి సుప్తా అసి పాదయోః కృత మూర్ధజా|౧-౪౬-౨౨|
తత్ అంతరం అహం లబ్ధ్వా శక్ర హంతారం ఆహవే |
అభిందం సప్తధా దేవి తన్ మే త్వం క్షంతుం అర్హసి |౧-౪౬-౨౩|
ఇతి వాల్మీకి రామాయణే ఆది కావ్యే బాలకాండే షట్చత్వారింశః సర్గః |౧-౪౬|
|
|
|
|
సహస్రాక్షం దురాధర్షం వాక్యం స అనునయా అబ్రవీత్ |౧-౪౭-౧|
మమ అపరాధాత్ గర్భో అయం సప్తధా శకలీ కృతః |
న అపరాధో హి దేవ ఈశ తవ అత్ర బలసూదన |౧-౪౭-౨|
ప్రియం త్వత్ కృతం ఇచ్ఛామి మమ గర్భ విపర్యయే |
మరుతాం సప్త సప్తానాం స్థానపాలా భవంతు తే |౧-౪౭-౩|
వాత స్కంధా ఇమే సప్త చరంతు దివి పుత్రక |
మారుతా ఇతి విఖ్యాతా దివ్యరూపా మమ ఆత్మజాః |౧-౪౭-౪|
బ్రహ్మ లోకం చరతు ఏక ఇంద్ర లోకం తథా అపరః |
దివ్య వాయుః ఇతి ఖ్యాతః తృతీయో అపి మహాయశాః |౧-౪౭-౫|
చత్వారః తు సురశ్రేష్ఠ దిశో వై తవ శాసనాత్ |
సంచరిష్యంతి భద్రం తే కలేన హి మమ ఆత్మజాః |౧-౪౭-౬|
త్వత్ కృతేన ఏవ నామ్నా వై మారుతా ఇతి విశ్రుతాః |
తస్యాః తత్ వచనం శ్రుత్వా సహస్రాక్షః పురందరః |౧-౪౭-౭|
ఉవాచ ప్రాంజలిః వాక్యం దితిం బలసూదనః |
సర్వం ఏతత్ యథా ఉక్తం తే భవిష్యతి న సంశయః |౧-౪౭-౮|
విచరిష్యంతి భద్రం తే దేవరూపాః తవ ఆత్మజాః |
ఏవం తౌ నిశ్చయం కృత్వా మాతా పుత్రౌ తపోవనే |౧-౪౭-౯|
జగ్మతుః త్రిదివం రామ కృతార్థౌ ఇతి నః శ్రుతం |
ఏష దేశః స కాకుత్స్థ మహేంద్రాత్ అద్యుషితః పురా |౧-౪౭-౧౦|
దితిం యత్ర తపః సిద్ధాం ఏవం పరిచచార సః |
ఇక్ష్వాకోస్తు నరవ్యాఘ్ర పుత్రః పరమ ధార్మికః |౧-౪౭-౧౧|
అలంబుషాయాం ఉత్పన్నో విశాల ఇతి విశ్రుతః |
తేన చ ఆసీత్ ఇహ స్థానే విశాలే ఇతి పురీ కృతా |౧-౪౭-౧౨|
విశాలస్య సుతో రామ హేమచంద్రో మహాబలః |
సుచంద్ర ఇతి విఖ్యాతో హేమచంద్రాత్ అనంతరః |౧-౪౭-౧౩|
సుచంద్ర తనయో రామ ధూమ్ర అశ్వ ఇతి విశ్రుతః |
ధూమ్రాశ్వ తనయః చ అపి సృంజయః సమపద్యత |౧-౪౭-౧౪|
సృంజయస్య సుతః శ్రీమాన్ సహదేవః ప్రతాపవాన్ |
కుశాశ్వః సహదేవస్య పుత్రః పరమ ధార్మికః |౧-౪౭-౧౫|
కుశాశ్వస్య మహాతేజాః సోమదత్తః ప్రతాపవాన్ |
సోమదత్తస్య పుత్రః తు కాకుత్స్థ ఇతి విశ్రుతః |౧-౪౭-౧౬|
తస్య పుత్రో మహాతేజాః సంప్రతి ఏష పురీం ఇమాం |
ఆవసత్ పరమ ప్రఖ్యః సుమతిః నామ దుర్జయః |౧-౪౭-౧౭|
ఇక్ష్వాకోస్తు ప్రసాదేన సర్వే వైశాలికా నృపాః |
దీర్ఘ ఆయుషో మహాత్మానో వీర్యవంతః సుధార్మికాః |౧-౪౭-౧౮|
ఇహ అద్య రజనీం ఏకాం సుఖం స్వప్స్యామహే వయం |
శ్వః ప్రభాతే నరశ్రేష్ఠ జనకం ద్రష్టుం అర్హసి |౧-౪౭-౧౯|
సుమతిః తు మహాతేజా విశ్వామిత్రం ఉపాగతం |
శ్రుత్వా నర వర శ్రేష్ఠః ప్రత్యాగచ్ఛన్ మహాయశాః |౧-౪౭-౨౦|
పూజాం చ పరమాం కృత్వా స ఉపాధ్యాయః సబాంధవః |
ప్రాంజలిః కుశలం పృష్ట్వా విశ్వామిత్రం అథ అబ్రవీత్ |౧-౪౭-౨౧|
ధన్యో అస్మి అనుగృహీతో అస్మి యస్య మే విషయం మునే |
సంప్రాప్తో దర్శనం చైవ న అస్తి ధన్యతరో మమ |౧-౪౭-౨౨|
ఇతి వాల్మీకి రామాయణే ఆది కావ్యే బాలకాండే సప్తచత్వారింశః సర్గః |౧-౪౭|
|
|
|
|
కథాంతే సుమతిః వాక్యం వ్యాజహార మహామునిం |౧-౪౮-౧|
ఇమౌ కుమారౌ భద్రం తే దేవ తుల్య పరాక్రమౌ |
గజ సింహ గతీ వీరౌ శార్దూల వృషభ ఉపమౌ |౧-౪౮-౨|
పద్మ పత్ర విశాలాక్షౌ ఖడ్గ తూణీ ధనుర్ ధరౌ |
అశ్వినౌ ఇవ రూపేణ సముపస్థిత యౌవనౌ |౧-౪౮-౩|
యదృచ్ఛయా ఏవ గాం ప్రాప్తౌ దేవలోకాత్ ఇవ అమరౌ |
కథం పద్భ్యాం ఇహ ప్రాప్తౌ కిం అర్థం కస్య వా మునే |౧-౪౮-౪|
భూషయంతౌ ఇమం దేశం చంద్ర సూర్యౌ ఇవ అంబరం |
పరస్పరేణ సదృశౌ ప్రమాణ ఇంగిత చేష్టితైః |౧-౪౮-౫|
కిం అర్థం చ నర శ్రేష్ఠౌ సంప్రాప్తౌ దుర్గమే పథి |
వర ఆయుధ ధరౌ వీరౌ శ్రోతుం ఇచ్ఛామి తత్త్వతః |౧-౪౮-౬|
తస్య తద్ వచనం శ్రుత్వా యథా వృత్తం న్యవేదయత్ |
సిద్ధ ఆశ్రమ నివాసం చ రాక్షసానాం వధం తథా |౧-౪౮-౭|
విశ్వామిత్ర వచః శ్రుత్వా రాజా పరమ విస్మితః |౧-౪౮-౮|
అతిథీ పరమౌ ప్రాప్తం పుత్రౌ దశరథస్య తౌ |
పూజయామాస విధివత్ సత్కార అర్హౌ మహాబలౌ |౧-౪౮-౯|
తతః పరమ సత్కారం సుమతేః ప్రాప్య రాఘవౌ |
ఉష్య తత్ర నిశాం ఏకాం జగ్మతుః మిథిలాం తతః |౧-౪౮-౧౦|
తాం దృష్ట్వా మునయః సర్వే జనకస్య పురీం శుభాం |
సాధు సాధు ఇతి శంసంతో మిథిలాం సమపూజయన్ |౧-౪౮-౧౧|
మిథిల ఉపవనే తత్ర ఆశ్రమం దృశ్య రాఘవః |
పురాణం నిర్జనం రమ్యం పప్రచ్ఛ ముని పుంగవం |౧-౪౮-౧౨|
ఇదం ఆశ్రమ సంకాశం కిం ను ఇదం ముని వర్జితం |
శ్రోతుం ఇచ్ఛామి భగవన్ కస్య అయం పూర్వ ఆశ్రమః |౧-౪౮-౧౩|
తత్ శ్రుతా రాఘవేణ ఉక్తం వాక్యం వాక్య విశారదః |
ప్రతి ఉవాచ మహాతేజా విశ్వమిత్రో మహామునిః |౧-౪౮-౧౪|
హంత తే కథయిష్యామి శృణు తత్త్వేన రాఘవ |
యస్య ఏతత్ ఆశ్రమ పదం శప్తం కోపాన్ మహాత్మనా |౧-౪౮-౧౫|
గౌతమస్య నరశ్రేష్ఠ పూర్వం ఆసీత్ మహాత్మనః |
ఆశ్రమో దివ్య సంకాశః సురైః అపి సుపూజితః |౧-౪౮-౧౬|
స చ అత్ర తప ఆతిష్ఠత్ అహల్యా సహితః పురా |
వర్ష పూగాని అనేకాని రాజపుత్ర మహాయశః |౧-౪౮-౧౭|
తస్య అంతరం విదిత్వా తు సహస్రాక్షః శచీ పతిః |
ముని వేష ధరో భూత్వా అహల్యాం ఇదం అబ్రవీత్ |౧-౪౮-౧౮|
ఋతు కాలం ప్రతీక్షంతే న అర్థినః సుసమాహితే |
సంగమం తు అహం ఇచ్ఛామి త్వయా సహ సుమధ్యమే |౧-౪౮-౧౯|
ముని వేషం సహస్రాక్షం విజ్ఞాయ రఘునందన |
మతిం చకార దుర్మేధా దేవ రాజ కుతూహలాత్ |౧-౪౮-౨౦|
అథ అబ్రవీత్ సురశ్రేష్ఠం కృతార్థేన అంతరాత్మనా |
కృతార్థా అస్మి సురశ్రేష్ఠ గచ్ఛ శీఘ్రం ఇతః ప్రభో |౧-౪౮-౨౧|
ఆత్మానం మాం చ దేవేశ సర్వదా రక్ష గౌతమాత్ |
ఇంద్రః తు ప్రహసన్ వాక్యం అహల్యాం ఇదం అబ్రవీత్ |౧-౪౮-౨౨|
సుశ్రోణి పరితుష్టో అస్మి గమిష్యామి యథా ఆగతం |
ఏవం సంగమ్య తు తయా నిశ్చక్రామ ఉటజాత్ తతః |౧-౪౮-౨౩|
స సంభ్రమాత్ త్వరన్ రామ శంకితో గౌతమం ప్రతి |
గౌతమం స దదర్శ అథ ప్రవిశంతం మహామునిం |౧-౪౮-౨౪|
దేవ దానవ దుర్ధర్షం తపో బల సమన్వితం |
తీర్థ ఉదక పరిక్లిన్నం దీప్యమానం ఇవ అనలం |౧-౪౮-౨౫|
గృహీత సమిధం తత్ర స కుశం ముని పుంగవం |
దృష్ట్వా సుర పతిః త్రస్తో విషణ్ణ వదనో అభవత్ |౧-౪౮-౨౬|
అథ దృష్ట్వా సహస్రాక్షం ముని వేష ధరం మునిః |
దుర్వృత్తం వృత్త సంపన్నో రోషాత్ వచనం అబ్రవీత్ |౧-౪౮-౨౭|
మమ రూపం సమాస్థాయ కృతవాన్ అసి దుర్మతే |
అకర్తవ్యం ఇదం యస్మాత్ విఫలః త్వం భవిష్యతి |౧-౪౮-౨౮|
గౌతమేన ఏవం ఉక్తస్య స రోషేణ మహాత్మనా |
పేతతుః వృషణౌ భూమౌ సహస్రాక్షస్య తత్ క్షణాత్ |౧-౪౮-౨౯|
తథా శప్త్వా చ వై శక్రం భార్యాం అపి చ శప్తవాన్ |
ఇహ వర్ష సహస్రాణి బహూని నివషిస్యసి |౧-౪౮-౩౦|
వాయు భక్షా నిరాహారా తప్యంతీ భస్మ శాయినీ |
అదృశ్యా సర్వ భూతానాం ఆశ్రమే అస్మిన్ వషిస్యసి |౧-౪౮-౩౧|
యదా తు ఏతత్ వనం ఘోరం రామో దశరథ ఆత్మజః |
ఆగమిష్యతి దుర్ధర్షః తదా పూతా భవిష్యసి |౧-౪౮-౩౨|
తస్య ఆతిథ్యేన దుర్వృత్తే లోభ మోహ వివర్జితా |
మత్ సకాశే ముదా యుక్తా స్వం వపుః ధారయిష్యసి |౧-౪౮-౩౩|
ఏవం ఉక్త్వా మహాతేజా గౌతమో దుష్ట చారిణీం |
ఇమం ఆశ్రమం ఉత్సృజ్య సిద్ధ చారణ సేవితే |
హిమవత్ శిఖరే రమ్యే తపః తేపే మహాతపాః |౧-౪౮-౩౪|
ఇతి వాల్మీకి రామాయణే ఆది కావ్యే బాలకాండే అష్టచత్వారింశః సర్గః |౧-౪౮|
|
|
|
|
అబ్రవీత్ త్రస్త నయనః సిద్ధ గంధవ చారణాన్ |౧-౪౯-౧|
కుర్వతా తపసో విఘ్నం గౌతమస్య మహాత్మనః |
క్రోధం ఉత్పాద్య హి మయా సుర కార్యం ఇదం కృతం |౧-౪౯-౨|
అఫలో అస్మి కృతః తేన క్రోధాత్ సా చ నిరాకృతా |
శాప మోక్షేణ మహతా తపో అస్య అపహృతం మయా |౧-౪౯-౩|
తత్ మాం సురవరాః సర్వే స ఋషి సంఘాః స చారణాః |
సుర కార్య కరం యూయం సఫలం కర్తుం అర్హథ |౧-౪౯-౪|
శతక్రతోః వచః శ్రుత్వా దేవాః స అగ్ని పురోగమాః |
పితృ దేవాన్ ఉపేత్య ఆహుః సహ సర్వైః మరుత్ గణైః |౧-౪౯-౫|
అయం మేషః సవృషణః శక్రో హి అవృషణః కృతః |
మేషస్య వృషణౌ గృహ్య శక్రాయ ఆశు ప్రయచ్ఛత |౧-౪౯-౬|
అఫలః తు కృతో మేషః పరాం తుష్టిం ప్రదాస్యతి |
భవతాం హర్షణార్థాయ యే చ దాస్యంతి మానవాః |
అక్షయం హి ఫలం తేషాం యూయం దాస్యథ పుష్కలం |౧-౪౯-౭|
అగ్నేః తు వచనం శ్రుత్వా పితృ దేవాః సమాగతాః |
ఉత్పాట్య మేష వృషణౌ సహస్రాక్షే న్యవేశయన్ |౧-౪౯-౮|
తదా ప్రభృతి కాకుత్స్థ పితృ దేవాః సమాగతాః |
అఫలాన్ భుంజతే మేషాన్ ఫలైః తేషాం అయోజయన్ |౧-౪౯-౯|
ఇంద్రః తు మేష వృషణః తదా ప్రభృతి రాఘవ |
గౌతమస్య ప్రభావేన తపసా చ మహాత్మనః |౧-౪౯-౧౦|
తత్ ఆగచ్ఛ మహాతేజ ఆశ్రమం పుణ్య కర్మణః |
తారయ ఏనాం మహాభాగాం అహల్యాం దేవ రూపిణీం |౧-౪౯-౧౧|
విశ్వామిత్ర వచః శ్రుత్వా రాఘవః సహ లక్ష్మణః |
విశ్వామిత్రం పురస్కృత్య ఆశ్రమం ప్రవివేశ హ |౧-౪౯-౧౨|
దదర్శ చ మహాభాగాం తపసా ద్యోతిత ప్రభాం |
లోకైః అపి సమాగమ్య దుర్నిరీక్ష్యాం సుర అసురైః |౧-౪౯-౧౩|
ప్రయత్నాత్ నిర్మితాం ధాత్రా దివ్యాం మాయామయీం ఇవ |
ధూమేన అభిపరీత అంగీం దీప్తాం అగ్ని సిఖాం ఇవ |౧-౪౯-౧౪|
స తుషార ఆవృతాం స అభ్రాం పూర్ణ చంద్ర ప్రభాం ఇవ |
మధ్యే అంభసో దురాధర్షాం దీప్తాం సూర్య ప్రభాం ఇవ |౧-౪౯-౧౫|
సస్ హి గౌతమ వాక్యేన దుర్నిరీక్ష్యా బభూవ హ |
త్రయాణాం అపి లోకానాం యావత్ రామస్య దర్శనం |౧-౪౯-౧౬|
శాపస్య అంతం ఉపాగమ్య తేషాం దర్శనం ఆగతా |
రాఘవౌ తు తతః తస్యాః పాదౌ జగృహతుః ముదా |౧-౪౯-౧౭|
స్మరంతీ గౌతమ వచః ప్రతిజగ్రాహ సా చ తౌ |
పాద్యం అర్ఘ్యం తథా ఆతిథ్యం చకార సుసమాహితా |
ప్రతిజగ్రాహ కాకుత్స్థో విధి దృష్టేన కర్మణా |౧-౪౯-౧౮|
పుష్ప వృష్టిః మహతీ ఆసీత్ దేవ దుందుభి నిస్వనైః |
గంధర్వ అప్సరసాం చ ఏవ మహాన్ ఆసీత్ సముత్సవః |౧-౪౯-౧౯|
సాధు సాధు ఇతి దేవాః తాం అహల్యాం సమపూజయన్ |
తపో బల విశుద్ధ అంగీం గౌతమస్య వశ అనుగాం |౧-౪౯-౨౦|
గౌతమో అపి మహాతేజా అహల్యా సహితః సుఖీ |
రామం సంపూజ్య విధివత్ తపః తేపే మహాతపాః |౧-౪౯-౨౧|
రామో అపి పరమాం పూజాం గౌతమస్య మహామునేః |
సకాశాత్ విధివత్ ప్రాప్య జగామ మిథిలాం తతః |౧-౪౯-౨౨|
ఇతి వాల్మీకి రామాయణే ఆది కావ్యే బాలకాండే ఏకోనపఞ్చాశః సర్గః |౧-౪౯|
|
|
|
|
విశ్వామిత్రం పురస్కృత్య యజ్ఞ వాటం ఉపాగమత్ |౧-౫౦-౧|
రామః తు ముని శార్దూలం ఉవాచ సహ లక్ష్మణః |
సాధ్వీ యజ్ఞ సమృద్ధిః హి జనకస్య మహాత్మనః |౧-౫౦-౨|
బహూని ఇహ సహస్రాణి నానా దేశ నివాసినాం |
బ్రాహ్మణానాం మహాభాగ వేద అధ్యయన శాలినాం |౧-౫౦-౩|
ఋషి వాటాః చ దృశ్యంతే శకటీ శత సంకులాః |
దేశో విధీయతాం బ్రహ్మన్ యత్ర వత్స్యామహే వయం |౧-౫౦-౪|
రామస్య వచనం శ్రుత్వా విశ్వామిత్రో మహామునిః |
నివేశం అకరోత్ దేశే వివిక్తే సలిల ఆయుతే |౧-౫౦-౫|
విశ్వామిత్రం అనుప్రాప్తం శ్రుత్వా నృపవరః తదా |
శతానందం పురస్కృత్య పురోహితం అనిందితం |౧-౫౦-౬|
ప్రతి ఉజ్జగామ సహసా వినయేన సమన్వితః |
ఋత్విజో అపి మహాత్మానః తు అర్ఘ్యం ఆదాయ స త్వరం |౧-౫౦-౭|
విశ్వామిత్రాయ ధర్మేణ దదౌ ధర్మ పురస్కృతం |
ప్రతిగృహ్య తు తాం పూజాం జనకస్య మహాత్మనః |౧-౫౦-౮|
పప్రచ్ఛ కుశలం రాజ్ఞో యజ్ఞస్య చ నిరామయం |
స తాం చ అథ మునీన్ పృష్ట్వా స ఉపాధ్యాయ పురోధసః |౧-౫౦-౯|
యథా అర్హం ఋషిభిః సర్వైః సమాగచ్ఛత్ ప్రహృష్టవత్ |
అథ రాజా ముని శ్రేష్ఠం కృత అంజలిః అభాషత |౧-౫౦-౧౦|
ఆసనే భగవాన్ ఆస్తాం సహ ఏభిః ముని సత్తమైః |
జనకస్య వచః శ్రుత్వా నిషసాద మహామునిః |౧-౫౦-౧౧|
పురోధా ఋత్విజః చైవ రాజా చ సహ మంత్రిభిః |
ఆసనేషు యథా న్యాయం ఉపవిష్టాన్ సమంతతః |౧-౫౦-౧౨|
దృష్ట్వా స నృపతిః తత్ర విశ్వామిత్రం అథ అబ్రవీత్ |
అద్య యజ్ఞ సమృద్ధిః మే సఫలా దైవతైః కృతా |౧-౫౦-౧౩|
అద్య యజ్ఞ ఫలం ప్రాప్తం భగవద్ దర్శనాత్ మయా |
ధన్యో అస్మి అనుగృహీతో అస్మి యస్య మే ముని పుంగవ |౧-౫౦-౧౪|
యజ్ఞ ఉపసదనం బ్రహ్మన్ ప్రాప్తో అసి మునిభిః సహ |
ద్వాదశ అహం తు బ్రహ్మర్షే దీక్షాం ఆహుః మనీషిణః |౧-౫౦-౧౫|
తతో భాగ అర్థినో దేవాన్ ద్రష్టుం అర్హసి కౌశిక |
ఇతి ఉక్త్వా ముని శార్దూలం ప్రహృష్ట వదనః తదా |౧-౫౦-౧౬|
పునః తం పరిపప్రచ్ఛ ప్రాంజలిః ప్రయతో నృపః |
ఇమౌ కుమారౌ భద్రం తే దేవ తుల్య పరాక్రమౌ |౧-౫౦-౧౭|
గజ తుల్య గతీ వీరౌ శార్దూల వృషభ ఉపమౌ |
పద్మ పత్ర విశాల అక్షౌ ఖడ్గ తూణీ ధనుర్ ధరౌ |
అశ్వినౌ ఇవ రూపేణ సముపస్థిత యౌవనౌ |౧-౫౦-౧౮|
యదృచ్ఛయా ఏవ గాం ప్రాప్తౌ దేవ లోకాత్ ఇవ అమరౌ |
కథం పద్భ్యాం ఇహ ప్రాప్తౌ కిం అర్థం కస్య వా మునే |౧-౫౦-౧౯|
వర ఆయుధ ధరౌ వీరౌ కస్య పుత్రౌ మహామునే |
భూషయంతౌ ఇమం దేశం చంద్ర సూర్యౌ ఇవ అంబరం |౧-౫౦-౨౦|
పరస్పరస్య సదృశౌ ప్రమాణ ఇంగిత చేష్టితైః |
కాక పక్ష ధరౌ వీరౌ శ్రోతుం ఇచ్ఛామి తత్త్వతః |౧-౫౦-౨౧|
తస్య తత్ వచనం శ్రుత్వా జనకస్య మహాత్మనః |
న్యవేదయత్ అమేయ ఆత్మా పుత్రౌ దశరథస్య తౌ |౧-౫౦-౨౨|
సిద్ధ ఆశ్రమ నివాసం చ రాక్షసానాం వధం తథా |
తత్ర ఆగమనం అవ్యగ్రం విశాలాయాః చ దర్శనం |౧-౫౦-౨౩|
అహల్యా దర్శనం చైవ గౌతమేన సమాగమం |
మహాధనుషి జిజ్ఞాసాం కర్తుం ఆగమనం తథా |౧-౫౦-౨౪|
ఏతత్ సర్వం మహాతేజా జనకాయ మహాత్మనే |
నివేద్య విరరామ అథ విశ్వామిత్రో మహామునిః |౧-౫౦-౨౫|
ఇతి వాల్మీకి రామాయణే ఆది కావ్యే బాలకాండే పఞ్చాశః సర్గః |౧-౫౦|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment