|
|
|
|
అథ ధ్యాత్వా ముహూర్తం తు భగవాన్ ఇదం అబ్రవీత్ |౪-౬౨-౧|
పక్షౌ చ తే ప్రపక్షౌ చ పునః అన్యౌ భవిష్యతః |
చక్షుషీ చైవ ప్రాణాః చ విక్రమః చ బలం చ తే |౪-౬౨-౨|
పురాణే సుమహత్ కార్యం భవిష్యం హి మయా శ్రుతం |
దృష్టం మే తపసా చైవ శ్రుత్వా చ విదితం మమ |౪-౬౨-౩|
రాజా దశరథో నామ కశ్చిత్ ఇక్ష్వాకు వర్ధనః |
తస్య పుత్రో మహాతేజా రామో నామ భవిష్యతి |౪-౬౨-౪|
అరణ్యం చ సహ భ్రాత్రా లక్ష్మణేన గమిష్యతి |
తస్మిన్ అర్థే నియుక్తః సన్ పిత్రా సత్య పరాక్రమః |౪-౬౨-౫|
నైర్ఋతో రావణో నామ తస్య భార్యాం హరిష్యతి |
రాక్షసేంద్రో జనస్థానాత్ అవధ్యః సుర దానవైః |౪-౬౨-౬|
సా చ కామైః ప్రలోభ్యంతీ భక్ష్యైః భోజ్యైః చ మైథిలీ |
న భోక్ష్యతి మహాభాగా దుఃఖ మగ్నా యశస్వినీ |౪-౬౨-౭|
పరమాన్నం చ వైదేహ్యా జ్ఞాత్వా దాస్యతి వాసవః |
యత్ అన్నం అమృత ప్రఖ్యం సురాణాం అపి దుర్లభం |౪-౬౨-౮|
తత్ అన్నం మైథిలీ ప్రాప్య విజ్ఞాయ ఇంద్రాత్ ఇదం తు ఇతి |
అగ్రం ఉద్ధృత్య రామాయ భూ తలే నిర్వపిష్యతి |౪-౬౨-౯|
యది జీవతి మే భర్తా లక్ష్మణో వా అపి దేవరః |
దేవత్వం గతయోః వా అపి తయోః అన్నం ఇదం తు ఇతి |౪-౬౨-౧౦|
ఏష్యంతి ప్రేషితాః తత్ర రామ దూతాః ప్లవంగమాః |
ఆఖ్యేయా రామ మహిషీ త్వయా తేభ్యో విహంగమ |౪-౬౨-౧౧|
సర్వథా తు న గంతవ్యం ఈదృశః క్వ గమిష్యసి |
దేశ కాలౌ ప్రతీక్షస్వ పక్షౌ త్వం ప్రతిపత్స్యసే |౪-౬౨-౧౨|
ఉత్సహేయం అహం కర్తుం అద్య ఏవ త్వాం స పక్షకం |
ఇహ స్థః త్వం తు లోకానాం హితం కార్యం కరిష్యసి |౪-౬౨-౧౩|
త్వయా అపి ఖలు తత్ కార్యం తయోః చ నృప పుత్రయోః |
బ్రాహ్మణానాం గురూణాం చ మునీనాం వాసవస్య చ |౪-౬౨-౧౪|
ఇచ్ఛామి అహం అపి ద్రష్టుం భ్రాతరౌ రామ లక్ష్మణౌ |
న ఇచ్ఛే చిరం ధారయితుం ప్రాణాన్ త్యక్ష్యే కలేవరం |
మహర్షి తు తత్ అబ్రవీత్ ఇదం దృష్ట తత్త్వ అర్థ దర్శినః |౪-౬౨-౧౫|
ఇతి వాల్మీకి రామాయణే ఆది కావ్యే కిష్కింధకాండే ద్విషష్ఠితమః సర్గః |౪-౬౨|
|
|
|
|
మాం ప్రశస్య అభ్యనుజ్ఞాప్య ప్రవిష్టః స స్వం ఆలయం |౪-౬౩-౧|
కందరాత్ తు విసర్పిత్వా పర్వతస్య శనైః శనైః |
అహం వింధ్యం సమారుహ్య భవతః ప్రతిపాలయే |౪-౬౩-౨|
అద్య తు ఏతస్య కాలస్య సాగ్రం వర్ష శతం గతం |
దేశ కాల ప్రతీక్షో అస్మి హృది కృత్వా మునేః వచః |౪-౬౩-౩|
మహాప్రస్థానం ఆసాద్య స్వర్ గతే తు నిశాకరే |
మాం నిర్దహతి సంతాపో వితర్కైః బహుభిః వృతం |౪-౬౩-౪|
ఉదితాం మరణే బుద్ధిం ముని వాక్యైః నివర్తయే |
బుద్ధిః యా తేన మే దత్తా ప్రాణానాం రక్షణే మమ |౪-౬౩-౫|
సా మే అపనయతే దుఃఖం దీప్తా ఇవ అగ్ని శిఖా తమః |
బుధ్యతా చ మయా వీర్యం రావణస్య దురాత్మనః |౪-౬౩-౬|
పుత్రః సంతర్జితో వాగ్భిః న త్రాతా మైథిలీ కథం |
తస్యా విలపితం శ్రుత్వా తౌ చ సీతా వియోజితౌ |౪-౬౩-౭|
న మే దశరథ స్నేహాత్ పుత్రేణ ఉత్పాదితం ప్రియం |
తస్య తు ఏవం బ్రువాణస్య సంహతైః వానరైః సహ |౪-౬౩-౮|
ఉత్పేతతుః తదా పక్షౌ సమక్షం వన చారిణాం |
స దృష్ట్వా స్వాం తనుం పక్షైః ఉద్గతైః అరుణ చ్ఛదైః |౪-౬౩-౯|
ప్రహర్షం అతులం లేభే వానరాన్ చ ఇదం అబ్రవీత్ |
నిశాకరస్య రాజర్షేః ప్రభావాత్ అమిత ఓజసః |౪-౬౩-౧౦|
ఆదిత్య రశ్మి నిర్దగ్ధౌ పక్షౌ పునః ఉపస్థితౌ |
యౌవనే వర్తమానస్య మమ ఆసీత్ యః పరాక్రమః |౪-౬౩-౧౧|
తం ఏవ అద్య అవగచ్ఛామి బలం పౌరుషం ఏవ చ |
సర్వథా క్రియతాం యత్నః సీతాం అధిగమిష్యథ |౪-౬౩-౧౨|
పక్ష లాభో మమ అయం వః సిద్ధి ప్రత్యయ కారకః |
ఇతి ఉక్త్వా తాన్ హరీన్ సర్వాన్ సంపాతిః పతగోత్తమ |౪-౬౩-౧౩|
ఉత్పపాత గిరేః శృంగాత్ జిజ్ఞాసుః ఖ గమో గతిం |
తస్య తత్ వచనం శ్రుత్వా ప్రతిసంహృష్ట మానసాః |
బభూవుః హరి శార్దూలా విక్రమ అభ్యుదయ ఉన్ముఖాః |౪-౬౩-౧౪|
అథ పవన సమాన విక్రమాః
ప్లవగ వరాః ప్రతిలబ్ధ పౌరుషాః |
అభిజిత్ అభిముఖాం దిశం యయుః
జనక సుతా పరిమార్గణ ఉన్ముఖాః |౪-౬౩-౧౫|
ఇతి వాల్మీకి రామాయణే ఆది కావ్యే కిష్కింధకాండే త్రిషష్ఠితమః సర్గః |౪-౬౩|
|
|
|
|
సంగతాః ప్రీతి సంయుక్తా వినేదుః సింహ విక్రమాః |౪-౬౪-౧|
సంపాతేః వచనం శ్రుత్వా హరయో రావణ క్షయం |
హృష్టాః సాగరం ఆజగ్ముః సీతా దర్శన కాంక్షిణః |౪-౬౪-౨|
అభిక్రమ్య తు తం దేశం దదృశుర్ భీమ విక్రమాః |
కృత్స్నం లోకస్య మహతః ప్రతిబింబం ఇవ స్థితం |౪-౬౪-౩|
దక్షిణస్య సముద్రస్య సమాసాద్య ఉత్తరాం దిశం |
సంనివేశం తతః చక్రుః సహితా వానర ఉత్తమాః |౪-౬౪-౪|
ప్రసుప్తం ఇవ చ అన్యత్ర క్రీడంతం ఇవ చ అన్యతః |
క్వచిత్ పర్వత మాత్రైః చ జల రాశిభిః ఆవృతం |౪-౬౪-౫|
సంకులం దానవ ఇంద్రైః చ పాతాల తల వాసిభిః |
రోమ హర్ష కరం దృష్ట్వా విషేదుః కపికుంజరాః |౪-౬౪-౬|
ఆకాశం ఇవ దుష్పారం సాగరం ప్రేక్ష్య వానరాః |
విషేదుః సహితా సర్వే కథం కార్యం ఇతి బ్రువన్ |౪-౬౪-౭|
విషణ్ణాం వాహినీం దృష్ట్వా సాగరస్య నిరీక్షణాత్ |
ఆశ్వాసయామాస హరీన్ భయ ఆర్తాన్ హరి సత్తమః |౪-౬౪-౮|
న విషాదే మనః కార్యం విషాదో దోషవత్తరః |
విషాదో హంతి పురుషం బాలం క్రుద్ధ ఇవ ఉరగః |౪-౬౪-౯|
యో విషాదో ప్రసహతే విక్రమే సముపస్థితే |
తేజసా తస్య హీనస్య పురుష అర్థో న సిద్ధ్యతి |౪-౬౪-౧౦|
తస్యాం రాత్ర్యాం వ్యతీతాయాం అంగదో వానరైః సహ |
హరి వృద్ధైః సమాగమ్య పునర్ మంత్రం అమంత్రయత్ |౪-౬౪-౧౧|
సా వానరాణాం ధ్వజినీ పరివార్య అంగదం బభౌ |
వాసవం పరివార్య ఇవ మరుతాం వాహినీ స్థితా |౪-౬౪-౧౨|
కో అన్యః తాం వానరీం సేనాం శక్తః స్తంభయితుం భవేత్ |
అన్యత్ర వాలి తనయాత్ అన్యత్ర చ హనూమతః |౪-౬౪-౧౩|
తతః తాన్ హరి వృద్ధాన్ చ తత్ చ సైన్యం అరిందమః |
అనుమాన్య అంగదః శ్రీమాన్ వాక్యం అర్థవత్ అబ్రవీత్ |౪-౬౪-౧౪|
క ఇదానీం మహాతేజా లంఘయిష్యతి సాగరం |
కః కరిష్యతి సుగ్రీవం సత్య సంధం అరిందమం |౪-౬౪-౧౫|
కో వీరో యోజన శతం లంఘయేత ప్లవంగమాః |
ఇమాన్ చ యూథపాన్ సర్వాన్ మోచయేత్ కో మహాభయాత్ |౪-౬౪-౧౬|
కస్య ప్రసాదాత్ దారాన్ చ పుత్రాన్ చైవ గృహాణి చ |
ఇతో నివృత్తాః పశ్యేమ సిద్ధ అర్థాః సుఖినో వయం |౪-౬౪-౧౭|
కస్య ప్రసాదాత్ రామం చ లక్ష్మణం చ మహాబలం |
అభిగచ్ఛేమ సంహృష్టాః సుగ్రీవం చ మహాబలం |౪-౬౪-౧౮|
యది కశ్చిత్ సమర్థో వః సాగర ప్లవనే హరిః |
స దదాతు ఇహ నః శీఘ్రం పుణ్యాం అభయ దక్షిణాం |౪-౬౪-౧౯|
అంగదస్య వచః శ్రుత్వా న కశ్చిత్ కించిత్ అబ్రవీత్ |
స్తిమితా ఇవ అభవత్ సర్వా సా తత్ర హరి వాహినీ |౪-౬౪-౨౦|
పునర్ ఏవ అంగదః ప్రాహ తాన్ హరీన్ హరి సత్తమః |
సర్వే బలవతాం శ్రేష్ఠా భవంతో దృఢ విక్రమాః |
వ్యపదేశ్య కులే జాతాః పూజితాః చ అపి అభీక్ష్ణశః |౪-౬౪-౨౧|
న హి వో గమనే సంగః కదాచిత్ అపి కస్యచిత్ భవేత్ |
బ్రువధ్వం యస్య యా శక్తిః ప్లవనే ప్లవగర్షభాః |౪-౬౪-౨౨|
ఇతి వాల్మీకి రామాయణే ఆది కావ్యే కిష్కింధకాండే చతుఃషష్ఠితమః సర్గః |౪-౬౪|
|
|
|
|
స్వం స్వం గతౌ సముత్సాహం ఊచుః తత్ర యథా క్రమం |౪-౬౫-౧|
గజో గవాక్షో గవయః శరభో గంధమాదనః |
మైందః చ ద్వివిదః చైవ సుషేణో జాంబవాన్ తథా |౪-౬౫-౨|
ఆబభాషే గజః తత్ర ప్లవేయం దశ యోజనం |
గవాక్షో యోజనాని ఆహ గమిష్యామి ఇతి వింశతిం |౪-౬౫-౩|
శరభో వానరః తత్ర వానరాన్ తాన్ ఉవాచ హ |
త్రింశత్ గమిష్యామి యోజనానాం ప్లవంగమాః |౪-౬౫-౪|
ఋషరభో వానరః తత్ర వానరాన్ తాన్ ఉవాచ హ |
చత్వారింశత్ గమిష్యామి యోజనానాం న సంశయః |౪-౬౫-౫|
వానరాన్ తు మహాతేజా అబ్రవీత్ గంధమాదనః |
యోజనానాం గమిష్యామి పంచాశత్ తు న సంశయః |౪-౬౫-౬|
మైందః తు వానరః తత్ర వానరాన్ తాన్ ఉవాచ హ |
యోజనానాం పరం షష్టిం అహం ప్లవితుం ఉత్సహే |౪-౬౫-౭|
తతః తత్ర మహాతేజా ద్వివిదః ప్రత్యభాషత |
గమిష్యామి న సందేహః సప్తతిం యోజనాని అహం |౪-౬౫-౮|
సుషేణః తు మహాతేజాః సత్త్వవాన్ కపి సత్తమః |
అశీతిం ప్రతిజానే అహం యోజనానాం పరాక్రమే |౪-౬౫-౯|
తేషాం కథయతాం తత్ర సర్వాన్ తాన్ అనుమాన్య చ |
తతో వృద్ధతమః తేషాం జాంబవాన్ ప్రత్యభాషత |౪-౬౫-౧౦|
పూర్వం అస్మాకం అపి ఆసీత్ కశ్చిత్ గతి పరాక్రమః |
తే వయం వయసః పారం అనుప్రాప్తాః స్మ సాంప్రతం |౪-౬౫-౧౧|
కిం తు న ఏవం గతే శక్యం ఇదం కార్యం ఉపేక్షితుం |
యద్ అర్థం కపి రాజః చ రామః చ కృత నిశ్చయౌ |౪-౬౫-౧౨|
సాంప్రతం కాలం అస్మాకం యా గతిః తాం నిబోధత |
నవతిం యోజనానాం తు గమిష్యామి న సంశయః |౪-౬౫-౧౩|
తాన్ చ సర్వాన్ హరి శ్రేష్ఠాన్ జాంబవాన్ ఇదం అబ్రవీత్ |
న ఖలు ఏతావత్ ఏవ ఆసీత్ గమనే మే పరాక్రమః |౪-౬౫-౧౪|
మయా వైరోచనే యజ్ఞే ప్రభవిష్ణుః సనాతనః |
ప్రదక్షిణీ కృతః పూర్వం క్రమమాణః త్రివిక్రమః |౪-౬౫-౧౫|
స ఇదానీం అహం వృద్ధః ప్లవనే మందవిక్రమః |
యౌవనే చ తదా ఆసీత్ మే బలం అప్రతిమం పరం |౪-౬౫-౧౬|
సంప్రతి ఏతావత్ ఏవ అద్య శక్యం మే గమనే స్వతః |
న ఏతావతా చ సంసిద్ధిః కార్యస్య అస్య భవిష్యతి |౪-౬౫-౧౭|
అథ ఉత్తరం ఉదార అర్థం అబ్రవీత్ అంగదః తదా |
అనుమాన్య మహాప్రాజ్ఞో జాంబవంతం మహాకపిం |౪-౬౫-౧౮|
అహం ఏతత్ గమిష్యామి యోజనానాం శతం మహత్ |
నివర్తనే తు మే శక్తిః స్యాత్ న వా ఇతి న నిశ్చితం |౪-౬౫-౧౯|
తం ఉవాచ హరి శ్రేష్ఠో జాంబవాన్ వాక్య కోవిదః |
జ్ఞాయతే గమనే శక్తిః తవ హరి ఋక్ష సత్తమ |౪-౬౫-౨౦|
కామం శత సహస్రం వా న హి ఏష విధిః ఉచ్యతే |
యోజనానాం భవాన్ శక్తో గంతుం ప్రతినివర్తితుం |౪-౬౫-౨౧|
న హి ప్రేషయితా తాత స్వామీ ప్రేష్యః కథంచన |
భవతా అయం జనః సర్వః ప్రేష్యః ప్లవగ సత్తమ |౪-౬౫-౨౨|
భవాన్ కలత్రం అస్మాకం స్వామి భావే వ్యవస్థితః |
స్వామీ కలత్రం సైన్యస్య గతిః ఏషా పరంతప |౪-౬౫-౨౩|
అపి వై ఏతస్య కార్యస్య భవాన్ మూలం అరిం దమ |
తస్మాత్ కలత్రవత్ తాత ప్రతిపాల్యః సదా భవాన్ |౪-౬౫-౨౪|
మూలం అర్థస్య సంరక్ష్యం ఏష కార్యవిదాం నయః |
మూలే హి సతి సిధ్యంతి గుణాః పుష్ప ఫల ఉదయః |౪-౬౫-౨౫|
తద్ భవాన్ అస్య కార్యస్య సాధనం సత్య విక్రమః |
బుద్ధి విక్రమ సంపన్నో హేతుః అత్ర పరంతపః |౪-౬౫-౨౬|
గురుః చ గురు పుత్రః చ త్వం హి నః కపి సత్తమ |
భవంతం ఆశ్రిత్య వయం సమర్థా హి అర్థ సాధనే |౪-౬౫-౨౭|
ఉక్త వాక్యం మహాప్రాజ్ఞం జాంబవంతం మహాకపిః |
ప్రత్యువాచ ఉత్తరం వాక్యం వాలి సూనుః అథ అంగదః |౪-౬౫-౨౮|
యది న అహం గమిష్యామి న అన్యో వానర పుంగవః |
పునః ఖలు ఇదం అస్మాభిః కార్యం ప్రాయోపవేశనం |౪-౬౫-౨౯|
న హి అకృత్వా హరి పతేః సందేశం తస్య ధీమతః |
తత్ర అపి గత్వా ప్రాణానాం న పశ్యామి పరిరక్షణం |౪-౬౫-౩౦|
స హి ప్రసాదే చ అత్యర్థం కోపే చ హరిః ఈశ్వరః |
అతీత్య తస్య సందేశం వినాశో గమనే భవేత్ |౪-౬౫-౩౧|
తత్ తథా హి అస్య కార్యస్య న భవతి అన్యథా గతిః |
తత్ భవాన్ ఏవ దృష్ట అర్థః సంచింతయితుం అర్హతి |౪-౬౫-౩౨|
సః అంగదేన తదా వీరః ప్రత్యుక్తః ప్లవగర్షభః |
జాంబవాన్ ఉత్తమం వాక్యం ప్రోవాచ ఇదం తతో అంగదం |౪-౬౫-౩౩|
తస్య తే వీర కార్యస్య న కించిత్ పరిహాస్యతే |
ఏష సంచోదయామి ఏనం యః కార్యం సాధయిష్యతి |౪-౬౫-౩౪|
తతః ప్రతీతం ప్లవతాం వరిష్ఠం
ఏకాంతం ఆశ్రిత్య సుఖోపవిష్టం |
సంచోదయామాస హరి ప్రవీరో
హరిప్రవీరం హనుమంతం ఏవ |౪-౬౫-౩౫|
ఇతి వాల్మీకి రామాయణే ఆది కావ్యే కిష్కింధకాండే పఞ్చషష్ఠితమః సర్గః |౪-౬౫|
|
|
|
|
జాంబవాన్ సముదీక్ష్య ఏవం హనుమంతం అథ అబ్రవీత్ |౪-౬౬-౧|
వీర వానర లోకస్య సర్వ శాస్త్ర విదాం వర |
తూష్ణీం ఏకాంతం ఆశ్రిత్య హనుమన్ కిం న జల్పసి |౪-౬౬-౨|
హనుమన్ హరి రాజస్య సుగ్రీవస్య సమో హి అసి |
రామ లక్ష్మణయోః చ అపి తేజసా చ బలేన చ |౪-౬౬-౩|
అరిష్టనేమినః పుత్రో వైనతేయో మహాబలః |
గరుత్మాన్ ఇవ విఖ్యాత ఉత్తమః సర్వ పక్షిణాం |౪-౬౬-౪|
బహుశో హి మయా దృష్టః సాగరే స మహాబలః |
భుజగాన్ ఉద్ధరన్ పక్షీ మహావేగో మహాయశాః |౪-౬౬-౫|
పక్షయోః యత్ బలం తస్య తావత్ భుజ బలం తవ |
విక్రమః చ అపి వేగః చ న తే తేన అపహీయతే |౪-౬౬-౬|
బలం బుద్ధిః చ తేజః చ సత్త్వం చ హరి సత్తమ |
విశిష్టం సర్వ భూతేషు కిం ఆత్మానం న సజ్జసే |౪-౬౬-౭|
అప్సర అప్సరసాం శ్రేష్ఠా విఖ్యాతా పుంజికస్థలా |
అంజనా ఇతి పరిఖ్యాతా పత్నీ కేసరిణో హరేః |౪-౬౬-౮|
విఖ్యాతా త్రిషు లోకేషు రూపేణా అప్రతిమా భువి |
అభిశాపాత్ అభూత్ తాత కపిత్వే కామ రూపిణీ |౪-౬౬-౯|
దుహితా వానర ఇంద్రస్య కుంజరస్య మహాత్మనః |
మానుషం విగ్రహం కృత్వా రూప యౌవన శాలినీ |౪-౬౬-౧౦|
విచిత్ర మాల్య ఆభరణా కదాచిత్ క్షౌమ ధారిణీ |
అచరత్ పర్వతస్య అగ్రే ప్రావృడ్ అంబుద సన్నిభే |౪-౬౬-౧౧|
తస్యా వస్త్రం విశాలాక్ష్యాః పీతం రక్త దశం శుభం |
స్థితాయాః పర్వతస్య అగ్రే మారుతో అపహరత్ శనైః |౪-౬౬-౧౨|
స దదర్శ తతః తస్యా వృత్తౌ ఊరూ సుసంహతౌ |
స్తనౌ చ పీనౌ సహితౌ సుజాతం చారు చ ఆననం |౪-౬౬-౧౩|
తాం బలాత్ ఆయత శ్రోణీం తను మధ్యాం యశస్వినీం |
దృష్ట్వా ఏవ శుభ సర్వాంగీం పవనః కామ మోహితః |౪-౬౬-౧౪|
స తాం భుజాభ్యాం దీర్ఘాభ్యాం పర్యష్వజత మారుతః |
మన్మథ ఆవిష్ట సర్వాంగో గత ఆత్మా తాం అనిందితాం |౪-౬౬-౧౫|
సా తు తత్ర ఏవ సంభ్రాంతా సువృత్తా వాక్యం అబ్రవీత్ |
ఏక పత్నీ వ్రతం ఇదం కో నాశయితుం ఇచ్ఛతి |౪-౬౬-౧౬|
అంజనాయా వచః శ్రుత్వా మారుతః ప్రత్యభాషత |
న త్వాం హింసామి సుశ్రోణి మా భూత్ తే మనసోఇ భయం |౪-౬౬-౧౭|
మనసా అస్మి గతో యత్ త్వాం పరిష్వజ్య యశస్విని |
వీర్యవాన్ బుద్ధి సంపన్నః పుత్రః తవ భవిష్యతి |౪-౬౬-౧౮|
మహాసాత్త్వో మహాతేజ మహాబల పరాక్రమః |
లంఘనే ప్లవనే చైవ భవిష్యతి మయా సమః |౪-౬౬-౧౯|
ఏవం ఉక్తా తతః తుష్టా జననీ తే మహాకపేః |
గుహాయాం త్వాం మహాబాహో ప్రజజ్ఞే ప్లవగర్షభ |౪-౬౬-౨౦|
అభ్యుత్థితం తతః సూర్యం బాలో దృష్ట్వా మహా వనే |
ఫలంచేతిజిఘృక్షుస్త్వముత్ప్లుత్యాభ్యుత్పతోదివం - యద్వా -
ఫలం చ ఇతి జిఘృక్షుః త్వం ఉత్ప్లుత్య అభిఉత్పతో దివం |౪-౬౬-౨౧|
శతాని త్రీణి గత్వా అథ యోజనానాం మహాకపే |
తేజసా తస్య నిర్ధూతో న విషాదం తతో గతః |౪-౬౬-౨౨|
త్వాం అపి ఉపగతం తూర్ణం అంతరీక్షం మహాకపే |
క్షిప్తం ఇంద్రేణ తే వజ్రం కోప ఆవిష్టేన తేజసా |౪-౬౬-౨౩|
తదా శైలాగ్ర శిఖరే వామో హనుర్ అభజ్యత |
తతో హి నామ ధేయం తే హనుమాన్ ఇతి కీర్తితం |౪-౬౬-౨౪|
తతః త్వాం నిహతం దృష్ట్వా వాయుః గంధ వహః స్వయం |
త్రైలోక్యం భృశ సంక్రుద్ధో న వవౌ వై ప్రభంజనః |౪-౬౬-౨౫|
సంభ్రాంతాః చ సురాః సర్వే త్రైలోక్యే క్షుభితే సతి |
ప్రసాదయంతి సంక్రుద్ధం మారుతం భువనేశ్వరాః |౪-౬౬-౨౬|
ప్రసాదితే చ పవనే బ్రహ్మా తుభ్యం వరం దదౌ |
అశస్త్ర వధ్యతాం తాత సమరే సత్య విక్రమ |౪-౬౬-౨౭|
వజ్రస్య చ నిపాతేన విరుజం త్వాం సమీక్ష్య చ |
సహస్ర నేత్రః ప్రీత ఆత్మా దదౌ తే వరం ఉత్తమం |౪-౬౬-౨౮|
స్వచ్ఛందతః చ మరణం తవ స్యాత్ ఇతి వై ప్రభో |
స త్వం కేసరిణః పుత్రః క్షేత్రజో భీమ విక్రమః |౪-౬౬-౨౯|
మారుతస్య ఔరసః పుత్రః తేజసా చ అపి తత్ సమః |
త్వం హి వాయు సుతో వత్స ప్లవనే చ అపి తత్ సమః |౪-౬౬-౩౦|
వయం అద్య గత ప్రాణా భవాన్ అస్మాసు సాంప్రతం |
దాక్ష్య విక్రమ సంపన్నః కపి రాజ ఇవ అపరః |౪-౬౬-౩౧|
త్రివిక్రమే మయా తాత స శైల వన కాననా |
త్రిః సప్త కృత్వః పృథివీ పరిక్రాంతా ప్రదక్షిణం |౪-౬౬-౩౨|
తథా చ ఓషధయో అస్మాభిః సంచితా దేవ శాసనాత్ |
నిర్మథ్యం అమృతం యాభిః తదా తదానీం నో మహత్ బలం |౪-౬౬-౩౩|
స ఇదానీం అహం వృద్ధః పరిహీన పరాక్రమః |
సాంప్రతం కాలం అస్మాకం భవాన్ సర్వ గుణ అన్వితః |౪-౬౬-౩౪|
తత్ విజృంభస్వ విక్రాంతః ప్లవతాం ఉత్తమో హి అసి |
త్వత్ వీర్యం ద్రష్టు కామా ఇయం సర్వా వానర వాహినీ |౪-౬౬-౩౫|
ఉత్తిష్ఠ హరి శార్దూల లంఘయస్వ మహా అర్ణవం |
పరా హి సర్వ భూతానాం హనుమన్ యా గతిః తవ |౪-౬౬-౩౬|
విషాణ్ణా హరయః సర్వే హనుమన్ కిం ఉపేక్షసే |
విక్రమస్వ మహావేగ విష్ణుః త్రీన్ విక్రమాన్ ఇవ |౪-౬౬-౩౭|
తతః కపీనాం ఋషభేణ చోదితః
ప్రతీత వేగః పవన ఆత్మజః కపిః |
ప్రహర్షయన్ తాం హరి వీర వాహినీం
చకార రూపం మహత్ ఆత్మనః తదా |౪-౬౬-౩౮|
ఇతి వాల్మీకి రామాయణే ఆది కావ్యే కిష్కింధకాండే షట్షష్ఠితమః సర్గః |౪-౬౬|
(Continued ....)
0 comments:
Post a Comment