|
|
|
|
రామః రమయతాం శ్రేష్ఠైతి హ ఉవాచ లక్ష్మణం |౨-౫౩-౧|
అద్య ఇయం ప్రథమా రాత్రిర్ యాతా జన పదాత్ బహిః |
యా సుమంత్రేణ రహితా తాం న ఉత్కణ్ఠితుం అర్హసి |౨-౫౩-౨|
జాగర్తవ్యం అతంద్రిభ్యాం అద్య ప్రభృతి రాత్రిషు |
యోగ క్షేమః హి సీతాయా వర్తతే లక్ష్మణ ఆవయోహ్ |౨-౫౩-౩|
రాత్రిం కథంచిత్ ఏవ ఇమాం సౌమిత్రే వర్తయామహే |
ఉపావర్తామహే భూమావ్ ఆస్తీర్య స్వయం ఆర్జితైః |౨-౫౩-౪|
స తు సంవిశ్య మేదిన్యాం మహా అర్హ శయన ఉచితః |
ఇమాః సౌమిత్రయే రామః వ్యాజహార కథాః శుభాః |౨-౫౩-౫|
ధ్రువం అద్య మహా రాజో దుహ్ఖం స్వపితి లక్ష్మణ |
కృత కామా తు కైకేయీ తుష్టా భవితుం అర్హతి |౨-౫౩-౬|
సా హి దేవీ మహా రాజం కైకేయీ రాజ్య కారణాత్ |
అపి న చ్యావయేత్ ప్రాణాన్ దృష్ట్వా భరతం ఆగతం |౨-౫౩-౭|
అనాథః చైవ వృద్ధః చ మయా చైవ వినాకృతః |
కిం కరిష్యతి కామ ఆత్మా కైకేయ్యా వశం ఆగతః |౨-౫౩-౮|
ఇదం వ్యసనం ఆలోక్య రాజ్ఞః చ మతి విభ్రమం |
కామాఎవ అర్ధ ధర్మాభ్యాం గరీయాన్ ఇతి మే మతిః |౨-౫౩-౯|
కో హి అవిద్వాన్ అపి పుమాన్ ప్రమదాయాః కృతే త్యజేత్ |
చంద అనువర్తినం పుత్రం తాతః మాం ఇవ లక్ష్మణ |౨-౫౩-౧౦|
సుఖీ బత సభార్యః చ భరతః కేకయీ సుతః |
ముదితాన్ కోసలాన్ ఏకో యో భోక్ష్యతి అధిరాజవత్ |౨-౫౩-౧౧|
స హి సర్వస్య రాజ్యస్య ముఖం ఏకం భవిష్యతి |
తాతే చ వయసా అతీతే మయి చ అరణ్యం ఆశ్రితే |౨-౫౩-౧౨|
అర్థ ధర్మౌ పరిత్యజ్య యః కామం అనువర్తతే |
ఏవం ఆపద్యతే క్షిప్రం రాజా దశరథో యథా |౨-౫౩-౧౩|
మన్యే దశరథ అంతాయ మమ ప్రవ్రాజనాయ చ |
కైకేయీ సౌమ్య సంప్రాప్తా రాజ్యాయ భరతస్య చ |౨-౫౩-౧౪|
అపి ఇదానీం న కైకేయీ సౌభాగ్య మద మోహితా |
కౌసల్యాం చ సుమిత్రాం చ సంప్రబాధేత మత్ కృతే |౨-౫౩-౧౫|
మా స్మ మత్ కారణాత్ దేవీ సుమిత్రా దుహ్ఖం ఆవసేత్ |
అయోధ్యాం ఇతాఎవ త్వం కాలే ప్రవిశ లక్ష్మణ |౨-౫౩-౧౬|
అహం ఏకో గమిష్యామి సీతయా సహ దణ్డకాన్ |
అనాథాయా హి నాథః త్వం కౌసల్యాయా భవిష్యసి |౨-౫౩-౧౭|
క్షుద్ర కర్మా హి కైకేయీ ద్వేషాత్ అన్యాయ్యం ఆచరేత్ |
పరిదద్యా హి ధర్మజ్ఞే భరతే మమ మాతరం |౨-౫౩-౧౮|
నూనం జాతి అంతరే కస్మింస్ స్త్రియః పుత్రైః వియోజితాః |
జనన్యా మమ సౌమిత్రే తత్ అపి ఏతత్ ఉపస్థితం |౨-౫౩-౧౯|
మయా హి చిర పుష్టేన దుహ్ఖ సంవర్ధితేన చ |
విప్రాయుజ్యత కౌసల్యా ఫల కాలే ధిగ్ అస్తు మాం |౨-౫౩-౨౦|
మా స్మ సీమంతినీ కాచిజ్ జనయేత్ పుత్రం ఈదృశం |
సౌమిత్రే యో అహం అంబాయా దద్మి శోకం అనంతకం |౨-౫౩-౨౧|
మన్యే ప్రీతి విశిష్టా సా మత్తః లక్ష్మణ సారికా |
యస్యాః తత్ శ్రూయతే వాక్యం శుక పాదం అరేర్ దశ |౨-౫౩-౨౨|
శోచంత్యాః చ అల్ప భాగ్యాయా న కించిత్ ఉపకుర్వతా |
పుర్త్రేణ కిం అపుత్రాయా మయా కార్యం అరిం దమ |౨-౫౩-౨౩|
అల్ప భాగ్యా హి మే మాతా కౌసల్యా రహితా మయా |
శేతే పరమ దుహ్ఖ ఆర్తా పతితా శోక సాగరే |౨-౫౩-౨౪|
ఏకో హి అహం అయోధ్యాం చ పృథివీం చ అపి లక్ష్మణ |
తరేయం ఇషుభిః క్రుద్ధో నను వీర్యం అకారణం |౨-౫౩-౨౫|
అధర్మ భయ భీతః చ పర లోకస్య చ అనఘ |
తేన లక్ష్మణ న అద్య అహం ఆత్మానం అభిషేచయే |౨-౫౩-౨౬|
ఏతత్ అన్యచ్ చ కరుణం విలప్య విజనే బహు |
అశ్రు పూర్ణ ముఖో రామః నిశి తూష్ణీం ఉపావిశత్ |౨-౫౩-౨౭|
విలప్య ఉపరతం రామం గత అర్చిషం ఇవ అనలం |
సముద్రం ఇవ నిర్వేగం ఆశ్వాసయత లక్ష్మణః |౨-౫౩-౨౮|
ధ్రువం అద్య పురీ రామాయోధ్యా యుధినాం వర |
నిష్ప్రభా త్వయి నిష్క్రాంతే గత చంద్రా ఇవ శర్వరీ |౨-౫౩-౨౯|
న ఏతత్ ఔపయికం రామ యద్ ఇదం పరితప్యసే |
విషాదయసి సీతాం చ మాం చైవ పురుష ఋషభ |౨-౫౩-౩౦|
న చ సీతా త్వయా హీనా న చ అహం అపి రాఘవ |
ముహూర్తం అపి జీవావో జలాన్ మత్స్యావ్ ఇవ ఉద్ధృతౌ |౨-౫౩-౩౧|
న హి తాతం న శత్రుఘ్నం న సుమిత్రాం పరం తప |
ద్రష్టుం ఇచ్చేయం అద్య అహం స్వర్గం వా అపి త్వయా వినా |౨-౫౩-౩౨|
తతస్తత్ర సుఖాసీనే నాతిదూరే నిరీక్ష్య తాం |
న్యగ్రోధే సుకృతాం శయ్యాం భేజాతే ధర్మవత్సలౌ |౨-౫౩-౩౩|
స లక్ష్మణస్య ఉత్తమ పుష్కలం వచో |
నిశమ్య చ ఏవం వన వాసం ఆదరాత్ |
సమాః సమస్తా విదధే పరం తపః |
ప్రపద్య ధర్మం సుచిరాయ రాఘవః |౨-౫౩-౩౪|
తతస్తు తస్మిన్ విజనే వనే తదా |
మహాబలౌ రాఘవవంశవర్ధనౌ |
న తౌ భయం సంభ్రమమభ్యుపేయతు |
ర్యథైవ సిమ్హౌ గిరిసానుగోచరౌ |౨-౫౩-౩౫|
ఇతి వాల్మీకి రామాయణే ఆది కావ్యే అయోధ్యాకాండే త్రిపఞ్చాశః సర్గః |౨-౫౩|
|
|
|
|
విమలే అభ్యుదితే సూర్యే తస్మాత్ దేశాత్ ప్రతస్థిరే |౨-౫౪-౧|
యత్ర భాగీరథీ గంగా యమునాం అభివర్తతే |
జగ్ముస్ తం దేశం ఉద్దిశ్య విగాహ్య సుమహద్ వనం |౨-౫౪-౨|
తే భూమిం ఆగాన్ వివిధాన్ దేశామః చ అపి మనో రమాన్ |
అదృష్ట పూర్వాన్ పశ్యంతః తత్ర తత్ర యశస్వినః |౨-౫౪-౩|
యథా క్షేమేణ గచ్చన్ స పశ్యమః చ వివిధాన్ ద్రుమాన్ |
నివృత్త మాత్రే దివసే రామః సౌమిత్రిం అబ్రవీత్ |౨-౫౪-౪|
ప్రయాగం అభితః పశ్య సౌమిత్రే ధూమం ఉన్నతం |
అగ్నేర్ భగవతః కేతుం మన్యే సమ్నిహితః మునిః |౨-౫౪-౫|
నూనం ప్రాప్తాః స్మ సంభేదం గంగా యమునయోః వయం |
తథా హి శ్రూయతే శంబ్దో వారిణా వారి ఘట్టితః |౨-౫౪-౬|
దారూణి పరిభిన్నాని వనజైః ఉపజీవిభిః |
భరద్వాజ ఆశ్రమే చ ఏతే దృశ్యంతే వివిధా ద్రుమాః |౨-౫౪-౭|
ధన్వినౌ తౌ సుఖం గత్వా లంబమానే దివా కరే |
గంగా యమునయోహ్ సంధౌ ప్రాపతుర్ నిలయం మునేః |౨-౫౪-౮|
రామః తు ఆశ్రమం ఆసాద్య త్రాసయన్ మృగ పక్షిణః |
గత్వా ముహూర్తం అధ్వానం భరద్వాజం ఉపాగమత్ |౨-౫౪-౯|
తతః తు ఆశ్రమం ఆసాద్య మునేర్ దర్శన కాంక్షిణౌ |
సీతయా అనుగతౌ వీరౌ దూరాత్ ఏవ అవతస్థతుః |౨-౫౪-౧౦|
స ప్రవిశ్య మహాత్మానమృషిం శిష్యగణైర్వఋతం |
సంశితవ్రతమేకాగ్రం తపసా లబ్ధచక్షుషం |౨-౫౪-౧౧|
హుత అగ్ని హోత్రం దృష్ట్వా ఏవ మహా భాగం కృత అంజలిః |
రామః సౌమిత్రిణా సార్ధం సీతయా చ అభ్యవాదయత్ |౨-౫౪-౧౨|
న్యవేదయత చ ఆత్మానం తస్మై లక్ష్మణ పూర్వజః |
పుత్రౌ దశరథస్య ఆవాం భగవన్ రామ లక్ష్మణౌ |౨-౫౪-౧౩|
భార్యా మమ ఇయం వైదేహీ కల్యాణీ జనక ఆత్మజా |
మాం చ అనుయాతా విజనం తపో వనం అనిందితా |౨-౫౪-౧౪|
పిత్రా ప్రవ్రాజ్యమానం మాం సౌమిత్రిర్ అనుజః ప్రియః |
అయం అన్వగమద్ భ్రాతా వనం ఏవ దృఢ వ్రతః |౨-౫౪-౧౫|
పిత్రా నియుక్తా భగవన్ ప్రవేష్యామః తపో వనం |
ధర్మం ఏవ ఆచరిష్యామః తత్ర మూల ఫల అశనాః |౨-౫౪-౧౬|
తస్య తత్ వచనం శ్రుత్వా రాజ పుత్రస్య ధీమతః |
ఉపానయత ధర్మ ఆత్మా గాం అర్ఘ్యం ఉదకం తతః |౨-౫౪-౧౭|
నానావిధానన్నరసాన్ వన్యమూలఫలాశ్రయాన్ |
తేభ్యో దదౌ తప్తతపా వాసం చైవాభ్యకల్పయత్ |౨-౫౪-౧౮|
మృగ పక్షిభిర్ ఆసీనో మునిభిః చ సమంతతః |
రామం ఆగతం అభ్యర్చ్య స్వాగతేన ఆహ తం మునిః |౨-౫౪-౧౯|
ప్రతిగృహ్య చ తాం అర్చాం ఉపవిష్టం స రాఘవం |
భరద్వాజో అబ్రవీద్ వాక్యం ధర్మ యుక్తం ఇదం తదా |౨-౫౪-౨౦|
చిరస్య ఖలు కాకుత్స్థ పశ్యామి త్వాం ఇహ ఆగతం |
శ్రుతం తవ మయా చ ఇదం వివాసనం అకారణం |౨-౫౪-౨౧|
అవకాశో వివిక్తః అయం మహా నద్యోహ్ సమాగమే |
పుణ్యః చ రమణీయః చ వసతు ఇహ భగాన్ సుఖం |౨-౫౪-౨౨|
ఏవం ఉక్తః తు వచనం భరద్వాజేన రాఘవః |
ప్రత్యువాచ శుభం వాక్యం రామః సర్వ హితే రతః |౨-౫౪-౨౩|
భగవన్న్ ఇతాసన్నః పౌర జానపదో జనః |
సుదర్శమిహ మాం ప్రేక్ష్య మన్యేఽహ మిమమాశ్రమం |౨-౫౪-౨౪|
ఆగమిష్యతి వైదేహీం మాం చ అపి ప్రేక్షకో జనః |
అనేన కారణేన అహం ఇహ వాసం న రోచయే |౨-౫౪-౨౫|
ఏక అంతే పశ్య భగవన్న్ ఆశ్రమ స్థానం ఉత్తమం |
రమతే యత్ర వైదేహీ సుఖ అర్హా జనక ఆత్మజా |౨-౫౪-౨౬|
ఏతత్ శ్రుత్వా శుభం వాక్యం భరద్వాజో మహా మునిః |
రాఘవస్య తతః వాక్యం అర్థ గ్రాహకం అబ్రవీత్ |౨-౫౪-౨౭|
దశ క్రోశైతః తాత గిరిర్ యస్మిన్ నివత్స్యసి |
మహర్షి సేవితః పుణ్యః సర్వతః సుఖ దర్శనః |౨-౫౪-౨౮|
గో లాంగూల అనుచరితః వానర ఋష్క నిషేవితః |
చిత్ర కూటైతి ఖ్యాతః గంధ మాదన సమ్నిభః |౨-౫౪-౨౯|
యావతా చిత్ర కూటస్య నరః శృంగాణి అవేక్షతే |
కల్యాణాని సమాధత్తే న పాపే కురుతే మనః |౨-౫౪-౩౦|
ఋషయః తత్ర బహవో విహృత్య శరదాం శతం |
తపసా దివం ఆరూధాః కపాల శిరసా సహ |౨-౫౪-౩౧|
ప్రవివిక్తం అహం మన్యే తం వాసం భవతః సుఖం |
ఇహ వా వన వాసాయ వస రామ మయా సహ |౨-౫౪-౩౨|
స రామం సర్వ కామైఅః తం భరద్వాజః ప్రియ అతిథిం |
సభార్యం సహ చ భ్రాత్రా ప్రతిజగ్రాహ ధర్మవిత్ |౨-౫౪-౩౩|
తస్య ప్రయాగే రామస్య తం మహర్షిం ఉపేయుషః |
ప్రపన్నా రజనీ పుణ్యా చిత్రాః కథయతః కథాః |౨-౫౪-౩౪|
సీతాతృతీయ కాకుత్స్థహ్ పరిశ్రాంతః సుఖోచితః |
భరద్వాజాశ్రమే రమ్యే తాం రాత్రి మవస్త్సుఖం |౨-౫౪-౩౫|
ప్రభాతాయాం రజన్యాం తు భరద్వాజం ఉపాగమత్ |
ఉవాచ నర శార్దూలో మునిం జ్వలిత తేజసం |౨-౫౪-౩౬|
శర్వరీం భవనన్న్ అద్య సత్య శీల తవ ఆశ్రమే |
ఉషితాః స్మ ఇహ వసతిం అనుజానాతు నో భవాన్ |౨-౫౪-౩౭|
రాత్ర్యాం తు తస్యాం వ్యుష్టాయాం భరద్వాజో అబ్రవీద్ ఇదం |
మధు మూల ఫల ఉపేతం చిత్ర కూటం వ్రజ ఇతి హ |౨-౫౪-౩౮|
వాసమౌపయికం మన్యే తవ రామ మహాబల |
నానానగగణోపేతః కిన్నరోరగసేవితహ్ |౨-౫౪-౩౯|
మయూరనాదాభిరుతో గజరాజనిషేవితః |
గమ్యతాం భవతా శైలశ్చిత్రకూటః స విశ్రుతః |౨-౫౪-౪౦|
పుణ్యశ్చ రమణీయశ్చ బహుమూలఫలాయుతః |
తత్ర కుంజర యూథాని మృగ యూథాని చ అభితః |౨-౫౪-౪౧|
విచరంతి వన అంతేషు తాని ద్రక్ష్యసి రాఘవ |
సరిత్ప్రస్రవణప్రస్థాన్ దరీకంధరనిర్ఘరాన్ |౨-౫౪-౪౨|
చరతః సీతయా సార్ధం నందిష్యతి మనస్తవ |
ప్రహృష్ట కోయష్టిక కోకిల స్వనైః |
ర్వినాదితం తం వసుధా ధరం శివం |
మృగైః చ మత్తైః బహుభిః చ కుంజరైః |
సురమ్యం ఆసాద్య సమావస ఆశ్రమం |౨-౫౪-౪౩|
ఇతి వాల్మీకి రామాయణే ఆది కావ్యే అయోధ్యాకాండే చతుఃపఞ్చాశః సర్గః |౨-౫౪|
|
|
|
|
మహర్షిమభివాద్యాథ జగ్మతుస్తం గిరిం ప్రతి |౨-౫౫-౧|
తేషాం చైవ స్వస్త్యయనం మహర్షిః స చకార హ |
ప్రస్థితాంశ్చైవ తాన్ ప్రేక్ష్యపితా పుత్రానివాన్వగాత్ |౨-౫౫-౨|
తతః ప్రచక్రమే వక్తుం వచనం స మహామునిః |
భర్ద్వాజో మహాతేజా రామం సత్యపరాక్రమం |౨-౫౫-౩|
గఙ్గాయమునయోః సంధిమాసాద్య మనుజర్షభౌ |
కాళిందీమనుగచ్ఛేతాం నదీం పశ్చాన్ముఖాశ్రితాం |౨-౫౫-౪|
అథాసాద్య తు కాళినంధీం శీఘ్రస్రోతసమాపగాం |
తస్యాస్తీర్థం ప్రచరితం పురాణం ప్రేక్ష్య రాఘవౌ |౨-౫౫-౫|
తత్ర యూయం ప్లవం కృత్వా తరతాంశుమతీం నదీం |
తతో న్యగ్రోధమాసాద్య మహాంతం హరితచ్ఛదం |౨-౫౫-౬|
వివృద్ధం బహుభిర్వఋక్షైహ్ శ్యామం సిద్ధోపసేవితం |
తస్మై సీతాఞ్జలిం కృత్వా ప్రయుఞ్జీతాశిషః శివాః |౨-౫౫-౭|
సమాసాద్య తు తం వృక్షం వసేద్వాతిక్రమేత వా |
క్రోశమాత్రం తతో గత్వా నీలం ద్రక్ష్యథ కాననం |౨-౫౫-౮|
పలాశబదరీమిశ్రం రమ్యం వంశైశ్చ యామునైః |
స పంథాశ్చిత్రకూటస్య గతః సుబహుశో మయా |౨-౫౫-౯|
రమ్యే మార్దవయుక్తశ్చ వనదావైర్విపర్జితః |
ఇతి పంథానమావేద్య మహర్షః స న్యవర్తత |౨-౫౫-౧౦|
అభివాద్య తథేత్యుక్త్వా రామేణ వినివర్తితః |
ఉపావృత్తే మునౌ తస్మిన్ రామో లక్ష్మణమబ్రవీత్ |౨-౫౫-౧౧|
కృతపుణ్యాః స్మ సౌమిత్రే మునిర్యన్నోఽనుకంపతే |
ఇతి తౌ పురుషవ్యాఘ్రౌ మంత్రయిత్వా మనస్వినౌ |౨-౫౫-౧౨|
సీతామేవాగ్రతః కృత్వా కాళిందీం జగ్మతుర్నదీం |
అథా సాద్య తు కాళిందీం శీఘ్రస్రోతోవహాం నదీం |౨-౫౫-౧౩|
తౌ కాష్ఠసంఘాతమథో చక్రతుస్తు మహాప్లవం |౨-౫౫-౧౪|
శుష్కైర్వంశైః సమాస్తీర్ణముళీరైశ్చ సమావృతం |
తతో వేతసశాఖాశ్చ జంబూశాఖాశ్చ వీర్యవాన్ |౨-౫౫-౧౫|
చకార లక్ష్మణశ్ఛిత్వా సీతాయాః సుఖమాసనం |
తత్ర శ్రియమివాచింత్యాం రామో దాశరథిః ప్రియాం |౨-౫౫-౧౬|
ఈష్త్సంకహ్హనాబాన్ తానగ్తారిఓఅతత్ ప్లవం |
పార్శ్వే చ తత్ర వైదేహ్యా వసనే చూష్ణాని చ |౨-౫౫-౧౭|
ప్లవే కఠినకాజం చ రామశ్చక్రే సహాయుధైః |
ఆరోప్య ప్రథమం సీతాం సంఘాటం ప్రతిగృహ్య తౌ |౨-౫౫-౧౮|
తతః ప్రతేరతుర్య త్తౌ వీరౌ దశరథాత్మజౌ |
కాళిందీమధ్యమాయాతా సీతా త్వేనామవందత |౨-౫౫-౧౯|
స్వస్తి దేవి తరామి త్వాం పార్యేన్మే పతిర్వతం |
యక్ష్యే త్వాం గోనహస్రేణ సురాఘటశతేన చ |౨-౫౫-౨౦|
స్వస్తి ప్రత్యాగతే రామే పురీమిక్ష్వాకుపాలితాం |
కాళిందీమథ సీతా తు యాచమానా కృతాఞ్జలిః |౨-౫౫-౨౧|
తీరమేవాభిసంప్రాప్తా దక్షిణం వరవర్ణినీ |
తతః ప్లవేనాంశుమతీం శీఘ్రగామూర్మిమాలినీం |౨-౫౫-౨౨|
తీరజైర్బహుభిర్వృక్షైః సంతేరుర్యమునాం నదీం |
తే తీర్ణాః ప్లవముత్సృజ్య ప్రస్థాయ యమునావనాత్ |౨-౫౫-౨౩|
శ్యామం న్యగ్రోధమాసేదుః శీతలం హరితచ్ఛదం |
న్య్గ్రోధం తముపాగమ్య వైదేహి వాక్యమబ్రవీత్ |౨-౫౫-౨౪|
నమస్తేఽంతు మహావృక్ష పారయేన్మే పతిర్వతం |
కౌసల్యాం చైవ పశ్యేయం సుమిత్రాం చ యశస్వినీం |౨-౫౫-౨౫|
ఇతి సీతాఞ్జలిం కృత్వా పర్యగచ్ఛద్వనస్పతిం |
అవలోక్య తతః సీతామాయాచంతీమనిందితాం |౨-౫౫-౨౬|
దయితాం చ విధేయం చ రామో లక్ష్మణమబ్రవీత్ |
సీతామాదాయ గచ్ఛ త్వమగ్రతో భరతానుజ |౨-౫౫-౨౭|
పృష్ఠతోఽహం గమిష్యామి సాయుధో ద్విపదాం వర |
యద్యత్ఫలం ప్రార్థయతే పుష్పం వా జనకాత్మజా |౨-౫౫-౨౮|
తత్తత్ప్రదద్యా వైదేహ్యా యత్రాస్య రమతే మనః |
గచ్చతోస్తు తయోర్మధ్యే బభూవ జనకాత్మజా |౨-౫౫-౨౯|
మాతఙ్గయోర్మద్యగతా శుభా నాగవధూరివ |
ఏకైకం పాదపం గుల్మం లతాం వా పుష్పశాలినీం |౨-౫౫-౩౦|
అదృష్టపూర్వాం పశ్యంతీ రామం పప్రచ్ఛ సాఽబలా |
రమణీయాన్ బహువిధాన్ పాదపాన్ కుసుమోత్కటాన్ |౨-౫౫-౩౧|
సీతావచనసమ్రబ్ద అనయామాస లక్స్మణః |
విచిత్రవాలుకజలాం హససారసనాదితాం |౨-౫౫-౩౨|
రేమే జనకరాజస్య తదా ప్రేక్ష్య సుతా నదీం |
క్రోశమాత్రం తతో గత్వా భ్రాతరౌ రామలక్ష్మనౌ |౨-౫౫-౩౩|
బహూన్మేధ్యాన్ మృగాన్ హత్వా చేరతుర్యమునావనే |
విహృత్య తే బర్హిణపూగనాదితే |
శుభే వనే వానరవారణాయుతే |
సమం నదీవప్రముపేత్య సమ్మతం |
నివాసమాజగ్ము రదీనదర్శనాః |౨-౫౫-౩౪|
ఇతి వాల్మీకి రామాయణే ఆది కావ్యే అయోధ్యాకాండే పఞ్చపఞ్చాశః సర్గః |౨-౫౫|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment