శ్రీమద్వాల్మీకియరామాయణే బాలకాండే ఏకపఞ్చాశః సర్గః |౧-౫౧|
|
|
|
|
హృష్ట రోమా మహాతేజాః శతానందో మహాతపాః |౧-౫౧-౧|
గౌతమస్య సుతో జ్యేష్ఠః తపసా ద్యోతిత ప్రభః |
రామ సందర్శనాత్ ఏవ పరం విస్మయం ఆగతః |౧-౫౧-౨|
ఏతౌ నిషణ్ణౌ సంప్రేక్ష్య సుఖ ఆసీనౌ నృపాత్మజౌ |
శతానందో మునిశ్రేష్ఠం విశ్వామిత్రం అథ అబ్రవీత్ |౧-౫౧-౩|
అపి తే ముని శార్దూల మమ మాతా యశస్వినీ |
దర్శితా రాజ పుత్రాయ తపో దీర్ఘం ఉపాగతా |౧-౫౧-౪|
అపి రామే మహాతేజో మమ మాతా యశస్వినీ |
వన్యైః ఉపాహరత్ పూజాం పూజా అర్హే సర్వ దేహినాం |౧-౫౧-౫|
అపి రామాయ కథితం యథా వృత్తం పురాతనం |
మమ మాతుః మహాతేజో దైవేన దురనుష్ఠితం |౧-౫౧-౬|
అపి కౌశిక భద్రం తే గురుణా మమ సంగతా |
మాతా మమ మునిశ్రేష్ఠ రామ సందర్శనాత్ ఇతః |౧-౫౧-౭|
అపి మే గురుణా రామః పూజితః కుశికాత్మజ |
ఇహ ఆగతో మహాతేజాః పూజాం ప్రాప్య మహాత్మనః |౧-౫౧-౮|
అపి శాంతేన మనసా గురుః మే కుశికాత్మజ |
ఇహ ఆగతేన రామేణ పూజితేన అభివాదితః |౧-౫౧-౯|
తత్ శ్రుత్వా వచనం తస్య విశ్వామిత్రో మహామునిః |
ప్రతి ఉవాచ శతానందం వాక్యజ్ఞో వాక్య కోవిదం |౧-౫౧-౧౦|
న అతిక్రాంతం మునిశ్రేష్ఠ యత్ కర్తవ్యం కృతం మయా |
సంగతా మునినా పత్నీ భార్గవేణ ఇవ రేణుకా |౧-౫౧-౧౧|
తత్ శ్రుత్వా వచనం తస్య విశ్వామిత్రస్య ధీమతః |
శతానందో మహాతేజా రామం వచనం అబ్రవీత్ |౧-౫౧-౧౨|
స్వాగతం తే నరశ్రేష్ఠ దిష్ట్యా ప్రాప్తో అసి రాఘవ |
విశ్వామిత్రం పురస్కృత్య మహర్షిం అపరాజితం |౧-౫౧-౧౩|
అచింత్య కర్మా తపసా బ్రహ్మర్షిః అమిత ప్రభః |
విశ్వామిత్రో మహాతేజా - వేద్మ్య - వేత్సి ఏనం పరమాం గతిం |౧-౫౧-౧౪|
న అస్తి ధన్యతరో రామ త్వత్తో అన్యో భువి కశ్చన |
గోప్తా కుశిక పుత్రః తే యేన తప్తం మహత్ తపః |౧-౫౧-౧౫|
శ్రూయతాం చ అభిధాస్యామి కౌశికస్య మహాత్మనః |
యథా బలం యథా తత్త్వం తత్ మే నిగదతః శృణు |౧-౫౧-౧౬|
రాజా అభూత్ ఏష ధర్మాత్మా దీర్ఘ కాలం అరిందమః |
ధర్మజ్ఞః కృత విద్యః చ ప్రజానాం చ హితే రతః |౧-౫౧-౧౭|
ప్రజాపతి సుతః తు ఆసీత్ కుశో నామ మహీపతిః |
కుశస్య పుత్రో బలవాన్ కుశనాభః సుధార్మికః |౧-౫౧-౧౮|
కుశనాభ సుతః తు ఆసీత్ గాధిః ఇతి ఏవ విశ్రుతః |
గాధేః పుత్రో మహాతేజా విశ్వామిత్రో మహామునిః |౧-౫౧-౧౯|
విశ్వమిత్రో మహాతేజాః పాలయామాస మేదినీం |
బహు వర్ష సహస్రాణి రాజా రాజ్యం అకారయత్ |౧-౫౧-౨౦|
కదాచిత్ తు మహాతేజా యోజయిత్వా వరూథినీం |
అక్షౌహిణీ పరివృతః పరిచక్రామ మేదినీం |౧-౫౧-౨౧|
నగరాణి చ రాష్ట్రాని సరితః చ తథా గిరీన్ |
ఆశ్రమాన్ క్రమశో రాజా విచరన్ ఆజగామ హ |౧-౫౧-౨౨|
వసిష్ఠస్య ఆశ్రమ పదం నానా పుష్ప లతా ద్రుమం |
నానా మృగ గణ ఆకీర్ణం సిద్ధ చారణ సేవితం |౧-౫౧-౨౩|
దేవ దానవ గంధర్వైః కిన్నరైః ఉపశోభితం |
ప్రశాంత హరిణ ఆకీర్ణం ద్విజ సంఘ నిషేవితం |౧-౫౧-౨౪|
బ్రహ్మ ఋషి గణ సంకీర్ణం దేవ ఋషి గణ సేవితం |
తపః చరణ సంసిద్ధైః అగ్ని కల్పైః మహాత్మభిః |౧-౫౧-౨౫|
సతతం సంకులం శ్రీమత్ బ్రహ్మ కల్పైః మహాత్మభిః |
అబ్ భక్షైః వాయు భక్షైః చ శీర్ణ పర్ణ అశనైః తథా |౧-౫౧-౨౬|
ఫలమూలాశనైర్దాంతైర్జితదోషైర్జితేంద్రియైః - యద్వా -
ఫల మూల అశనైః దాంతైః జిత దోషైః జిత ఇంద్రియైః |
ఋషిభిః వాలఖిల్యైః చ జప హోమ పరాయణైః |౧-౫౧-౨౭|
అన్యైః వైఖానసైః చైవ సమంతాత్ ఉపశోభితం |
వసిష్ఠస్య ఆశ్రమ పదం బ్రహ్మ లోకం ఇవ అపరం |
దదర్శ జయతాం శ్రేష్ఠ విశ్వామిత్రో మహాబలః |౧-౫౧-౨౮|
ఇతి వాల్మీకి రామాయణే ఆది కావ్యే బాలకాండే ఏకపఞ్చాశః సర్గః |౧-౫౧|
|
|
|
|
ప్రణతో వినయాత్ వీరో వసిష్ఠం జపతాం వరం |౧-౫౨-౧|
స్వాగతం తవ చ ఇతి ఉక్తో వసిష్ఠేన మహాత్మనా |
ఆసనం చ అస్య భగవాన్ వసిష్ఠో వ్యాదిదేశ హ |౧-౫౨-౨|
ఉపవిష్టాయ చ తదా విశ్వామిత్రాయ ధీమతే |
యథా న్యాయం ముని వరః ఫల మూలం ఉపాహరత్ |౧-౫౨-౩|
ప్రతిగృహ్య తు తాం పూజాం వసిష్ఠాత్ రాజ సత్తమః |
తపో అగ్ని హోత్ర శిష్యేషు కుశలం పర్యపృచ్ఛత |౧-౫౨-౪|
విశ్వామిత్రో మహాతేజా వనస్పతి గణే తథా |
సర్వత్ర కుశలం చ ఆహ వసిష్ఠో రాజ సత్తమం |౧-౫౨-౫|
సుఖ ఉపవిష్టం రాజానం విశ్వామిత్రం మహాతపాః |
పప్రచ్ఛ జపతాం శ్రేష్ఠో వసిష్ఠో బ్రహ్మణః సుతః |౧-౫౨-౬|
కచ్చిత్ తే కుశలం రాజన్ కచ్చిత్ ధర్మేణ రంజయన్ |
ప్రజాః పాలయసే రాజన్ రాజ వృత్తేన ధార్మిక |౧-౫౨-౭|
కచ్చిత్ తే సుభృతా భృత్యాః కచ్చిత్ తిష్ఠంతి శాసనే |
కచ్చిత్ తే విజితాః సర్వే రిపవో రిపు సూదన |౧-౫౨-౮|
కచ్చిత్ బలే చ కోశే చ మిత్రేషు చ పరంతప |
కుశలం తే నర వ్యాఘ్ర పుత్ర పౌత్రే తథా అనఘ |౧-౫౨-౯|
సర్వత్ర కుశలం రాజా వసిష్ఠం ప్రత్యుదాహరత్ |
విశ్వామిత్రో మహాతేజా వసిష్ఠం వినయ అన్వితం |౧-౫౨-౧౦|
కృత్వా తౌ సుచిరం కాలం ధర్మిష్ఠౌ తాః కథాః తదా |
ముదా పరమయా యుక్తౌ ప్రీయేతాం తౌ పరస్పరం |౧-౫౨-౧౧|
తతో వసిష్ఠో భగవాన్ కథా అంతే రఘునందన |
విశ్వామిత్రం ఇదం వాక్యం ఉవాచ ప్రహసన్ ఇవ |౧-౫౨-౧౨|
ఆతిథ్యం కర్తుం ఇచ్ఛామి బలస్య అస్య మహాబల |
తవ చ ఏవ అప్రమేయస్య యథా అర్హం సంప్రతీచ్ఛ మే |౧-౫౨-౧౩|
సత్క్రియాం తు భవాన్ ఏతాం ప్రతీచ్ఛతు మయా కృతాం |
రాజన్ త్వం అతిథి శ్రేష్ఠః పూజనీయః ప్రయత్నతః |౧-౫౨-౧౪|
ఏవం ఉక్తో వసిష్ఠేన విశ్వామిత్రో మహామతిః |
కృతం ఇతి అబ్రవీత్ రాజా పూజా వాక్యేన మే త్వయా |౧-౫౨-౧౫|
ఫల మూలేన భగవన్ విద్యతే యత్ తవ ఆశ్రమే |
పాద్యేన ఆచమనీయేన భగవద్ దర్శనేన చ |౧-౫౨-౧౬|
సర్వథా చ మహాప్రాజ్ఞ పూజా అర్హేణ సుపూజితః |
నమస్తే అస్తు గమిష్యామి మైత్రేణ ఈక్షస్వ చక్షుషా |౧-౫౨-౧౭|
ఏవం బ్రువంతం రాజానం వసిష్ఠః పునః ఏవ హి |
న్యమంత్రయత ధర్మాత్మా పునః పునః ఉదార ధీః |౧-౫౨-౧౮|
బాఢం ఇతి ఏవ గాధేయో వసిష్ఠం ప్రత్యువాచ హ |
యథా ప్రియం భగవతః తథా అస్తు ముని సత్తమ |౧-౫౨-౧౯|
ఏవం ఉక్తః తథా తేన వసిష్ఠో జపతాం వరః |
ఆజుహావ తతః ప్రీతః కల్మాషీం ధూత కల్మషః |౧-౫౨-౨౦|
ఏహి ఏహి శబలే క్షిప్రం శృణు చ అపి వచో మమ |
సబలస్య అస్య రాజర్షేః కర్తుం వ్యవసితో అస్మి అహం |
భోజనేన మహా అర్హేణ సత్కారం సంవిధత్స్వ మే |౧-౫౨-౨౧|
యస్య యస్య యథా కామం షడ్ రసేషు అభిపూజితం |
తత్ సర్వం కామ ధుక్ దివ్యే అభివర్ష కృతే మమ |౧-౫౨-౨౨|
రసేన అన్నేన పానేన లేహ్య చోష్యేణ సంయుతం |
అన్నానాం నిచయం సర్వం సృజస్వ శబలే త్వర |౧-౫౨-౨౩|
ఇతి వాల్మీకి రామాయణే ఆది కావ్యే బాలకాండే ద్విపఞ్చాశః సర్గః |౧-౫౨|
శ్రీమద్వాల్మీకియరామాయణే బాలకాండే త్రిపఞ్చాశః సర్గః |౧-౫౩|
|
|
|
|
విదధే కామధుక్ కామాన్ యస్య యస్య ఈప్సితం యథా |౧-౫౩-౧|
ఇక్షూన్ మధూన్ తథా లాజాన్ మైరేయాన్ చ వర ఆసవాన్ |
పానాని చ మహార్హాణి భక్ష్యాన్ చ ఉచ్చ అవచాన్ తథా |౧-౫౩-౨|
ఉష్ణ ఆఢ్యస్య ఓదనస్య అపి రాశయః పర్వతోపమాః |
మృష్ట అన్నాని చ సూపాః చ దధి కుల్యాః తథైవ చ |౧-౫౩-౩|
నానా స్వాదు రసానాం చ ఖాణ్డవనాం - షాడబానాం - తథైవ చ |
భాజనాని -భోజనాని - సుపూర్ణాని గౌడాని చ సహస్రశః |౧-౫౩-౪|
సర్వం ఆసీత్ సుసంతుష్టం హృష్ట పుష్ట జన ఆయుతం |
విశ్వామిత్ర బలం రామ వసిష్ఠేన సుతర్పితం |౧-౫౩-౫|
విశ్వామిత్రో అపి రాజర్షిః హృష్ట పుష్టః తదా అభవత్ |
స అంతః పుర వరో రాజా స బ్రాహ్మణ పురోహితః |౧-౫౩-౬|
స అమాత్యో మంత్రి సహితః స భృత్యః పూజితః తదా |
యుక్తః పరమ హర్షేణ వసిష్ఠం ఇదం అబ్రవీత్ |౧-౫౩-౭|
పూజితో అహం త్వయా బ్రహ్మన్ పూజ అర్హేణ సుసత్కృతః |
శ్రూయతాం అభిధాస్యామి వాక్యం వాక్య విశారద |౧-౫౩-౮|
గవాం శత సహస్రేణ దీయతాం శబలా మమ |
రత్నం హి భగవన్ ఏతత్ రత్న హారీ చ పార్థివః |౧-౫౩-౯|
తస్మాత్ మే శబలాం దేహి మమ ఏషా ధర్మతో ద్విజ |
ఏవం ఉక్తః తు భగవాన్ వసిష్ఠో ముని సత్తమః |౧-౫౩-౧౦|
విశ్వామిత్రేణ ధర్మాత్మా ప్రత్యువాచ మహీపతిం |
న అహం శత సహస్రేణ న అపి కోటి శతైః గవాం |౧-౫౩-౧౧|
రాజన్ దాస్యామి శబలాం రాశిభీ రజతస్య వా |
న పరిత్యాగం అర్హా ఇయం మత్ సకాశాత్ అరిందమ |౧-౫౩-౧౨|
శాశ్వతీ శబలా మహ్యం కీర్తిర్ ఆత్మవతో యథా |
అస్యాం హవ్యం చ కవ్యం చ ప్రాణ యాత్రా తథైవ చ |౧-౫౩-౧౩|
ఆయత్తం అగ్ని హోత్రం చ బలిః హోమః తథైవ చ |
స్వాహా కార వషట్ కారౌ విద్యాః చ వివిధాః తథా |౧-౫౩-౧౪|
ఆయత్తం అత్ర రాజ ఋషే సర్వం ఏతన్ న సంశయః |
సర్వస్వం ఏతత్ సత్యేన మమ తుష్టి కరీ తథా |౧-౫౩-౧౫|
కారణైః బహుభీ రాజన్ న దాస్యే శబలాం తవ |
వసిష్ఠేన ఏవం ఉక్తః తు విశ్వామిత్రో అబ్రవీత్ తదా |౧-౫౩-౧౬|
సంరబ్ధతరం అత్యర్థం వాక్యం వాక్య విశారదః |
హైరణ్య కక్ష్యా గ్రైవేయాన్ సువర్ణ అంకుశ భూషితాన్ |౧-౫౩-౧౭|
దదామి కుంజరాణాం తే సహస్రాణి చతుర్ దశ |
హైరణ్యానాం రథానాం చ శ్వేత అశ్వానాం చతుర్ యుజాం |౧-౫౩-౧౮|
దదామి తే శతాని అష్టౌ కింకిణీక విభూషితాన్ |
హయానాం దేశ జాతానాం కుల జానాం మహౌజసాం |
సహస్రం ఏకం దశ చ దదామి తవ సువ్రత |౧-౫౩-౧౯|
నానా వర్ణ విభక్తానాం వయఃస్థానాం తథైవ చ |
దదామి ఏకాం గవాం కోటిం శబలా దీయతాం మమ |౧-౫౩-౨౦|
యావత్ ఇచ్ఛసి రత్నాని హిరణ్యం వా ద్విజోత్తమ |
తావత్ దదామి తే సర్వం దీయతాం శబలా మమ |౧-౫౩-౨౧|
ఏవం ఉక్తః తు భగవాన్ విశ్వామిత్రేణ ధీమతా |
న దాస్యామి ఇతి శబలాం ప్రాహ రాజన్ కథంచన |౧-౫౩-౨౨|
ఏతదేవ హి మే రత్నం ఏతదేవ హి మే ధనం |
ఏతదేవ హి సర్వస్వం ఏతదేవ హి జీవితం |౧-౫౩-౨౩|
దర్శః చ పౌర్ణ మాసః చ యజ్ఞాః చైవ ఆప్త దక్షిణాః |
ఏతదేవ హి మే రాజన్ వివిధాః చ క్రియాః తథా |౧-౫౩-౨౪|
అతో మూలాః క్రియాః సర్వా మమ రాజన్ న సంశయః |
బహూనా కిం ప్రలాపేన న దాస్యే కామ దోహినీం |౧-౫౩-౨౫|
ఇతి వాల్మీకి రామాయణే ఆది కావ్యే బాలకాండే త్రిపఞ్చాశః సర్గః |౧-౫౩|
శ్రీమద్వాల్మీకియరామాయణే బాలకాండే చతుఃపఞ్చాశః సర్గః |౧-౫౪|
|
|
|
|
తదా అస్య శబలాం రామ విశ్వామిత్రో అన్వకర్షత |౧-౫౪-౧|
నీయమానా తు శబలా రామ రాజ్ఞా మహాత్మనా |
దుఃఖితా చింతయామాస రుదంతీ శోక కర్శితా |౧-౫౪-౨|
పరిత్యక్తా వసిష్ఠేన కిం అహం సుమహాత్మనా |
యా అహం రాజ భృతైః దీనా హ్రియేయం భృశ దుఃఖితా |౧-౫౪-౩|
కిం మయా అపకృతం తస్య మహర్షేః భావిత ఆత్మనః |
యన్ మాం అనాగసం భక్తాం ఇష్టాం త్యజతి ధార్మికః |౧-౫౪-౪|
ఇతి సంచింతయిత్వా తు నిఃశ్వస్య చ పునః పునః |
జగామ వేగేన తదా వసిష్ఠం పరమ ఓజసం |౧-౫౪-౫|
నిర్ధూయ తాం తదా భృత్యాన్ శతశః శత్రుసూదన |
జగామ అనిల వేగేన పాద మూలం మహాత్మనః |౧-౫౪-౬|
శబలా సా రుదంతీ చ క్రోశంతీ చ ఇదం అబ్రవీత్ |
వసిష్ఠస్య అగ్రతః స్థిత్వా మేఘ నిఃస్వనా |౧-౫౪-౭|
భగవన్ కిం పరిత్యక్తా త్వయా అహం బ్రహ్మణః సుత |
యస్మాత్ రాజ భటా మాం హి నయంతే త్వత్ సకాశతః |౧-౫౪-౮|
ఏవం ఉక్తః తు బ్రహ్మర్షిర్ ఇదం వచనం అబ్రవీత్ |
శోక సంతప్త హృదయాం స్వ సారం ఇవ దుఃఖితాం |౧-౫౪-౯|
న త్వాం త్యజామి శబలే న అపి మే అపకృతం త్వయా |
ఏష త్వాం నయతే రాజా బలాత్ మత్తః మహాబలః |౧-౫౪-౧౦|
న హి తుల్యం బలం మహ్యం రాజా తు అద్య విశేషతః |
బలీ రాజా క్షత్రియః చ పృథివ్యాః పతిః ఏవ చ |౧-౫౪-౧౧|
ఇయం అక్షౌహిణీ పూర్ణా గజ వాజి రథ ఆకులా |
హస్తి ధ్వజ సమాకీర్ణా తేన అసౌ బలవత్తరః |౧-౫౪-౧౨|
ఏవం ఉక్తా వసిష్ఠేన ప్రత్యువాచ వినీతవత్ |
వచనం వచనజ్ఞా సా బ్రహ్మర్షిం అతుల ప్రభం |౧-౫౪-౧౩|
న బలం క్షత్రియస్య ఆహుః బ్రాహ్మణో బలవత్తరః |
బ్రహ్మన్ బ్రహ్మ బలం దివ్యం క్షత్రాత్ తు బలవత్తరం |౧-౫౪-౧౪|
అప్రమేయ బలం తుభ్యం న త్వయా బలవత్తరః |
విశ్వామిత్రో మహావీర్యః తేజః తవ దురాసదం |౧-౫౪-౧౫|
నియుఙ్క్ష్వ మాం మహాతేజః త్వత్ బ్రహ్మ బల సంభృతాం |
తస్య దర్పం బలం యత్నం నాశయామి దురాత్మనః |౧-౫౪-౧౬|
ఇతి ఉక్తః తు తయా రామ వసిష్ఠః సుమహాయశాః |
సృజస్వ ఇతి తదా ఉవాచ బలం పర బల అర్దనం |౧-౫౪-౧౭|
తస్య తత్ వచనం శ్రుత్వా సురభిః సా అసృజత్ తదా |
తస్యా హుంభా రవ ఉత్సృష్టాః పహ్లవాః శతశో నృప |౧-౫౪-౧౮|
నాశయంతి బలం సర్వం విశ్వామిత్రస్య పశ్యతః |
స రాజా పరమ క్రుద్ధః క్రోధ విస్ఫారిత ఈక్షణః |౧-౫౪-౧౯|
పహ్లవాన్ నాశయామాస శస్త్రైః ఉచ్చావచైః అపి |
విశ్వామిత్ర అర్దితాన్ దృష్ట్వా పహ్లవాన్ శతశః తదా |౧-౫౪-౨౦|
భూయ ఏవ అసృజత్ ఘోరాన్ శకాన్ యవన మిశ్రితాన్ |
తైః ఆసీత్ సంవృతా భూమిః శకైః యవన మిశ్రితైః |౧-౫౪-౨౧|
ప్రభావద్భిర్మహావీర్యైర్హేమకింజల్కసన్నిభైః |
యద్వా -
ప్రభావద్భిః మహావీర్యైః హేమ కింజల్క సంనిభైః |
దీర్ఘాసిపట్టిశధరైర్హేమవర్ణాంబరావృతైః |
యద్వా -
దీర్ఘ అసి పట్టిశ ధరైః హేమ వర్ణ అంబర ఆవృతైః |౧-౫౪-౨౨|
నిర్దగ్ధం తత్ బలం సర్వం ప్రదీప్తైః ఇవ పావకైః |
తతో అస్త్రాణి మహాతేజా విశ్వామిత్రో ముమోచ హ |
తైః తైః యవన కాంభోజా బర్బరాః చ అకులీ కృతాః |౧-౫౪-౨౩|
ఇతి వాల్మీకి రామాయణే ఆది కావ్యే బాలకాండే చతుఃపఞ్చాశః సర్గః |౧-౫౪|
శ్రీమద్వాల్మీకియరామాయణే బాలకాండే పఞ్చపఞ్చాశః సర్గః |౧-౫౫|
|
|
|
|
వసిష్ఠః చోదయామాస కామ ధుక్ సృజ యోగతః |౧-౫౫-౧|
తస్యా హుంకారతో జాతాః కాంబోజా రవి సన్నిభాః |
ఊధసః తు అథ సంజాతాః పహ్లవాః శస్త్ర పాణయః |౧-౫౫-౨|
యోని దేశాత్ చ యవనః శకృ దేశాత్ శకాః తథా |
రోమ కూపేషు ంలేచ్ఛాః చ హారీతాః స కిరాతకాః |౧-౫౫-౩|
తైః తత్ నిషూదితం సైన్యం విశ్వమిత్రస్య తత్ క్షణాత్ |
స పదాతి గజం స అశ్వం స రథం రఘునందన |౧-౫౫-౪|
దృష్ట్వా నిషూదితం సైన్యం వసిష్ఠేన మహాత్మనా |
విశ్వామిత్ర సుతానాం తు శతం నానా విధ ఆయుధం |౧-౫౫-౫|
అభ్యధావత్ సుసంక్రుద్ధం వసిష్ఠం జపతాం వరం |
హుం కారేణ ఏవ తాన్ సర్వాన్ నిర్దదాహ మహాన్ ఋషిః |౧-౫౫-౬|
తే స అశ్వ రథ పాదాతా వసిష్ఠేన మహాత్మనా |
భస్మీ కృతా ముహూర్తేన విశ్వామిత్ర సుతాః తదా |౧-౫౫-౭|
దృష్ట్వా వినాశితాన్ పుత్రాన్ బలం చ సుమహా యశాః |
స వ్రీడః చింతయా ఆవిష్టో విశ్వామిత్రో అభవత్ తదా |౧-౫౫-౮|
సముద్ర ఇవ నిర్వేగో భగ్న దంష్ట్ర ఇవ ఉరగః |
ఉపరక్త ఇవ ఆదిత్యః సద్యో నిష్ప్రభతాం గతః |౧-౫౫-౯|
హత పుత్ర బలో దీనో లూన పక్ష ఇవ ద్విజః |
హత సర్వ బల ఉత్సాహో నిర్వేదం సమపద్యత |౧-౫౫-౧౦|
స పుత్రం ఏకం రాజ్యాయ పాలయ ఇతి నియుజ్య చ |
పృథివీం క్షత్ర ధర్మేణ వనం ఏవ అన్వపద్యత |౧-౫౫-౧౧|
స గత్వా హిమవత్ పార్శ్వం కింనర ఉరగ సేవితం |
మహాదేవ ప్రసాద అర్థం తపః తేపే మహాతపాః |౧-౫౫-౧౨|
కేనచిత్ తు అథ కాలేన దేవేశో వృషభ ధ్వజః |
దర్శయామాస వరదో విశ్వామిత్రం మహామునిం |౧-౫౫-౧౩|
కిం అర్థం తప్యసే రాజన్ బ్రూహి యత్ తే వివక్షితం |
వరదో అస్మి వరో యః తే కాంక్షితః సో అభిధీయతాం |౧-౫౫-౧౪|
ఏవం ఉక్తః తు దేవేన విశ్వామిత్రో మహాతపాః |
ప్రణిపత్య మహాదేవం విశ్వామిత్రో అబ్రవీత్ ఇదం |౧-౫౫-౧౫|
యది తుష్టో మహాదేవ ధనుర్ వేదో మమ అనఘ |
సా అంగ ఉప అంగ ఉపనిషదః స రహస్యః ప్రదీయతాం |౧-౫౫-౧౬|
యాని దేవేషు చ అస్త్రాణి దానవేషు మహర్షిషు |
గంధర్వ యక్ష రక్షస్సు ప్రతిభాంతు మమ అనఘ |౧-౫౫-౧౭|
తవ ప్రసాదాత్ భవతు దేవదేవ మమ ఈప్సితం |
ఏవం అస్తు ఇతి దేవేశో వాక్యం ఉక్త్వా గతః తదా |౧-౫౫-౧౮|
ప్రాప్య చ అస్త్రాణి దేవేశాత్ విశ్వామిత్రో మహాబలః |
దర్పేణ మహతా యుక్తో దర్పపూర్ణో అభవత్ తదా |౧-౫౫-౧౯|
వివర్ధమానో వీర్యేణ సముద్ర ఇవ పర్వణి |
హతం మేనే తదా రామ వసిష్ఠం ఋషి సత్తమం |౧-౫౫-౨౦|
తతో గత్వా ఆశ్రమపదం ముమోచ అస్త్రాణి పార్థివః |
యైః తత్ తపో వనం సర్వం నిర్దగ్ధం చ అస్త్ర తేజసా |౧-౫౫-౨౧|
ఉదీర్యమాణం అస్త్రం తత్ విశ్వామిత్రస్య ధీమతః |
దృష్ట్వా విప్రద్రుతా భీతా మునయః శతశో దిశః |౧-౫౫-౨౨|
వసిష్ఠస్య చ యే శిష్యాః యే చ వై మృగ పక్షిణః |
విద్రవంతి భయాత్ భీతా నానా దిక్భ్యః సహస్రశః |౧-౫౫-౨౩|
వసిష్ఠస్య ఆశ్రమపదం శూన్యం ఆసీత్ మహాత్మనః |
ముహూర్తం ఇవ నిఃశబ్దం ఆసీత్ ఈరిణ సంనిభం |౧-౫౫-౨౪|
వదతో వై వసిష్ఠస్య మా భై ఇతి ముహుర్ముహుః |
నాశయామి అద్య గాధేయం నీహారం ఇవ భాస్కరః |౧-౫౫-౨౫|
ఏవం ఉక్త్వా మహాతేజా వసిష్ఠో జపతాం వరః |
విశ్వామిత్రం తదా వాక్యం స రోషం ఇదం అబ్రవీత్ |౧-౫౫-౨౬|
ఆశ్రమం చిర సంవృద్ధం యత్ వినాశితవాన్ అసి |
దురాచారో హి యత్ మూఢ తస్మాత్ త్వం న భవిష్యసి |౧-౫౫-౨౭|
ఇతి ఉక్త్వా పరమ క్రుద్ధో దణ్డం ఉద్యమ్య సత్వరః |
విధూమ ఇవ కాల అగ్నిః యమ దణ్డం ఇవ అపరం |౧-౫౫-౨౮|
ఇతి వాల్మీకి రామాయణే ఆది కావ్యే బాలకాండే పఞ్చపఞ్చాశః సర్గః |౧-౫౫|
శ్రీమద్వాల్మీకియరామాయణే బాలకాండే షట్పఞ్చాశః సర్గః |౧-౫౬|
|
|
|
|
ఆగ్నేయం అస్త్రం ఉత్క్షిప్య తిష్ఠ తిష్ఠ ఇతి చ అబ్రవీత్ |౧-౫౬-౧|
బ్రహ్మదణ్డం సముద్యమ్య కాల దణ్డం ఇవ అపరం |
వసిష్ఠో భగవాన్ క్రోధాత్ ఇదం వచనం అబ్రవీత్ |౧-౫౬-౨|
క్షత్ర బంధో స్థితో అస్మి ఏష యద్ బలం తద్ విదర్శయ |
నాశయామి అద్య తే దర్పం శస్త్రస్య తవ గాధిజ |౧-౫౬-౩|
క్వ చ తే క్షత్రియ బలం క్వ చ బ్రహ్మ బలం మహత్ |
పశ్య బ్రహ్మ బలం దివ్యం మమ క్షత్రియ పాంసన |౧-౫౬-౪|
తస్య అస్త్రం గాధి పుత్రస్య ఘోరం ఆగ్నేయం ఉత్తమం |
బ్రహ్మ దణ్డేన తత్ శాంతం అగ్నేః వేగ ఇవ అంభసా |౧-౫౬-౫|
వారుణం చైవ రౌద్రం చ ఐంద్రం పాశుపతం తథా |
ఐషీకం చ అపి చిక్షేప రుషితో గాధి నందనః |౧-౫౬-౬|
మానవం మోహనం చైవ గాంధర్వం స్వాపనం తథా |
జృంభణం మదానం చైవ సంతాపన విలాపనే |౧-౫౬-౭|
శోషణం దారణం చైవ వజ్రం అస్త్రం సుదుర్జయం |
బ్రహ్మ పాశం కాల పాశం వారుణం పాశం ఏవ చ |౧-౫౬-౮|
పినాకం అస్త్రం చ దయితం శుష్క ఆర్ద్రే అశనీ తథా |
దణ్డ అస్త్రం అథ పైశాచం క్రౌంచం అస్త్రం తథైవ చ |౧-౫౬-౯|
ధర్మ చక్రం కాల చక్రం విష్ణు చక్రం తథైవ చ |
వాయవ్యం మథనం చైవ అస్త్రం హయ శిరః తథా |౧-౫౬-౧౦|
శక్తి ద్వయం చ చిక్షేప కంకాలం ముసలం తథా |
వైద్యాధరం మహాస్త్రం చ కాలాస్త్రం అథ దారుణం |౧-౫౬-౧౧|
త్రిశూలం అస్త్రం ఘోరం చ కాపాలం అథ కంకణం |
ఏతాని అస్త్రాణి చిక్షేప సర్వాణి రఘు నందన |౧-౫౬-౧౨|
వసిష్ఠే జపతాం శ్రేష్ఠే తద్ అద్భుతం ఇవ అభవత్ |
తాని సర్వాణి దణ్డేన గ్రసతే బ్రహ్మణః సుతః |౧-౫౬-౧౩|
తేషు శాంతేషు బ్రహ్మాస్త్రం క్షిప్తవాన్ గాధి నందనః |
తత్ అస్త్రం ఉద్యతం దృష్ట్వా దేవాః స అగ్ని పురోగమాః |౧-౫౬-౧౪|
దేవ ఋషయః చ సంభ్రాంతా గంధర్వాః స మహా ఉరగాః |
త్రైలోక్యం ఆసీత్ సంత్రస్తం బ్రహ్మాస్త్రే సముదీరితే |౧-౫౬-౧౫|
తత్ అపి అస్త్రం మహాఘోరం బ్రాహ్మం బ్రాహ్మేణ తేజసా |
వసిష్ఠో గ్రసతే సర్వం బ్రహ్మ దణ్డేన రాఘవ |౧-౫౬-౧౬|
బ్రహ్మ అస్త్రం గ్రసమానస్య వసిష్ఠస్య మహాత్మనః |
త్రైలోక్య మోహనం రౌద్రం రూపం ఆసీత్ సుదారుణం |౧-౫౬-౧౭|
రోమ కూపేషు సర్వేషు వసిష్ఠస్య మహాత్మనః |
మరీచ్య ఇవ నిష్పేతుః అగ్నేః ధూమ ఆకుల అర్చిషః |౧-౫౬-౧౮|
ప్రాజ్వలత్ బ్రహ్మ దణ్డః చ వసిష్ఠస్య కర ఉద్యతః |
విధూమ ఇవ కాల అగ్నిః యమ దణ్డ ఇవ అపరః |౧-౫౬-౧౯|
తతో అస్తువన్ ముని గణా వసిష్ఠం జపతాం వరం |
అమోఘం తే బలం బ్రహ్మన్ తేజో ధారయ తేజసా |౧-౫౬-౨౦|
నిగృహీతః త్వయా బ్రహ్మన్ విశ్వామిత్రో మహాతపాః |
ప్రసీద జపతాం శ్రేష్ఠ లోకాః సంతు గత వ్యథాః |౧-౫౬-౨౧|
ఏవం ఉక్తో మహాతేజాః శమం చక్రే మహాతపాః |
విశ్వామిత్రో అపి నికృతో వినిఃశ్వస్య ఇదం అబ్రవీత్ |౧-౫౬-౨౨|
ధిక్ బలం క్షత్రియ బలం బ్రహ్మ తేజో బలం బలం |
ఏకేన బ్రహ్మ దణ్డేన సర్వ అస్త్రాణి హతాని మే |౧-౫౬-౨౩|
తత్ ఏతత్ సమవేక్ష్య అహం ప్రసన్న ఇంద్రియ మానసః |
తపో మహత్ సమాస్థాస్యే యత్ వై బ్రహ్మత్వ కారణం |౧-౫౬-౨౪|
ఇతి వాల్మీకి రామాయణే ఆది కావ్యే బాలకాండే షట్పఞ్చాశః సర్గః |౧-౫౬|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment