శ్రీమద్వాల్మీకియరామాయణే బాలకాండే సప్తవింశః సర్గః |౧-౨౭|
|
|
|
|
ప్రహస్య రాఘవం వాక్యం ఉవాచ మధుర స్వరం |౧-౨౭-౧|
పరితుష్టో అస్మి భద్రం తే రాజపుత్ర మహాయశః |
ప్రీత్యా పరమయా యుక్తో దదామి అస్త్రాణి సర్వశః |౧-౨౭-౨|
దేవ అసుర గణాన్ వా అపి స గంధర్వ ఉరగాన్ భువి |
యైః అమిత్రాన్ ప్రసహ్య ఆజౌ వశీకృత్య జయిష్యసి |౧-౨౭-౩|
తాని దివ్యాని భద్రం తే దదామి అస్త్రాణి సర్వశః |
దణ్డ చక్రం మహత్ దివ్యం తవ దాస్యామి రాఘవ |౧-౨౭-౪|
ధర్మ చక్రం తతో వీర కాల చక్రం తథైవ చ |
విష్ణు చక్రం తథా అతి ఉగ్రం ఐంద్రం చక్రం తథైవ చ |౧-౨౭-౫|
వజ్రం అస్త్రం నరశ్రేష్ఠ శైవం శూలవరం తథా |
అస్త్రం బ్రహ్మశిరః చ ఏవ ఐషీకం అపి రాఘవ |౧-౨౭-౬|
దదామి తే మహాబాహో బ్రాహ్మం అస్త్రం అనుత్తమం |
గదే ద్వే చైవ కాకుత్స్థ మోదకీ శిఖరీ శుభే |౧-౨౭-౭|
ప్రదీప్తే నరశార్దూల ప్రయచ్ఛామి నృపాత్మజ |
ధర్మ పాశం అహం రామ కాల పాశం తథైవ చ |౧-౨౭-౮|
వారుణం పాశం అస్త్రం చ దదామి అహం అనుత్తమం |
అశనీ ద్వే ప్రయచ్ఛామి శుష్క ఆర్ద్రే రఘునందన |౧-౨౭-౯|
దదామి చ అస్త్రం పైనాకం అస్త్రం నారాయణం తథా |
ఆగ్నేయం అస్త్రం దయితం శిఖరం నామ నామతః |౧-౨౭-౧౦|
వాయవ్యం ప్రథమం నామ దదామి తవ చ అనఘ |
అస్త్రం హయశిరః నామ క్రౌఞ్చం అస్త్రం తథైవ చ |౧-౨౭-౧౧|
శక్తి ద్వయం చ కాకుత్స్థ దదామి తవ రాఘవ |
కంకాలం ముసలం ఘోరం కాపాలం అథ కింకిణీం |౧-౨౭-౧౨|
వధార్థం రాక్షసాం యాని దదామి ఏతాని సర్వశః |
వైద్యాధరం మహా అస్త్రం చ నందనం నామ నామతః |౧-౨౭-౧౩|
అసి రత్నం మహాబాహో దదామి నృవరాత్మజ |
గాంధర్వం అస్త్రం దయితం మోహనం నామ నామతః |౧-౨౭-౧౪|
ప్రస్వాపనం ప్రశమనం దద్మి సౌమ్యం చ రాఘవ |
వర్షణం శోషణం చైవ సంతాపన విలాపనే |౧-౨౭-౧౫|
మాదనం చైవ దుర్ధర్షం కందర్ప దయితం తథా |
గాంధర్వం అస్త్రం దయితం మానవం నామ నామతః |౧-౨౭-౧౬|
పైశాచం అస్త్రం దయితం మోహనం నామ నామతః |
ప్రతీచ్ఛ నరశార్దూల రాజపుత్ర మహాయశః |౧-౨౭-౧౭|
తామసం నరశార్దూల సౌమనం చ మహాబలం |
సంవర్తం చైవ దుర్ధర్షం మౌసలం చ నృపాత్మజ |౧-౨౭-౧౮|
సత్యం అస్త్రం మహాబాహో తథా మాయామయం పరం |
సౌరం తేజఃప్రభం నామ పర తేజో అపకర్షణం |౧-౨౭-౧౯|
సోమ అస్త్రం శిశిరం నామ త్వాష్ట్రం అస్త్రం సుదారురణం |
దారుణం చ భగస్య అపి శితేషుం అథ మానవం |౧-౨౭-౨౦|
ఏతాన్ రామ మహాబాహో కామ రూపాన్ మహాబలాన్ |
గృహాణ పరమోదారాన్ క్షిప్రం ఏవ నృపాత్మజ |౧-౨౭-౨౧|
స్థితః తు ప్రాఙ్ముఖో భూత్వా శుచిర్ మునివరః తదా |
దదౌ రామాయ సుప్రీతో మంత్ర గ్రామం అనుత్తమం |౧-౨౭-౨౨|
సర్వ సంగ్రహణం ఏషాం దైవతైః అపి దుర్లభం |
తాని అస్త్రాణి తదా విప్రో రాఘవాయ న్యవేదత్ |౧-౨౭-౨౩|
జపతః తు మునేః తస్య విశ్వామిత్రస్య ధీమతః |
ఉపతస్థుః మహా అర్హాణి సర్వాణి అస్త్రాణి రాఘవం |౧-౨౭-౨౪|
ఊచుః చ ముదితా రామం సర్వే ప్రాంజలయః తదా |
ఇమే చ పరమోదార కింకరాః తవ రాఘవ |౧-౨౭-౨౫|
యద్ యద్ ఇచ్ఛసి భద్రన్ తే తత్ సర్వం కరవామ వై |
తతో రామ ప్రసన్న ఆత్మా తైః ఇతి ఉక్తో మహాబలైః |౧-౨౭-౨౬|
ప్రతిగృహ్య చ కాకుత్స్థః సమాలభ్య చ పాణినా |
మనసా మే భవిష్యధ్వం ఇతి తాని అభ్యచోదయత్ |౧-౨౭-౨౭|
తతః ప్రీత మనా రామో విశ్వామిత్రం మహామునిం |
అభివాద్య మహాతేజా గమనాయ ఉపచక్రమే |౧-౨౭-౨౮|
ఇతి వాల్మీకి రామాయణే ఆది కావ్యే బాలకాండే సప్తవింశః సర్గః |౧-౨౭|
|
|
|
|
గచ్ఛన్ ఏవ చ కాకుత్స్థో విశ్వామిత్రం అథ అబ్రవీత్ |౧-౨౮-౧|
గృహీత అస్త్రో అస్మి భగవన్ దురాధర్షః సురైః అపి |
అస్త్రాణాం తు అహం ఇచ్ఛామి సంహారం మునిపుంగవ |౧-౨౮-౨|
ఏవం బ్రువతి కాకుత్స్థే విశ్వామిత్రో మహా తపాః |
సంహారాన్ వ్యాజహార అథ ధృతిమాన్ సువ్రతః శుచిః |౧-౨౮-౩|
సత్యవంతం సత్య కీర్తిం ధృష్టం రభసం ఏవ చ |
ప్రతిహారతరం నామ పరాఙ్ముఖం అవాఙ్ముఖం |౧-౨౮-౪|
లక్ష్యా అలక్ష్యాః ఇమౌ చైవ దృఢ నాభ సునాభకౌ |
దశాక్ష శతవక్త్రౌ చ దశ శీర్ష శత ఉదరౌ |౧-౨౮-౫|
పద్మనాభ మహానాభౌ దుందునాభ స్వనాభకౌ |
జ్యోతిషం శకునం చైవ నైరాశ్య విమలౌ ఉభౌ |౧-౨౮-౬|
యౌగంధర వినిద్రౌ చ దైత్య ప్రమధనౌ తథా |
శుచి బాహుర్ మహాబాహుర్ నిష్కలి విరుచర్ తథా
సార్చిర్మాలీ ధృతిమాలీ వృత్తిమాన్ రుచిరః తథా |౧-౨౮-౭|
పిత్ర్యః సౌమనసః చైవ విధూత మకరౌ ఉభౌ |
పరవీరం రతిం చైవ ధన ధాన్యౌ చ రాఘవ |౧-౨౮-౮|
కామరూపం కామరుచిం మోహం ఆవరణం తథా |
జృంభకం సర్పనాథం చ పంథాన వరణౌ తథా |౧-౨౮-౯|
కృశాశ్వ తనయాన్ రామ భాస్వరాన్ కామ రూపిణః |
ప్రతీచ్ఛ మమ భద్రం తే పాత్ర భూతోఽసి రాఘవ |౧-౨౮-౧౦|
బాఢం ఇతి ఏవ కాకుత్స్థ ప్రహృష్టేన అంతరాత్మనా |
దివ్య భాస్వర దేహాః చ మూర్తిమంతః సుఖప్రదాః |౧-౨౮-౧౧|
కేచిద్ అంగార సదృశాః కేచిద్ ధూమ ఉపమాః తథా |
చంద్ర అర్క సదృశాః కేచిత్ ప్రహ్వ అంజలి పుటాః తథా |౧-౨౮-౧౨|
రామం ప్రాంజలయో భూత్వా అబ్రువన్ మధుర భాషిణః |
ఇమే స్మ నరశార్దూల శాధి కిం కరవామ తే |౧-౨౮-౧౩|
గమ్యతాం ఇతి తాన్ ఆహ యథా ఇష్టం రఘునందనః |
మానసాః కార్య కాలేషు సాహాయ్యం మే కరిష్యథ |౧-౨౮-౧౪|
అథ తే రామం ఆమంత్ర్య కృత్వా చ అపి ప్రదక్షిణం |
ఏవం అస్తు ఇతి కాకుత్స్థం ఉక్త్వా జగ్ముః యథాఅగతం |౧-౨౮-౧౫|
స చ తాన్ రాఘవో జ్ఞాత్వా విశ్వామిత్రం మహామునిం |
గచ్ఛన్ ఏవ అథ మధురం శ్లక్ష్ణం వచనం అబ్రవీత్ |౧-౨౮-౧౬|
కిం ఏతన్ మేఘ సంకాశం పర్వతస్య అవిదూరతః |
వృక్ష ఖణ్డం ఇతః భాతి పరం కౌతూహలం హి మే |౧-౨౮-౧౭|
దర్శనీయం మృగాకీర్ణం మనోహరం అతీవ చ |
నానా ప్రకారైః శకునైః వల్గుభాషైః అలంకృతం |౧-౨౮-౧౮|
నిఃసృతాః స్మ మునిశ్రేష్ఠ కాంతారాత్ రోమహర్షణాత్ |
అనయా తు అవగచ్ఛామి దేశస్య సుఖవత్తయా |౧-౨౮-౧౯|
సర్వం మే శంస భగవన్ కస్య ఆశ్రమ పదం తు ఇదం |
సంప్రాప్తాః యత్ర తే పాపాః బ్రహ్మఘ్నాః దుష్ట చారిణః |౧-౨౮-౨౦|
తవ యజ్ఞస్య విఘ్నాయ దురాత్మనో మహామునేః |
భగవన్ తస్య కో దేశః సా యత్ర తవ యాజ్ఞికీ |౧-౨౮-౨౧|
రక్షితవ్యా క్రియా బ్రహ్మన్ మయా వధ్యాః చ రాక్షసాః |
ఏతత్ సర్వం మునిశ్రేష్టః శ్రోతుం ఇచ్ఛామి అహం ప్రభో |౧-౨౮-౨౨|
ఇతి వాల్మీకి రామాయణే ఆది కావ్యే బాలకాండే అష్టావింశః సర్గః |౧-౨౮|
|
|
|
|
విశ్వామిత్రో మహాతేజా వ్యాఖ్యాతుం ఉపచక్రమే |౧-౨౯-౧|
ఇహ రామ మహాబాహో విష్ణుర్ దేవ నమస్కృత |
వర్షాణి సుబహూని ఇహ తథా యుగ శతాని చ |౧-౨౯-౨|
తపః చరణ యోగార్థం ఉవాస సు మహాతపాః |
ఏష పూర్వ ఆశ్రమో రామ వామనస్య మహాత్మనః |౧-౨౯-౩|
సిద్ధ ఆశ్రమ ఇతి ఖ్యాతః సిద్ధో హి అత్ర మహాతపాః |
ఏతస్మిన్ ఏవ కాలే తు రాజా వైరోచనిర్ బలిః |౧-౨౯-౪|
నిర్జిత్య దైవత గణాన్ స ఇంద్రాన్ స మరుద్ గణాన్ |
కారయామాస తద్ రాజ్యం త్రిషు లోకేషు విశ్రుతః |౧-౨౯-౫|
యజ్ఞం చకార సుమహాన్ అసురేంద్రో మహాబలః |
బలేః తు యజమానస్య దేవాః సాగ్ని పురోగమాః |
సమాగమ్య స్వయం చైవ విష్ణుం ఊచుః ఇహ ఆశ్రమే |౧-౨౯-౬|
బలిః వైరోచనిః విష్ణో యజతే యజ్ఞం ఉత్తమం |
అసమాప్త వ్రతే తస్మిన్ స్వ కార్యం అభిపద్యతాం |౧-౨౯-౭|
యే చ ఏనం అభివర్తంతే యాచితార ఇతః తతః |
యత్ చ యత్ర యథావత్ చ సర్వం తేభ్యః ప్రయచ్ఛతి |౧-౨౯-౮|
స త్వం సుర హితార్థాయ మాయా యోగం ఉపాశ్రితః |
వామనత్వం గతో విష్ణో కురు కల్యాణం ఉత్తమం |౧-౨౯-౯|
ఏతస్మిన్ అనంతరే రామ కాశ్యపో అగ్ని సమ ప్రభః |
అదిత్యా సహితః రామ దీప్యమాన ఇవ ఓజసా |౧-౨౯-౧౦|
దేవీ సహాయో భగవన్ దివ్యం వర్ష సహస్రకం |
వ్రతం సమాప్య వరదం తుష్టావ మధుసూదనం |౧-౨౯-౧౧|
తపోమయం తపోరాశిం తపోమూర్తిం తపాత్మకం |
తపసా త్వాం సుతప్తేన పశ్యామి పురోషోత్తమం |౧-౨౯-౧౨|
శరీరే తవ పశ్యామి జగత్ సర్వం ఇదం ప్రభో |
త్వం అనాదిః అనిర్దేశ్యః త్వాం అహం శరణం గతః |౧-౨౯-౧౩|
తం ఉవాచ హరిః ప్రీతః కశ్యపం ధూత కల్మషం |
వరం వరయ భద్రం తే వర అర్హః అసి మతో మమ |౧-౨౯-౧౪|
తత్ శ్రుత్వా వచనం తస్య మారీచః కశ్యపో అబ్రవీత్ |
అదిత్యా దేవతానాం చ మమ చ ఏవ అనుయాచితం |౧-౨౯-౧౫|
వరం వరద సుప్రీతో దాతుం అర్హసి సువ్రత |
పుత్రత్వం గచ్ఛ భగవన్ అదిత్యా మమ చ అనఘ |౧-౨౯-౧౬|
భ్రాతా భవ యవీయాన్ త్వం శక్రస్య అసురసూదన |
శోక ఆర్తానాం తు దేవానాం సాహాయ్యం కర్తుం అర్హసి |౧-౨౯-౧౭|
అయం సిద్ధ ఆశ్రమో నామ ప్రసాదాత్ తే భవిష్యతి |
సిద్ధే కర్మణి దేవేశ ఉత్తిష్ఠ భగవన్ ఇతః |౧-౨౯-౧౮|
అథ విష్ణుర్ మహాతేజా ఆదిత్యాం సమజాయత |
వామనం రూపం ఆస్థాయ వైరోచనిం ఉపాగమత్ |౧-౨౯-౧౯|
త్రీన్ పాదాన్ అథ భిక్షిత్వా ప్రతిగృహ్య చ మేదినీం |
ఆక్రమ్య లోకాన్ లోకార్థో సర్వ లోక హితే రతః |౧-౨౯-౨౦|
మహేంద్రాయ పునః ప్రాదాత్ నియమ్య బలిం ఓజసా |
త్రైలోక్యం స మహాతేజాః చక్రే శక్ర వశం పునః |౧-౨౯-౨౧|
తేన ఏవ పూర్వం ఆక్రాంత ఆశ్రమః శ్రమ నాశనః |
మయా అపి భక్త్యా తస్య ఏవ వామనస్య ఉపభుజ్యతే |౧-౨౯-౨౨|
ఏనం ఆశ్రమం ఆయాంతి రాక్షసా విఘ్న కారిణః |
అత్ర తే పురుషవ్యాఘ్ర హంతవ్యా దుష్ట చారిణః |౧-౨౯-౨౩|
అద్య గచ్ఛామహే రామ సిద్ధాశ్రమం అనుత్తమం |
తత్ ఆశ్రమ పదం తాత తవ అపి ఏతద్ యథా మమ |౧-౨౯-౨౪|
ఇతి ఉక్త్వా పరమ ప్రీతో గృహ్య రామం స లక్ష్మణం |
ప్రవిశన్ ఆశ్రమ పదం వ్యరోచత మహామునిః |
శశీ ఇవ గత నీహారః పునర్వసు సమన్వితః |౧-౨౯-౨౫|
తం దృష్ట్వా మునయః సర్వే సిద్ధాశ్రమ నివాసినః |
ఉత్పత్యోత్పత్య సహసా విశ్వామిత్రం అపూజయన్ |౧-౨౯-౨౬|
యథా అర్హం చక్రిరే పూజాం విశ్వామిత్రాయ ధీమతే |
తథైవ రాజ పుత్రాభ్యాం అకుర్వన్ అతిథి క్రియాం |౧-౨౯-౨౭|
ముహూర్తం అథ విశ్రాంతౌ రాజ పుత్రౌ అరిందమౌ |
ప్రాంజలీ ముని శార్దూలం ఊచతూ రఘునందనౌ |౧-౨౯-౨౮|
అద్య ఏవ దీక్షాం ప్రవిశ భద్రం తే మునిపుంగవ |
సిద్ధాశ్రమో అయం సిద్ధః స్యాత్ సత్యం అస్తు వచః తవ |౧-౨౯-౨౯|
ఏవం ఉక్తో మహాతేజా విశ్వామిత్రో మహానృషిః |
ప్రవివేశ తదా దీక్షాం నియతో నియతేంద్రియః |౧-౨౯-౩౦|
కుమారౌ ఏవ తాం రాత్రిం ఉషిత్వా సుసమాహితౌ |
ప్రభాత కాలే చ ఉత్థాయ పూర్వాం సంధ్యాం ఉపాస్య చ |౧-౨౯-౩౧|
ప్రశుచీ పరం జాప్యం సమాప్య నియమేన చ |
హుత అగ్నిహోత్రం ఆసీనం విశ్వామిత్రం అవందతాం |౧-౨౯-౩౨|
ఇతి వాల్మీకి రామాయణే ఆది కావ్యే బాలకాండే ఏకోనత్రింశః సర్గః |౧-౨౯|
|
|
|
|
దేశే కాలే చ వాక్యజ్ఞౌ అబ్రూతాం కౌశికం వచః |౧-౩౦-౧|
భగవన్ శ్రోతుం ఇచ్ఛావో యస్మిన్ కాలే నిశాచరౌ |
సంరక్షణీయౌ తౌ బ్రూహి న అతివర్తేత తత్ క్షణం |౧-౩౦-౨|
ఏవం బ్రువాణౌ కాకుత్స్థౌ త్వరమాణౌ యుయుత్సయా |
సర్వే తే మునయః ప్రీతాః ప్రశశంసుర్ నృపాత్మజౌ |౧-౩౦-౩|
అద్య ప్రభృతి షట్ రాత్రం రక్షతం రాఘవౌ యువాం |
దీక్షాం గతో హి యేష మునిర్ మౌనిత్వం చ గమిష్యతి |౧-౩౦-౪|
తౌ తు తద్ వచనం శ్రుత్వా రాజపుత్రౌ యశస్వినౌ |
అనిద్రౌ షట్ అహోరాత్రం తపోవనం అరక్షతాం |౧-౩౦-౫|
ఉపాసాం చక్రతుర్ వీరౌ యత్తౌ పరమ ధన్వినౌ |
రరక్షతుర్ మునివరం విశ్వామిత్రం అరిందమౌ |౧-౩౦-౬|
అథ కాలే గతే తస్మిన్ షష్ఠే అహని తదా ఆగతే |
సౌమిత్రం అబ్రవీద్ రామో యత్తో భవ సమాహితః |౧-౩౦-౭|
రామస్య ఏవం బ్రువాణస్య త్వరితస్య యుయుత్సయా |
ప్రజజ్వాల తతో వేదిః స ఉపాధ్యాయ పురోహితా |౧-౩౦-౮|
స దర్భ చమస స్రుక్కా స సమిత్ కుసుమోచ్చయా |
విశ్వామిత్రేణ సహితా వేదిః జజ్వాల స ఋత్విజా |౧-౩౦-౯|
మంత్రవత్ చ యథా న్యాయం యజ్ఞో అసౌ సంప్రవర్తతే |
ఆకాశే చ మహాన్ శబ్దః ప్రాదుర్ ఆసీత్ భయానకః |౧-౩౦-౧౦|
ఆవార్య గగనం మేఘో యథా ప్రావృషి దృశ్యతే |
తథా మాయాం వికుర్వాణౌ రాక్షసౌ అభ్యధావతాం |౧-౩౦-౧౧|
మారీచః చ సుబాహుః చ తయోర్ అనుచరాః తథా |
ఆగమ్య భీమ సంకాశా రుధిర ఓఘాన్ అవాసృజన్ |౧-౩౦-౧౨|
తాం తేన రుధిర ఓఘేణ వేదీం వీక్ష్య సముక్షితాం |
సహసా అభిద్రుతో రామః తాన్ అపశ్యత్ తతో దివి |౧-౩౦-౧౩|
తౌ ఆపతంతౌ సహసా దృష్ట్వా రాజీవ లోచనః |
లక్ష్మణం తౌ అభిసంప్రేక్ష్య రామో వచనం అబ్రవీత్ |౧-౩౦-౧౪|
పశ్య లక్ష్మణ దుర్వృత్తాన్ రాక్షసాన్ పిశిత అశనాన్ |
మానవాస్త్ర సమాధూతాన్ అనిలేన యథా ఘనాన్ |౧-౩౦-౧౫|
కరిష్యామి న సందేహో న ఉత్సహే హంతుం ఈదృశాన్ |
ఇతి ఉక్త్వా వచనం రామః చాపే సంధాయ వేగవాన్ |౧-౩౦-౧౬|
మానవం పరమ ఉదారం అస్త్రం పరమ భాస్వరం |
చిక్షేప పరమ క్రుద్ధో మారీచ ఉరసి రాఘవః |౧-౩౦-౧౭|
స తేన పరమాస్త్రేణ మానవేన సమాహితః |
సంపూర్ణం యోజన శతం క్షిప్తః సాగర సంప్లవే |౧-౩౦-౧౮|
విచేతనం విఘూర్ణంతం శీతేషు బల పీడితం |
నిరస్తం దృశ్య మారీచం రామో లక్ష్మణం అబ్రవీత్ |౧-౩౦-౧౯|
పశ్య లక్ష్మణ శీతేషుం మానవం మను సంహితం |
మోహయిత్వా నయతి ఏనం న చ ప్రాణైర్ వ్యయుజ్యత |౧-౩౦-౨౦|
ఇమాన్ అపి వధిష్యామి నిర్ఘృణాన్ దుష్ట చారిణః |
రాక్షసాన్ పాప కర్మస్థాన్ యజ్ఞ ఘ్నాన్ రుధిర అశనాన్ |౧-౩౦-౨౧|
ఇతి ఉక్త్వా లక్ష్మణం చ అశు లాఘవం దర్శయన్ ఇవ |
సంగృహ్య సుమహత్ చ అస్త్రం ఆగ్నేయం రఘునందనః |
సుబాహు ఉరసి చిక్షేప స విద్ధః ప్రాపతత్ భువి |౧-౩౦-౨౨|
శేషాన్ వాయవ్యం ఆదాయ నిజఘాన మహాయశాః |
రాఘవః పరమోదారో మునీనాం ముదం ఆవహన్ |౧-౩౦-౨౩|
స హత్వా రాక్షసాన్ సర్వాన్ యజ్ఞ ఘ్నాన్ రఘునందనః |
ఋషిభిః పూజితః తత్ర యథా ఇంద్రో విజయే పురా |౧-౩౦-౨౪|
అథ యజ్ఞే సమాప్తే తు విశ్వామిత్రో మహామునిః |
నిరీతికా దిశో దృష్ట్వా కాకుత్స్థం ఇదం అబ్రవీత్ |౧-౩౦-౨౫|
కృతార్థో అస్మి మహాబాహో కృతం గురు వచః త్వయా |
సిద్ధాశ్రమం ఇదం సత్యం కృతం వీర మహాయశః |
స హి రామం ప్రశస్య ఏవం తాభ్యాం సంధ్యాం ఉపాగమత్ |౧-౩౦-౨౬|
ఇతి వాల్మీకి రామాయణే ఆది కావ్యే బాలకాండే త్రింశః సర్గః |౧-౩౦|
|
|
|
|
ఊషతుర్ ముదితౌ వీరౌ ప్రహృష్టేన అంతరాత్మనా |౧-౩౧-౧|
ప్రభాతాయాం తు శర్వర్యాం కృత పౌర్వ అహ్ణిక క్రియౌ |
విశ్వామిత్రం ఋషీం చ అన్యాన్ సహితౌ అభిజగ్మతుః |౧-౩౧-౨|
అభివాద్య ముని శ్రేష్ఠం జ్వలంతం ఇవ పావకం |
ఊచతుర్ పరమోదారం వాక్యం మధుర భాషిణౌ |౧-౩౧-౩|
ఇమౌ స్మ ముని శార్దూల కింకరౌ సముపస్థితౌ |
ఆజ్ఞాపయ మునిశ్రేష్ఠ శాసనం కరవావ కిం |౧-౩౧-౪|
ఏవం ఉక్తే తయోః వాక్యం సర్వ ఏవ మహర్షయః |
విశ్వామిత్రం పురస్కృత్య రామం వచనం అబ్రువన్ |౧-౩౧-౫|
మైథిలస్య నరశ్రేష్ఠ జనకస్య భవిష్యతి |
యజ్ఞః పరమ ధర్మిష్ఠః తత్ర యాస్యామహే వయం |౧-౩౧-౬|
త్వం చైవ నరశార్దూల సహ అస్మాభిర్ గమిష్యసి |
అద్భుతం చ ధనూ రత్నం తత్ర త్వం ద్రష్టుం అర్హసి |౧-౩౧-౭|
తద్ధి పూర్వం నరశ్రేష్ఠ దత్తం సదసి దైవతైః |
అప్రమేయ బలం ఘోరం మఖే పరమ భాస్వరం |౧-౩౧-౮|
న అస్య దేవా న గంధర్వా న అసురా న చ రాక్షసాః |
కర్తుం ఆరోపణం శక్తా న కథంచన మానుషాః |౧-౩౧-౯|
ధనుషస్య తస్య వీర్యం హి జిజ్ఞాసంతో మహీక్షితః |
న శేకుర్ ఆరోపయితుం రాజపుత్రా మహాబలాః |౧-౩౧-౧౦|
తద్ ధనుర్ నరశార్దూల మైథిలస్య మహాత్మనః |
తత్ర ద్రక్ష్యసి కాకుత్స్థ యజ్ఞం చ పరమ అద్భుతం |౧-౩౧-౧౧|
తద్ధి యజ్ఞ ఫలం తేన మైథిలేన ఉత్తమం ధనుః |
యాచితం నర శార్దూల సునాభం సర్వ దైవతైః |౧-౩౧-౧౨|
ఆయాగభూతం నృపతేః తస్య వేశ్మని రాఘవ |
అర్చితం వివిధైః గంధైః ధూపైః చ అగురు గంధ్భిః |౧-౩౧-౧౩|
ఏవం ఉక్త్వా మునివరః ప్రస్థానం అకరోత్ తదా |
స ఋషి సంఘః స కాకుత్స్థ ఆమంత్ర్య వన దేవతాః |౧-౩౧-౧౪|
స్వస్తి వో అస్తు గమిష్యామి సిద్ధః సిద్ధ ఆశ్రమాత్ అహం |
ఉత్తరే జాహ్నవీ తీరే హిమవంతం శిలోచ్చయం |౧-౩౧-౧౫|
ఇతి ఉక్త్వా మునిశార్దూలః కౌశికః స తపోధనః |
ఉత్తరాం దిశం ఉద్దిశ్య ప్రస్థాతుం ఉపచక్రమే |౧-౩౧-౧౬|
తం వ్రజంతం మునివరం అన్వగాత్ అనుసారిణాం |
శకటీ శత మాత్రం తు ప్రయాణే బ్రహ్మ వాదినాం |౧-౩౧-౧౭|
మృగ పక్షి గణాః చైవ సిద్ధ ఆశ్రమ నివాసినః |
అనుజగ్ముర్ మహాత్మానం విశ్వామిత్రం తపోధనం |౧-౩౧-౧౮|
నివర్తయామాస తతః స ఋసి సంఘః స పక్షిణః |
తే గత్వా దూరం అధ్వానం లంబమానే దివాకరే |౧-౩౧-౧౯|
వాసం చక్రుర్ ముని గణాః శోణా కూలే సమాహితాః |
తే అస్తం గతే దినకరే స్నాత్వా హుత హుతాశనాః |౧-౩౧-౨౦|
విశ్వామిత్రం పురస్కృత్య నిషేదుర్ అమిత ఓజసః |
రామో అపి సహ సౌమిత్రిః మునీం తాన్ అభిపూజ్య చ |౧-౩౧-౨౧|
అగ్రతో నిషసాద అథ విశ్వామిత్రస్య ధీమతః |
అథ రామో మహాతేజా విశ్వామిత్రం తపోధనం |౧-౩౧-౨౨|
పప్రచ్ఛ మునిశార్దూలం కౌతూహల సమన్వితః |
భగవన్ కః ను అయం దేశః సమృద్ధ వన శోభితః |౧-౩౧-౨౩|
శ్రోతుం ఇచ్ఛామి భద్రం తే వక్తుం అర్హసి తత్త్వతః |
చోదితో రామ వాక్యేన కథయామాస సువ్రతః |
తస్య దేశస్య నిఖిలం ఋషి మధ్యే మహాతపాః |౧-౩౧-౨౪|
ఇతి వాల్మీకి రామాయణే ఆది కావ్యే బాలకాండే ఏకత్రింశః సర్గః |౧-౩౧|
|
|
|
|
అక్లిష్ట వ్రత ధర్మజ్ఞః సజ్జన ప్రతి పూజకః |౧-౩౨-౧|
స మహాత్మా కులీనాయాం యుక్తాయాం సుమహాబలాన్ |
వైదర్భ్యాం జనయాం ఆస చతురః సదృశాన్ సుతాన్ |౧-౩౨-౨|
కుశాంబం కుశనాభం చ ఆసూర్తరజసం వసుం |
దీప్తి యుక్తాన్ మహోత్సాహాన్ క్షత్రధర్మ చికీర్షయా |౧-౩౨-౩|
తాన్ ఉవాచ కుశః పుత్రాన్ ధర్మిష్ఠాన్ సత్యవాదినః |
క్రియతాం పాలనం పుత్రా ధర్మ ప్రాప్యథ పుష్కలం |౧-౩౨-౪|
కుశస్య వచనం శ్రుత్వా చత్వారో లోక సత్తమాః |
నివేశం చక్రిరే సర్వే పురాణాం నృ వరాః తదా |౧-౩౨-౫|
కుశాంబః తు మహాతేజాః కౌశాంబీం అకరోత్ పురీం |
కుశనాభః తు ధర్మాత్మా పురం చక్రే మహోదయం |౧-౩౨-౬|
అసూర్తరజసో రామ ధర్మారణ్యం మహామతిః |
చక్రే పురవరం రాజా వసుర్ నామ గిరివ్రజం |౧-౩౨-౭|
ఏషా వసుమతీ నామ వసోః తస్య మహాత్మనః |
ఏతే శైలవరాః పంచ ప్రకాశంతే సమంతతః |౧-౩౨-౮|
సుమాగధీ నదీ రమ్యా మాగధాన్ విశ్రుతా ఆయయౌ |
పంచానాం శైల ముఖ్యానాం మధ్యే మాలా ఇవ శోభతే |౧-౩౨-౯|
సా ఏషా హి మాగధీ రామ వసోః తస్య మహాత్మనః |
పూర్వ అభిచరితా రామ సుక్షేత్రా సస్య మాలినీ |౧-౩౨-౧౦|
కుశనాభః తు రాజర్షిః కన్యా శతం అనుత్తమం |
జనయామాస ధర్మాత్మా ఘృతాచ్యాం రఘు నందన |౧-౩౨-౧౧|
తాః తు యౌవన శాలిన్యో రూపవత్యః స్వలంకృతాః |
ఉద్యాన భూమిం ఆగమ్య ప్రావృషి ఇవ శతహ్రదాః |౧-౩౨-౧౨|
గాయంత్యో నృత్యమానాః చ వాదయంత్యః చ రాఘవ |
ఆమోదం పరమం జగ్ముర్ వర ఆభరణ భూషితాః |౧-౩౨-౧౩|
అథ తాః చారు సర్వ అంగ్యో రూపేణ అప్రతిమా భువి |
ఉద్యాన భూమిం ఆగమ్య తారా ఇవ ఘన అంతరే |౧-౩౨-౧౪|
తాః సర్వగుణ సంపన్నా రూప యౌవన సంయుతాః |
దృష్ట్వా సర్వాత్మకో వాయుర్ ఇదం వచనం అబ్రవీత్ |౧-౩౨-౧౫|
అహం వః కామయే సర్వా భార్యా మమ భవిష్యథ |
మానుషః త్యజ్యతాం భావో దీర్ఘం ఆయుర్ అవాప్స్యథ |౧-౩౨-౧౬|
చలం హి యౌవనం నిత్యం మానుషేషు విశేషతః |
అక్షయం యౌవనం ప్రాప్తా అమర్యః చ భవిష్య్థ |౧-౩౨-౧౭|
తస్య తద్ వచనం శ్రుత్వా వాయోః అక్లిష్ట కర్మణః |
అపహాస్య తతో వాక్యం కన్యా శతం అథ అబ్రవీత్ |౧-౩౨-౧౮|
అంతః చరసి భూతానాం సర్వేషాం త్వం సుర సత్తమ |
ప్రభావజ్ఞాః చ తే సర్వాః కిం అర్థం అవమన్యసే |౧-౩౨-౧౯|
కుశనాభ సుతాః దేవం సమస్తా సుర సత్తమ |
స్థానాత్ చ్యావయితుం దేవం రక్షామః తు తపో వయం |౧-౩౨-౨౦|
మా భూత్ స కాలో దుర్మేధః పితరం సత్య వాదినం |
అవమన్యస్వ స్వ ధర్మేణ స్వయం వరం ఉపాస్మహే |౧-౩౨-౨౧|
పితా హి ప్రభుర్ అస్మాకం దైవతం పరమం చ సః |
యస్య నో దాస్యతి పితా స నో భర్తా భవిష్యతి |౧-౩౨-౨౨|
తాసాం తు వచనం శ్రుత్వా హరిః పరమ కోపనః |
ప్రవిశ్య సర్వ గాత్రాణి బభంజ భగవాన్ ప్రభుః |౧-౩౨-౨౩|
తాః కన్యా వాయునా భగ్నా వివిశుర్ నృపతేః గృహం |
ప్రవిశ్య చ సుసంభ్రాంతాః స లజ్జాః స అస్ర లోచన |౧-౩౨-౨౪|
స చ తా దయితా భగ్నాః కన్యాః పరమ శోభనాః |
దృష్ట్వా దీనాః తదా రాజా సంభ్రాంత ఇదం అబ్రవీత్ |౧-౩౨-౨౫|
కిం ఇదం కథ్యతాం పుత్ర్యః కో ధర్మం అవమన్యతే |
కుబ్జాః కేన కృతాః సర్వాః చేష్టంత్యో న అభిభాషథ |
ఏవం రాజా వినిఃశ్వస్య సమాధిం సందధే తతః |౧-౩౨-౨౬|
ఇతి వాల్మీకి రామాయణే ఆది కావ్యే బాలకాండే ద్వాత్రింశః సర్గః |౧-౩౨|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment