Valmiki Ramayanam - Balakanda - Part 21

శ్రీమద్వాల్మీకియరామాయణే బాలకాండే త్రిసప్తతితమః సర్గః |౧-౭౩|
యస్మిన్ తు దివసే రాజా చక్రే గో దానం ఉత్తమం |
తస్మిన్ తు దివసే శూరో యుధాజిత్ సముపేయివాన్ |౧-౭౩-౧|
పుత్రః కేకయ రాజస్య సాక్షాత్ భరత మాతులః |
దృష్ట్వా పృష్ట్వా చ కుశలం రాజానం ఇదం అబ్రవీత్ |౧-౭౩-౨|
కేకయ అధిపతీ రాజా స్నేహాత్ కుశలం అబ్రవీత్ |
యేషాం కుశలకామో అసి తేషాం సంప్రతి అనామయం |౧-౭౩-౩|
స్వస్రీయం మమ రాజేంద్ర ద్రష్టు కామో మహీపతిః |
తత్ అర్థం ఉపయాతో అహం అయోధ్యాం రఘునందన |౧-౭౩-౪|
శ్రుత్వా తు అహం అయోధ్యాయాం వివాహ అర్థం తవ ఆత్మజాన్ |
మిథిలాం ఉపయాతాన్ తు త్వయా సహ మహీపతే |౧-౭౩-౫|
త్వరయా అభుపయాతో అహం ద్రష్టు కామః స్వసుః సుతం |
అథ రాజా దశరథః ప్రియ అతిథిం ఉపస్థితం |౧-౭౩-౬|
దృష్ట్వా పరమ సత్కారైః పూజార్హం సమపూజయత్ |
తతః తాం ఉషితో రాత్రిం సహ పుత్రైః మహాత్మభిః |౧-౭౩-౭|
ప్రభాతే పునః ఉత్థాయ కృత్వా కర్మాణి తత్త్వవిత్ |
ఋషీన్ తదా పురస్కృత్య యజ్ఞ వాటం ఉపాగమత్ |౧-౭౩-౮|
యుక్తే ముహూర్తే విజయే సర్వ ఆభరణ భూషితైః |
భ్రాతృభిః సహితో రామః కృత కౌతుక మంగలః |౧-౭౩-౯|
వసిష్ఠం పురతః కృత్వా మహర్షీన్ అపరాన్ అపి |
వశిష్టఃఓ భగవాన్ ఏత్య వైదేహం ఇదం అబ్రవీత్ |౧-౭౩-౧౦|
రాజా దశరథో రాజన్ కృత కౌతుక మంగలైః |
పుత్రైః నర వర శ్రేష్ఠ దాతారం అభికాంక్షతే |౧-౭౩-౧౧|
దాతృ ప్రతిగ్రహీతృభ్యాం సర్వ అర్థాః సంభవంతి హి |
స్వధర్మం ప్రతిపద్యస్వ కృత్వా వైవాహ్యం ఉత్తమం |౧-౭౩-౧౨|
ఇతి ఉక్తః పరమ ఉదారో వసిష్ఠేన మహాత్మనా |
ప్రత్యువాచ మహాతేజా వాక్యం పరమ ధర్మవిత్ |౧-౭౩-౧౩|
కః స్థితః ప్రతిహారో మే కస్య ఆజ్ఞా సంప్రతీక్ష్యతే |
స్వ గృహే కో విచారో అస్తి యథా రాజ్యం ఇదం తవ |౧-౭౩-౧౪|
కృత కౌతుక సర్వస్వా వేది మూలం ఉపాగతాః |
మమ కన్యా మునిశ్రేష్ఠ దీప్తా వహ్నేః ఇవ అర్చిషః |౧-౭౩-౧౫|
సద్యో అహం త్వత్ ప్రతీక్షో అస్మి వేద్యాం అస్యాం ప్రతిషితః |
అవిఘ్నం కురుతాం రాజా కిం అర్థం హి విలంబ్యతే |౧-౭౩-౧౬|
తత్ వాక్యం జనకేన ఉక్తం శ్రుత్వా దశరథః తదా |
ప్రవేశయామాస సుతాన్ సర్వాన్ ఋషి గణాన్ అపి |౧-౭౩-౧౭|
తతో రాజా విదేహానాం వశిష్ఠం ఇదం అబ్రవీత్ |
కారయస్వ ఋషే సర్వాన్ ఋషిభిః సహ ధార్మిక |౧-౭౩-౧౮|
రామస్య లోక రామస్య క్రియాం వైవాహికీం ప్రభో |
తథా ఇతి ఉక్త్వా తు జనకం వశిష్టఃఓ భగవాన్ ఋషిః |౧-౭౩-౧౯|
విశ్వామిత్రం పురస్కృత్య శతానందం చ ధార్మికం |
ప్రపా మధ్యే తు విధివత్ వేదీం కృత్వా మహాతపాః |౧-౭౩-౨౦|
అలం చకార తాం వేదీం గంధ పుష్పైః సమంతతః |
సువర్ణ పాలికాభిః చ చిత్ర కుంభైః చ స అంకురైః |౧-౭౩-౨౧|
అంకుర ఆఢ్యైః శరావైః చ ధూప పాత్రైః స ధూపకైః |
శంఖ పాత్రైః శ్రువైః స్రుగ్భిః పాత్రైః అర్ఘ్యాది పూజితైః |౧-౭౩-౨౨|
లాజ పూర్ణైః చ పాత్రీభిః రక్షితైః అపి సంస్కృతైః |
దర్భైః సమైః సమాస్తీర్య విధివత్ మంత్ర పురస్కృతం |౧-౭౩-౨౩|
అగ్నిం ఆధాయ తం వేద్యాం విధి మంత్ర పూర్వకం |
జుహావ అగ్నౌ మహాతేజా వశిష్ఠో మునిపుంగవ |౧-౭౩-౨౪|
తతః సీతాం సమానీయ సర్వ ఆభరణ భుషితాం |
సమక్షం అగ్నేః సంస్థాప్య రాఘవ అభిముఖే తదా |౧-౭౩-౨౫|
అబ్రవీత్ జనకో రాజా కౌసల్య ఆనంద వర్ధనం |
ఇయం సీతా మమ సుతా సహ ధర్మ చరీ తవ |౧-౭౩-౨౬|
ప్రతీచ్ఛ చ ఏనాం భద్రం తే పాణిం గృహ్ణీష్వ పాణినా |
పతివ్రతా మహభాగా ఛాయ ఇవ అనుగతా సదా |౧-౭౩-౨౭|
ఇతి ఉక్త్వా ప్రాక్షిపత్ రాజా మంత్ర పూతం జలం తదా |
సాధు సాధు ఇతి దేవానాం ఋషీణాం వదతాం తదా |౧-౭౩-౨౮|
దేవ దుందుభి నిర్ఘోషః పుష్ప వర్షం మహాన్ అభూత్ |
ఏవం దత్త్వా సుతాం సీతాం మంత్ర ఉదక పురస్కృతాం |౧-౭౩-౨౯|
అబ్రవీత్ జనకో రాజా హర్షేణ అభిపరిప్లుత |
లక్ష్మణ ఆగచ్ఛ భద్రం తే ఊర్మిలాం ఉద్యతాం మయా |౧-౭౩-౩౦|
ప్రతీచ్ఛ పాణిం గృహ్ణీష్వ మా భూత్ కాలస్య పర్యయః |
తం ఏవం ఉక్త్వా జనకో భరతం చ అభ్యభాషత |౧-౭౩-౩౧|
గృహాణ పాణిం మాణ్డవ్యాః పాణినా రఘునందన |
శత్రుఘ్నం చ అపి ధర్మాత్మా అబ్రవీత్ మిథిలేశ్వరః |౧-౭౩-౩౨|
శ్రుతకీర్తేః మహాబాహో పాణిం గృహ్ణీష్వ పాణినా |
సర్వే భవంతః సౌమ్యాః చ సర్వే సుచరిత వ్రతాః |౧-౭౩-౩౩|
పత్నీభిః సంతు కాకుత్స్థా మా భూత్ కాలస్య పర్యయః |
జనకస్య వచః శ్రుత్వా పాణీన్ పాణిభిః అస్పృశన్ |౧-౭౩-౩౪|
చత్వారః తే చతసౄణాం వసిష్ఠస్య మతే స్థితాః |
అగ్నిం ప్రదక్షిణం కృత్వా వేదిం రాజానం ఏవ చ |౧-౭౩-౩౫|
ఋషీన్ చైవ మహాత్మానః సహ భార్యా రఘు ఉద్వహాః |
యథా ఉక్తేన తథా చక్రుః వివాహం విధి పూర్వకం |౧-౭౩-౩౬|
పుష్పవృష్టిర్మహత్యాసీదంతరిక్షాత్సుభాస్వరా |
దివ్యదుందుభినిర్ఘోషైర్గీతవాదిత్రనిఃస్వనైః |
యద్వా -
పుష్ప వృష్టిః మహతి ఆసీత్ అంతరిక్షాత్ సు భాస్వరా |
దివ్య దుందుభి నిర్ఘోషైః గీత వాదిత్ర నిఃస్వనైః |౧-౭౩-౩౭|
ననృతుః చ అప్సరః సంఘా గంధర్వాః చ జగుః కలం |
వివాహే రఘు ముఖ్యానాం తద్ అద్భుతం అదృశ్యత |౧-౭౩-౩౮|
ఈదృశే వర్తమానే తు తూర్య ఉద్ఘుష్ట నినాదితే |
త్రిః అగ్నిం తే పరిక్రమ్య ఊహుః భార్యా మహౌజసః |౧-౭౩-౩౯|
అథ ఉపకార్యాం జగ్ముః తే స దారా రఘునందనాః |
రాజా అపి అనుయయౌ పశ్యన్ స ఋషి సంఘః స బాంధవః |౧-౭౩-౪౦|

ఇతి వాల్మీకి రామాయణే ఆది కావ్యే బాలకాండే త్రిసప్తతితమః సర్గః |౧-౭౩|




శ్రీమద్వాల్మీకియరామాయణే బాలకాండే చతుఃసప్తతితమః సర్గః |౧-౭౪|
అథ రాత్ర్యాం వ్యతీతాయాం విశ్వామిత్రో మహామునిః |
ఆపృష్ట్వా తౌ చ రాజానౌ జగామ ఉత్తర పర్వతం |౧-౭౪-౧|
విశ్వామిత్రో గతే రాజా వైదేహం మిథిలా అధిపం |
ఆపృష్ట్వ ఇవ జగామ ఆశు రాజా దశరథః పురీం |౧-౭౪-౨|
అథ రాజా విదేహానాం దదౌ కన్యా ధనం బహు |
గవాం శత సహస్రాణి బహూని మిథిలేశ్వరః |౧-౭౪-౩|
కంబలానాం చ ముఖ్యానాం క్షౌమాన్ కోటి అంబరాణి చ |
హస్తి అశ్వ రథ పాదాతం దివ్య రూపం స్వలంకృతం |౧-౭౪-౪|
దదౌ కన్యా శతం తాసాం దాసీ దాసం అనుత్తమం |
హిరణ్యస్య సువర్ణస్య ముక్తానాం విద్రుమస్య చ |౧-౭౪-౫|
దదౌ రాజా సుసంహృష్టః కన్యా ధనం అనుత్తమం |
దత్త్వా బహు విధం రాజా సమనుజ్ఞాప్య పార్థివం |౧-౭౪-౬|
ప్రవివేశ స్వ నిలయం మిథిలాం మిథిలేశ్వరః |
రాజా అపి అయోధ్యా అధిపతిః సహ పుత్రైః మహాత్మభిః |౧-౭౪-౭|
ఋషీన్ సర్వాన్ పురస్కృత్య జగామ స బల అనుగః |
గచ్ఛంతం తు నరవ్యాఘ్రం స ఋషి సంఘం స రాఘవం |౧-౭౪-౮|
ఘోరాః తు పక్షిణో వాచో వ్యాహరంతి సమంతతః |
భౌమాః చైవ మృగాః సర్వే గచ్ఛంతి స్మ ప్రదక్షిణం |౧-౭౪-౯|
తాన్ దృష్ట్వా రాజ శార్దూలో వసిష్ఠం పర్యపృచ్ఛత |
అసౌమ్యాః పక్షిణో ఘోరా మృగాః చ అపి ప్రదక్షిణాః |౧-౭౪-౧౦|
కిం ఇదం హృదయ ఉత్కంపి మనో మమ విషీదతి |
రాజ్ఞో దశరథస్య ఏతత్ శ్రుత్వా వాక్యం మహాన్ ఋషిః |౧-౭౪-౧౧|
ఉవాచ మధురాం వాణీం శ్రూయతాం అస్య యత్ ఫలం |
ఉపస్థితం భయం ఘోరం దివ్యం పక్షి ముఖాత్ చ్యుతం |౧-౭౪-౧౨|
మృగాః ప్రశమయంతి ఏతే సంతాపః త్యజ్యతాం అయం |
తేషాం సంవదతాం తత్ర వాయుః ప్రాదుర్ బభూవ హ |౧-౭౪-౧౩|
కంపయన్ మేదినీం సర్వాం పాతయన్ చ మహాన్ ద్రుమాన్ |
తమసా సంవృతః సూర్యః సర్వే న వేదిషుర్ దిశః |౧-౭౪-౧౪|
భస్మనా చ ఆవృతం సర్వం సమ్మూఢం ఇవ తత్ బలం |
వసిష్ఠ ఋషయః చ అన్యే రాజా చ ససుతః తదా |౧-౭౪-౧౫|
స సంజ్ఞా ఇవ తత్ర ఆసన్ సర్వం అన్యత్ విచేతనం |
తస్మిన్ తమసి ఘోరే తు భస్మ ఛన్న ఇవ సా చమూః |౧-౭౪-౧౬|
దదర్శ భీమ సంకాశం జటా మణ్డల ధారిణం |
భార్గవం జమదగ్నే అయం రాజా రాజ విమర్దనం |౧-౭౪-౧౭|
కైలాసం ఇవ దుర్ధర్షం కాల అగ్నిం ఇవ దుఃసహం |
జ్వలంతం ఇవ తేజోభిః దుర్ నిరీక్ష్యం పృథక్ జనైః |౧-౭౪-౧౮|
స్కంధే చ ఆసజ్య పరశుం ధనుః విద్యుత్ గణ ఉపమం |
ప్రగృహ్య శరం ఉగ్రం చ త్రి పుర ఘ్నం యథా శివం |౧-౭౪-౧౯|
తం దృష్ట్వా భీమ సంకాశం జ్వలంతం ఇవ పావకం |
వసిష్ఠ ప్రముఖా విప్రా జప హోమ పరాయణాః |౧-౭౪-౨౦|
సంగతా మునయః సర్వే సంజజల్పుః అథో మిథః |
కచ్చిత్ పితృ వధ అమర్షీ క్షత్రం న ఉత్సాదయిష్యతి |౧-౭౪-౨౧|
పూర్వం క్షత్ర వధం కృత్వా గత మన్యుః గత జ్వరః |
క్షత్రస్య ఉత్సాదనం భూయో న ఖలు అస్య చికీర్షితం |౧-౭౪-౨౨|
ఏవం ఉక్త్వా అర్ఘ్యం ఆదాయ భార్గవం భీమ దర్శనం |
ఋషయో రామ రామ ఇతి మధురం వాక్యం అబ్రువన్ |౧-౭౪-౨౩|
ప్రతిగృహ్య తు తాం పూజాం ఋషి దత్తాం ప్రతాపవాన్ |
రామం దాశరథిం రామో జామదగ్న్యో అభ్యభాషత |౧-౭౪-౨౪|

ఇతి వాల్మీకి రామాయణే ఆది కావ్యే బాలకాండే చతుఃసప్తతితమః సర్గః |౧-౭౪|




శ్రీమద్వాల్మీకియరామాయణే బాలకాండే పఞ్చసప్తతితమః సర్గః |౧-౭౫|
రామ దాశరథే వీర వీర్యం తే శ్రూయతే అద్భుతం |
ధనుషో భేదనం చైవ నిఖిలేన మయా శ్రుతం |౧-౭౫-౧|
తత్ అద్భుతం అచింత్యం చ భేదనం ధనుషః తథా |
తత్ శ్రుత్వా అహం అనుప్రాప్తో ధనుర్ గృహ్య అపరం శుభం |౧-౭౫-౨|
తత్ ఇదం ఘోర సంకాశం జామదగ్న్యం మహత్ ధనుః |
పూరయస్వ శరేణ ఏవ స్వ బలం దర్శయస్వ చ |౧-౭౫-౩|
తత్ అహం తే బలం దృష్ట్వా ధనుషో అపి అస్య పూరణే |
ద్వంద్వ యుద్ధం ప్రదాస్యామి వీర్య శ్లాఘ్యం అహం తవ |౧-౭౫-౪|
తస్య తత్ వచనం శ్రుత్వా రాజా దశరథః తదా |
విషణ్ణ వదనో దీనః ప్రాంజలిః వాక్యం అబ్రవీత్ |౧-౭౫-౫|
క్షత్ర రోషాత్ ప్రశాంతః త్వం బ్రాహ్మణః చ మహాతపాః |
బాలానాం మమ పుత్రాణాం అభయం దాతుం అర్హసి |౧-౭౫-౬|
భార్గవాణాం కులే జాతః స్వాధ్యాయ వ్రత శాలినాం |
సహస్రాక్షే ప్రతిజ్ఞాయ శస్త్రం ప్రక్ష్ద్ ఇప్తవాన్ అసి |౧-౭౫-౭|
స త్వం ధర్మ పరో భూత్వా కాశ్యపాయ వసుంధరాం |
దత్త్వా వనం ఉపాగమ్య మహేంద్ర కృత కేతనః |౧-౭౫-౮|
మమ సర్వ వినాశాయ సంప్రాప్తః త్వం మహామునే |
న చ ఏకస్మిన్ హతే రామే సర్వే జీవామహే వయం |౧-౭౫-౯|
బ్రువతి ఏవం దశరథే జామదగ్న్యః ప్రతాపవాన్ |
అనాదృత్య తు తత్ వాక్యం రామం ఏవ అభ్యభాషత |౧-౭౫-౧౦|
ఇమే ద్వే ధనుషీ శ్రేష్ఠే దివ్యే లోక అభిపూజితే |
దృఢే బలవతీ ముఖ్యే సుకృతే విశ్వకర్మణా |౧-౭౫-౧౧|
అనిసృష్టం సురైః ఏకం త్ర్యంబకాయ యుయుత్సవే |
త్రిపుర ఘ్నం నరశ్రేష్ఠ భగ్నం కాకుత్స్థ యత్ త్వయా |౧-౭౫-౧౨|
ఇదం ద్వితీయం దుర్ధర్షం విష్ణోర్ దత్తం సురోత్తమైః |
తత్ ఇదం వైష్ణవం రామ ధనుః పర పురం జయం |౧-౭౫-౧౩|
సమాన సారం కాకుత్స్థ రౌద్రేణ ధనుషా తు ఇదం |
తదా తు దేవతాః సర్వాః పృచ్ఛంతి స్మ పితామహం |౧-౭౫-౧౪|
శితి కణ్ఠస్య విష్ణోః చ బల అబల నిరీక్షయా |
అభిప్రాయం తు విజ్ఞాయ దేవతానాం పితామహః |౧-౭౫-౧౫|
విరోధం జనయామాస తయోః సత్యవతాం వరః |
విరోధే తు మహత్ యుద్ధం అభవత్ రోమ హర్షణం |౧-౭౫-౧౬|
శితి కణ్ఠస్య విష్ణోః చ పరస్పర జయ ఏషిణోః |
తదా తు జృంభితం శైవం ధనుః భీమ పరాక్రమం |౧-౭౫-౧౭|
హుం కారేణ మహాదేవః స్తంభితో అథ త్రిలోచనః |
దేవైః తదా సమాగమ్య స ఋషి సంఘైః స చారణైః |౧-౭౫-౧౮|
యాచితౌ ప్రశమం తత్ర జగ్మతుః తౌ సుర ఉత్తమౌ |
జృంభితం తత్ ధనుః దృష్ట్వా శైవం విష్ణు పరాక్రమైః |౧-౭౫-౧౯|
అధికం మేనిరే విష్ణుం దేవాః స ఋషి గణాః తదా |
ధనూ రుద్రః తు సంక్రుద్ధో విదేహేషు మహాయశాః |౧-౭౫-౨౦|
దేవరాతస్య రాజ ఋషేః దదౌ హస్తే స సాయకం |
ఇదం చ వైష్ణవం రామ ధనుః పర పురం జయం |౧-౭౫-౨౧|
ఋచీకే భార్గవే ప్రాదాత్ విష్ణుః స న్యాసం ఉత్తమం |
ఋచీకః తు మహాతేజాః పుత్రస్య అప్రతికర్మణః |౧-౭౫-౨౨|
పితుః మమ దదౌ దివ్యం జమదగ్నేః మహాత్మనః |
న్యస్త శస్త్రే పితరి మే తపో బల సమన్వితే |౧-౭౫-౨౩|
అర్జునో విదధే మృత్యుం ప్రాకృతాం బుద్ధిం ఆస్థితః |
వధం అప్రతిరూపం తు పితుః శ్రుత్వా సు దారుణం |
క్షత్రం ఉత్సాదయన్ రోషాత్ జాతం జాతం అనేకశః |౧-౭౫-౨౪|
పృథివీం చ అఖిలాం ప్రాప్య కాశ్యపాయ మహాత్మనే |
యజ్ఞస్య అంతే తదా రామ దక్షిణాం పుణ్య కర్మణే |౧-౭౫-౨౫|
దత్త్వా మహేంద్ర నిలయః తపో బల సమన్వితః |
శ్రుత్వా తు ధనుషో భేదం తతో అహం ద్రుతం ఆగతః |౧-౭౫-౨౬|
తత్ ఏవం వైష్ణవం రామ పితృ పైతామహం మహత్ |
క్షత్ర ధర్మం పురస్ కృత్య గృహ్ణీష్వ ధనుర్ ఉత్తమం |౧-౭౫-౨౭|
యోజయస్వ ధనుః శ్రేష్ఠే శరం పర పురం జయం |
యది శక్తః అసి కాకుత్స్థ ద్వంద్వం దాస్యామి తే తతః |౧-౭౫-౨౮|

ఇతి వాల్మీకి రామాయణే ఆది కావ్యే బాలకాండే పఞ్చసప్తతితమః సర్గః |౧-౭౫|



శ్రీమద్వాల్మీకియరామాయణే బాలకాండే షట్సప్తతితమః సర్గః |౧-౭౬|
శ్రుత్వా తత్ జామదగ్న్యస్య వాక్యం దాశరథిః తదా |
గౌరవాత్ యంత్రిత కథః పితూ రామం అథ అబ్రవీత్ |౧-౭౬-౧|
కృతవాన్ అస్మి యత్ కర్మ శ్రుతవాన్ అసి భార్గవ |
అనురుంధ్యామహే బ్రహ్మన్ పితుర్ ఆనృణ్యం ఆస్థితః |౧-౭౬-౨|
వీర్య హీనం ఇవ అశక్తం క్షత్ర ధర్మేణ భార్గవ |
అవజానాసి మే తేజః పశ్య మే అద్య పరాక్రమం |౧-౭౬-౩|
ఇతి ఉక్త్వా రాఘవః క్రుద్ధో భార్గవస్య వర ఆయుధం |
శరం చ ప్రతిజగ్రాహ హస్తాత్ లఘు పరాక్రమః |౧-౭౬-౪|
ఆరోప్య స ధనూ రామః శరం సజ్యం చకార హ |
జామదగ్న్యం తతో రామం రామః క్రుద్ధో అబ్రవీత్ ఇదం |౧-౭౬-౫|
బ్రాహ్మణో అసి ఇతి పూజ్యో మే విశ్వామిత్ర కృతేన చ |
తస్మాత్ శక్తో న తే రామ మోక్తుం ప్రాణ హరం శరం |౧-౭౬-౬|
ఇమాం వా త్వత్ గతిం రామ తపో బల సమార్జితాన్ |
లోకాన్ అప్రతిమాన్ వా అపి హనిష్యామి యత్ ఇచ్ఛసి |౧-౭౬-౭|
న హి అయం వైష్ణవో దివ్యః శరః పర పురంజయః |
మోఘః పతతి వీర్యేణ బల దర్ప వినాశనః |౧-౭౬-౮|
వర ఆయుధ ధరం రామం ద్రష్టుం స ఋషి గణాః సురాః |
పితామహం పురస్కృత్య సమేతాః తత్ర సర్వశః |౧-౭౬-౯|
గంధర్వ అప్సరసః చైవ సిద్ధ చారణ కిన్నరాః |
యక్ష రాక్షస నాగాః చ తత్ ద్రష్టుం మహత్ అద్భుతం |౧-౭౬-౧౦|
జడీ కృతే తదా లోకే రామే వర ధనుర్ ధరే |
నిర్వీర్యో జామదగ్న్యో అసౌ రమో రామం ఉదైక్షత |౧-౭౬-౧౧|
తేజోభిః హత వీర్యత్వాత్ జామదగ్న్యో జడీ కృతః |
రామం కమల పత్ర అక్షం మందం మందం ఉవాచ హ |౧-౭౬-౧౨|
కాశ్యపాయ మయా దత్తా యదా పూర్వం వసుంధరా |
విషయే మే న వస్తవ్యం ఇతి మాం కాశ్యపో అబ్రవీత్ |౧-౭౬-౧౩|
సో అహం గురు వచః కుర్వన్ పృథివ్యాం న వసే నిశాం |
తదా ప్రభృతి కాకుత్స్థ కృతా మే కాశ్యపస్య హ |౧-౭౬-౧౪|
తం ఇమాం మత్ గతిం వీర హంతుం న అర్హసి రాఘవ |
మనో జవం గమిష్యామి మహేంద్రం పర్వత ఉత్తమం |౧-౭౬-౧౫|
లోకాః తు అప్రతిమా రామ నిర్జితాః తపసా మయా |
జహి తాన్ శర ముఖ్యేన మా భూత్ కాలస్య పర్యయః |౧-౭౬-౧౬|
అక్షయ్యం మధు హంతారం జానామి త్వాం సురేశ్వరం |
ధనుషో అస్య పరామర్శాత్ స్వస్తి తే అస్తు పరంతప |౧-౭౬-౧౭|
ఏతే సుర గణాః సర్వే నిరీక్షంతే సమాగతాః |
త్వాం అప్రతిమ కర్మాణం అప్రతిద్వంద్వం ఆహవే |౧-౭౬-౧౮|
న చ ఇయం తవ కాకుత్స్థ వ్రీడా భవితుం అర్హతి |
త్వయా త్రైలోక్య నాథేన యత్ అహం విముఖీ కృతః |౧-౭౬-౧౯|
శరం అప్రతిమం రామ మోక్తుం అర్హసి సు వ్రత |
శర మోక్షే గమిష్యామి మహేంద్రం పర్వతోత్తమం |౧-౭౬-౨౦|
తథా బ్రువతి రామే తు జామదగ్న్యే ప్రతాపవాన్ |
రామో దాశరథిః శ్రీమాన్ చిక్షేప శరం ఉత్తమం |౧-౭౬-౨౧|
స హతాన్ దృశ్య రామేణ స్వాన్ లోకాన్ తపసా ఆర్జితాన్ |
జామదగ్న్యో జగామ ఆశు మహేంద్రం పర్వతోత్తమం |౧-౭౬-౨౨|
తతో వి తిమిరాః సర్వా దిశా చ ఉపదిశః తథా |
సురాః స ఋషి గణాః రామం ప్రశశంసుః ఉదాయుధం |౧-౭౬-౨౩|
రామం దాశరథిం రామో జామదగ్న్యః ప్రశస్య చ |
తతః ప్రదక్షిణీ కృత్య జగామ ఆత్మ గతిం ప్రభుః |౧-౭౬-౨౪|
ఇతి వాల్మీకి రామాయణే ఆది కావ్యే బాలకాండే షట్సప్తతితమః సర్గః |౧-౭౬|



శ్రీమద్వాల్మీకియరామాయణే బాలకాండే సప్తసప్తతితమః సర్గః |౧-౭౭|
గతే రామే ప్రశాంత ఆత్మా రామో దాశరథిః ధనుః |
వరుణాయ అప్రమేయాయ దదౌ హస్తే మహాయశాః |౧-౭౭-౧|
అభివాద్య తతో రామో వసిష్ఠ ప్రముఖాన్ ఋషీన్ |
పితరం విహ్వలం దృష్ట్వా ప్రోవాచ రఘునందనః |౧-౭౭-౨|
జామదగ్న్యో గతో రామః ప్రయాతు చతుర్ అంగిణీ |
అయోధ్యా అభిముఖీ సేనా త్వయా నాథేన పాలితా |౧-౭౭-౩|
రామస్య వచనం శ్రుత్వా రాజా దశరథః సుతం |
బాహుభ్యాం సంపరిష్వజ్య మూర్ధ్ని ఉపాఘ్రాయ రాఘవం |౧-౭౭-౪|
గతో రామ ఇతి శ్రుత్వా హృష్టః ప్రముదితో నృపః |
పునర్జాతం తదా మేనే పుత్రం ఆత్మానం ఏవ చ |౧-౭౭-౫|
చోదయామాస తాం సేనాం జగామ ఆశు తతః పురీం |
పతాకా ధ్వజినీం రమ్యాం తూర్య ఉద్ ఘుష్ట నినాదితాం |౧-౭౭-౬|
సిక్త రాజ పథా రమ్యాం ప్రకీర్ణ కుసుమ ఉత్కరాం |
రాజ ప్రవేశ సుముఖైః పౌరైః మంగల పాణిభిః |౧-౭౭-౭|
సంపూర్ణాం ప్రావిశత్ రాజా జన ఓఘైః సమలంకృతాం |
పౌరైః ప్రతి ఉద్గతో దూరం ద్విజైః చ పుర వాసిభిః |౧-౭౭-౮|
పుత్రైః అనుగతః శ్రీమాన్ శ్రీమద్భిః చ మహాయశాః |
ప్రవివేశ గృహం రాజా హిమవత్ సదృశం ప్రియం |౧-౭౭-౯|
ననంద స్వజనైః రాజా గృహే కామైః సుపూజితః |
కౌసల్యా చ సుమిత్రా చ కైకేయీ చ సుమధ్యమా |౧-౭౭-౧౦|
వధూ ప్రతిగ్రహే యుక్తా యాః చ అన్యా రాజ యోషితః |
తతః సీతాం మహాభాగాం ఊర్మిలాం చ యశస్వినీం |౧-౭౭-౧౧|
కుశధ్వజ సుతే చ ఉభే జగృహుః నృప యోషితః |
మంగల ఆలాపనైః హోమైః శోభితాః క్షౌమ వాససః |౧-౭౭-౧౨|
దేవత ఆయతనాని ఆశు సర్వాః తాః ప్రత్యపూజయన్ |
అభివాద్య అభివాద్యాన్ చ సర్వా రాజ సుతాః తదా |౧-౭౭-౧౩|
రేమిరే ముదితాః సర్వా భర్తృభిః సహితా రహః |
కృత దారాః కృత అస్త్రాః చ స ధనాః స సుహృత్ జనాః |౧-౭౭-౧౪|
శుశ్రూషమాణాః పితరం వర్తయంతి నరర్షభాః |
కస్యచిత్ అథ కాలస్య రాజా దశరధః సుతం |౧-౭౭-౧౫|
భరతం కైకేయీ పుత్రం అబ్రవీత్ రఘునందన |
అయం కేకయ రాజస్య పుత్రో వసతి పుత్రక |౧-౭౭-౧౬|
త్వాం నేతుం ఆగతో వీరో యుధాజిత్ మాతులః తవ |
శ్రుత్వా దశరథస్య ఏతత్ భరతః కైకేయి సుతః |౧-౭౭-౧౭|
గమనాయ అభిచక్రామ శత్రుఘ్న సహితః తదా |
ఆపృచ్ఛ్య పితరం శూరో రామం చ అక్లిష్ట కర్మణం |౧-౭౭-౧౮|
మాతౄః చ అపి నరశ్రేష్ట శత్రుఘ్న సహితో యయౌ |
యుధాజిత్ ప్రాప్య భరతం స శత్రుఘ్నం ప్రహర్షితః |౧-౭౭-౧౯|
స్వ పురం ప్రవివేశత్ వీరః పితా తస్య తుతోష హ |
గతే చ భరతే రామో లక్ష్మణః చ మహాబలః |౧-౭౭-౨౦|
పితరం దేవ సంకాశం పూజయామాసతుః తదా |
పితుః ఆజ్ఞాం పురస్కృత్య పౌర కార్యాణి సర్వశః |౧-౭౭-౨౧|
చకార రామః సర్వాణి ప్రియాణి చ హితాని చ |
మాతృభ్యో మాతృ కార్యాణి కృత్వా పరమ యంత్రితః |౧-౭౭-౨౨|
గురూణాం గురు కార్యాణి కాలే కాలే అన్వవైక్షత |
ఏవం దశరథః ప్రీతో బ్రాహ్మణా నైగమాః తథా |౧-౭౭-౨౩|
రామస్య శీల వృత్తేన సర్వం విషయ వాసినః |
తేషాం అతి యశా లోకే రామః సత్య పరాక్రమః |౧-౭౭-౨౪|
స్వయంభూః ఇవ భూతానాం బభూవ గుణవత్తరః |
రామః చ సీతయా సార్ధం విజహార బహూన్ ఋతూన్ |౧-౭౭-౨౫|
మనస్వీ తద్ గతమానస్య తస్యా హృది సమర్పితః |
ప్రియా తు సీతా రామస్య దారాః పితృ కృతా ఇతి |౧-౭౭-౨౬|
గుణాత్ రూప గుణాత్ చ అపి ప్రీతిః భూయో అభివర్ధతే |
తస్యాః చ భర్తా ద్విగుణం హృదయే పరివర్తతే |౧-౭౭-౨౭|
అంతర్ గతం అపి వ్యక్తం ఆఖ్యాతి హృదయం హృదా |
తస్య భూయో విశేషేణ మైథిలీ జనక ఆత్మజా |
దేవతాభిః సమా రూపే సీతా శ్రీః ఇవ రూపిణీ |౧-౭౭-౨౮|
తయా స రాజ ఋషి సుతో అభికామయా
సమేయివాన్ ఉత్తమ రాజ కన్యయా |
అతీవ రామః శుశుభే ముదా అన్వితో
విభుః శ్రియా విష్ణుః ఇవ అమర ఈశ్వరః |౧-౭౭-౨౯|

ఇతి వాల్మీకి రామాయణే ఆది కావ్యే బాలకాండే సప్తసప్తతితమః సర్గః |౧-౭౭|

Om Tat Sat

(Continued ....)

(My humble salutations to the lotus feet of  Swamy jis, Philosophic Scholars and greatful to Wikisource  for the collection)