|
|
|
|
శ్రద్దధుః న ఏవ తత్ వాక్యం కర్మణా తస్య శంకితాః |౪-౫౭-౧|
తే ప్రాయం ఉపవిష్టాః తు దృష్ట్వా గృధ్రం ప్లవంగమాః |
చక్రుః బుద్ధిం తదా రౌద్రాం సర్వాన్ నః భక్షయిష్యతి |౪-౫౭-౨|
సర్వథా ప్రాయం ఆసీనాన్ యది నః భక్షయిష్యతి |
కృత కృత్యా భవిష్యామః క్షిప్రం సిద్ధిం ఇతో గతాః |౪-౫౭-౩|
ఏతాం బుద్ధిం తతః చక్రుః సర్వే తే హరి యూథపాః |
అవతార్య గిరేః శృంగాత్ గృధ్రం ఆహ అంగదః తదా |౪-౫౭-౪|
బభూవుః ఋక్షరజో నామ వానరేంద్రః ప్రతాపవాన్ |
మమ ఆర్యః పార్థివః పక్షిన్ ధార్మికౌ తస్య చ ఆత్మజౌ |౪-౫౭-౫|
సుగ్రీవః చైవ వలీ చ పుత్రౌ ఘన బలౌ ఉభౌ |
లోకే విశ్రుత కర్మా అభూత్ రాజా వాలీ పితా మమ |౪-౫౭-౬|
రాజా కృత్స్నస్య జగతః ఇక్ష్వాకూణాం మహారథః |
రామో దాశరథిః శ్రీమాన్ ప్రవిష్టో దణ్డకా వనం |౪-౫౭-౭|
లక్ష్మణేన సహ భ్రాత్రా వైదేహ్యా చ అపి భార్యయా |
పితుః నిదేశ నిరతో ధర్మం పంథానం ఆశ్రితః |౪-౫౭-౮|
తస్య భార్యా జనస్థానాత్ రావణేన హృతా బలాత్ |
రామస్య చ పితుః మిత్రం జటాయుః నామ గృధ్ర రాట్ |౪-౫౭-౯|
దదర్శ సీతాం వైదేహీం హ్రియమాణాం విహాయసా |
రావణం విరథం కృత్వా స్థాపయిత్వా చ మైథిలీం |
పరిశ్రాంతః చ వృద్ధః చ రావణేన హతో రణే |౪-౫౭-౧౦|
ఏవం గృధ్రో హతః తేన రావణేన బలీయసా |
సంస్కృతః చ అపి రామేణ గతః చ గతిం ఉత్తమాం |౪-౫౭-౧౧|
తతో మమ పితృవ్యేణ సుగ్రీవేణ మహాత్మనా |
చకార రాఘవః సఖ్యం సః అవధీత్ పితరం మమ |౪-౫౭-౧౨|
మమ పిత్రా విరుద్ధో హి సుగ్రీవః సచివైః సహ |
నిహత్య వాలినం రామః తతః తం అభిషేచయత్ |౪-౫౭-౧౩|
స రాజ్యే స్థాపితః తేన సుగ్రీవో వానరేశ్వరః |
రాజా వానర ముఖ్యానాం తేన ప్రస్థాపితా వయం |౪-౫౭-౧౪|
ఏవం రామ ప్రయుక్తాః తు మార్గమాణాః తతః తతః |
వైదేహీం న అధిగచ్ఛామో రాత్రౌ సూర్య ప్రభాం ఇవ |౪-౫౭-౧౫|
తే వయం దణ్దకారణ్యం విచిత్య సుసమాహితాః |
అజ్ఞానాత్ తు ప్రవిష్టాః స్మ ధరణ్యా వివృతం బిలం |౪-౫౭-౧౬|
మయస్య మాయా విహితం తత్ బిలం చ విచిన్వతాం |
వ్యతీతః తత్ర నః మాసః యః రాజ్ఞా సమయః కృతః |౪-౫౭-౧౭|
తే వయం కపి రాజస్య సర్వే వచన కారిణః |
కృతాం సంస్థాం అతిక్రాంతా భయాత్ ప్రాయం ఉపాసితాః |౪-౫౭-౧౮|
క్రుద్ధే తస్మిన్ తు కాకుత్స్థే సుగ్రీవే చ స లక్ష్మణే |
గతానాం అపి సర్వేషాం తత్ర నః న అస్తి జీవితం |౪-౫౭-౧౯|
ఇతి వాల్మీకి రామాయణే ఆది కావ్యే కిష్కింధకాండే సప్తపఞ్చాశః సర్గః |౪-౫౭|
|
|
|
|
స బాష్పో వానరాన్ గృధ్రః ప్రత్యువాచ మహాస్వనః |౪-౫౮-౧|
యవీయాన్ మమ స భ్రాతా జటాయుః నామ వానరాః |
యం ఆఖ్యాత హతం యుద్ధే రావణేన బలీయసా |౪-౫౮-౨|
వృద్ధ భావాత్ అపక్షత్వాత్ శృణ్వన్ తత్ అపి మర్షయే |
న హి మే శక్తిః అద్య అస్తి భ్రాతుః వైర విమోక్షణే |౪-౫౮-౩|
పురా వృత్ర వధే వృత్తే స చ అహం చ జయ ఏషిణౌ |
ఆదిత్యం ఉపయాతౌ స్వో జ్వలంతం రశ్మి మాలినం |౪-౫౮-౪|
ఆవృత్య ఆకాశ మార్గేణ జవేన స్వర్ గతౌ భృశం |
మధ్యం ప్రాప్తే చ సూర్యే చ జటాయుః అవసీదతి |౪-౫౮-౫|
తం అహం భ్రాతరం దృష్ట్వా సూర్య రశ్మిభిః అర్దితం |
పక్షాభ్యం ఛాదయామాస స్నేహాత్ పరమ విహ్వలం |౪-౫౮-౬|
నిర్దగ్ధ పత్రః పతితో వింధ్యే అహం వానరర్షభాః |
అహం అస్మిన్ వసన్ భ్రాతుః ప్రవృత్తిం న ఉపలక్షయే |౪-౫౮-౭|
జటాయుషః తు ఏవం ఉక్తో భ్రాత్రా సంపాతినా తదా |
యువ రాజో మహాప్రాజ్ఞః ప్రత్యువాచ అంగదః తదా |౪-౫౮-౮|
జటాయుషో యది భ్రాతా శ్రుతం తే గదితం మయా |
ఆఖ్యాహి యది జానాసి నిలయం తస్య రక్షసః |౪-౫౮-౯|
అదీర్ఘ దర్శినం తం వా రావణం రాక్షసాధిపం |
అంతికే యది వా దూరే యది జానాసి శంస నః |౪-౫౮-౧౦|
తతో అబ్రవీత్ మహాతేజా భ్రాతా జ్యేష్ఠో జటాయుషః |
ఆత్మ అనురూపం వచనం వానరాన్ సంప్రహర్షయన్ |౪-౫౮-౧౧|
నిర్దగ్ధ పక్షో గృధ్రో అహం గత వీర్యః ప్లవం గమాః |
వాఙ్ మాత్రేణ తు రామస్య కరిష్యే సాహ్యం ఉత్తమం |౪-౫౮-౧౨|
జానామి వారుణాన్ లోకాన్ విష్ణోః త్రైవిక్రమాన్ అపి |
దేవ అసుర విమర్దాం చ హి అమృతస్య చ మంథనం |౪-౫౮-౧౩|
రామస్య యత్ ఇదం కార్యం కర్తవ్యం ప్రథమం మయా |
జరయా చ హతం తేజః ప్రాణాః చ శిథిలా మమ |౪-౫౮-౧౪|
తరుణీ రూప సంపన్నా సర్వ ఆభరణ భూషితా |
హ్రియమాణా మయా దృష్టా రావణేన దురాత్మనా |౪-౫౮-౧౫|
క్రోశంతీ రామ రామ ఇతి లక్ష్మణ ఇతి చ భామినీ |
భూషణాని అపవిధ్యంతీ గాత్రాణి చ విధున్వతీ |౪-౫౮-౧౬|
సూర్య ప్రభా ఇవ శైల అగ్రే తస్యాః కౌశేయం ఉత్తమం |
అసితే రాక్షసే భాతి యథా వా తడిత్ అంబుదే |౪-౫౮-౧౭|
తాం తు సీతాం అహం మన్యే రామస్య పరికీర్తనాత్ |
శ్రూయతాం మే కథయతో నిలయం తస్య రక్షసః |౪-౫౮-౧౮|
పుత్రో విశ్రవసః సాక్షాత్ భ్రాతా వైశ్రవణస్య చ |
అధ్యాస్తే నగరీం లంకాం రావణో నామ రాక్షసః |౪-౫౮-౧౯|
ఇతో ద్వీపే సముద్రస్య సంపూర్ణే శత యోజనే |
తస్మిన్ లంకా పురీ రమ్యా నిర్మితా విశ్వకర్మణా |౪-౫౮-౨౦|
జాంబూనదమయైః ద్వారైః చిత్రైః కాంచన వేదికైః |
ప్రాసాదైః హేమ వర్ణైః చ మహద్భిః సుసమాకృతా |౪-౫౮-౨౧|
ప్రాకారేణ అర్క వర్ణేన మహతా చ సమన్వితా |
తస్యాం వసతి వైదేహీ దీనా కౌశేయ వాసినీ |౪-౫౮-౨౨|
రావణ అంతఃపురే రుద్ధా రాక్షసీభిః సురక్షితా |
జనకస్య ఆత్మజాం రాజ్ఞః తస్యాం ద్రక్ష్యథ మైథిలీం |౪-౫౮-౨౩|
లంకాయాం అథ గుప్తాయాం సాగరేణ సమంతతః |
సంప్రాప్య సాగరస్య అంతం సంపూర్ణం శత యోజనం |౪-౫౮-౨౪|
ఆసాద్య దక్షిణం తీరం తతో ద్రక్ష్యథ రావణం |
తత్ర ఏవ త్వరితాః క్షిప్రం విక్రమధ్వం ప్లవంగమాః |౪-౫౮-౨౫|
జ్ఞానేన ఖలు పశ్యామి దృష్ట్వా ప్రత్యాగమిష్యథ |
ఆద్యః పంథాః కులింగానాం యే చ అన్యే ధాన్య జీవినః |౪-౫౮-౨౬|
ద్వితీయో బలి భోజానాం యే చ వృక్ష ఫల అశినః |
భాసాః తృతీయం గచ్ఛంతి క్రౌంచాః చ కురరైః సహ |౪-౫౮-౨౭|
శ్యేనాః చతుర్థం గచ్ఛంతి గృధ్రా గచ్ఛంతి పంచమం |
బల వీర్య ఉపపన్నానాం రూప యౌవన శాలినాం |౪-౫౮-౨౮|
షష్ఠః తు పంథా హంసానాం వైనతేయ గతిః పరా |
వైనతేయాత్ చ నః జన్మ సర్వేషాం వానరర్షభాః |౪-౫౮-౨౯|
గర్హితం తు కృతం కర్మ యేన స్మ పిశిత అశనాః |
ప్రతికార్యం చ మే తస్య వైరం భ్రాతృ కృతం భవేత్ |౪-౫౮-౩౦|
ఇహ స్థః అహం ప్రపశ్యామి రావణం జానకీం తథా |
అస్మాకం అపి సౌపర్ణం దివ్యం చక్షుర్ బలం తథా |౪-౫౮-౩౧|
తస్మాత్ ఆహార వీర్యేణ నిసర్గేణ చ వానరాః |
ఆయోజన శతాత్ సాగ్రాత్ వయం పశ్యామ నిత్యశః |౪-౫౮-౩౨|
అస్మాకం విహితా వృత్తిః నిసార్గేణ చ దూరతః |
విహితా పాద మూలే తు వృత్తిః చరణ యోధినాం |౪-౫౮-౩౩|
ఉపాయో దృశ్యతాం కశ్చిత్ లంఘనే లవణ అంభసః |
అభిగమ్య తు వైదేహీం సమృద్ధ అర్థా గమిష్యథ |౪-౫౮-౩౪|
సముద్రం నేతుం ఇచ్ఛామి భవద్భిః వరుణ ఆలయం |
ప్రదాస్యామి ఉదకం భ్రాతుః స్వర్ గతస్య మహాత్మనః |౪-౫౮-౩౫|
తతో నీత్వా తు తం దేశం తీరే నద నదీ పతేః |
నిర్దగ్ధ పక్షం సంపాతిం వానరాః సుమహౌఓజసః |౪-౫౮-౩౬|
తం పునః ప్రత్యానయిత్వా వై తం దేశం పతగ ఈశ్వరం |
బభూవుః వానరా హృష్టాః ప్రవృత్తిం ఉపలభ్య తే |౪-౫౮-౩౭|
ఇతి వాల్మీకి రామాయణే ఆది కావ్యే కిష్కింధకాండే అష్టపఞ్చాశః సర్గః |౪-౫౮|
|
|
|
|
నిశమ్య ముదితో హృష్టాః తే వచః ప్లవగర్షభాః |౪-౫౯-౧|
జాంబవాన్ వానర శ్రేష్ఠః సహ సర్వైః ప్లవంగమైః |
భూ తలాత్ సహసా ఉత్థాయ గృధ్ర రాజానం అబ్రవీత్ |౪-౫౯-౨|
క్వ సీతా కేన వా దృష్టా కో వా హరతి మైథిలీం |
తత్ ఆఖ్యాతు భవాన్ సర్వం గతిః భవ వన ఓకసాం |౪-౫౯-౩|
కో దాశరథి బాణానాం వజ్ర వేగ నిపాతినాం |
స్వయం లక్ష్మణం ముక్తానాం న చింతయతి విక్రమం |౪-౫౯-౪|
స హరీన్ ప్రతి సంయుక్తాన్ సీతా శ్రుతి సమాహితాన్ |
పునః ఆశ్వాసయన్ ప్రీత ఇదం వచనం అబ్రవీత్ |౪-౫౯-౫|
శ్రూయతాం ఇహ వైదేహ్యా యథా మే హరణం శ్రుతం |
యేన చ అపి మమ ఆఖ్యాతం యత్ర చ ఆయత లోచనా |౪-౫౯-౬|
అహం అస్మిన్ గిరౌ దుర్గే బహు యోజనం ఆయతే |
చిరాత్ నిపతితో వృద్ధః క్షీణ ప్రాణ పరాక్రమః |౪-౫౯-౭|
తం మాం ఏవం గతం పుత్రః సుపార్శ్వో నామ నామతః |
ఆహారేణ యథా కాలం బిభర్తి పతతాం వరః |౪-౫౯-౮|
తీక్ష్ణ కామాః తు గంధర్వాః తీక్ష్ణ కోపా భుజంగమాః |
మృగాణాం తు భయం తీక్ష్ణం తతః తీక్ష్ణ క్షుధా వయం |౪-౫౯-౯|
స కదాచిత్ క్షుధా ఆర్తస్య మమ ఆహార కాంక్షిణః |
గత సూర్యో అహని ప్రాప్తో మమ పుత్రో హి అనామిషః |౪-౫౯-౧౦|
స మయా ఆహార సంరోధాత్ పీడితః ప్రీతి వర్ధనః |
అనుమాన్య యథా తత్త్వం ఇదం వచనం అబ్రవీత్ |౪-౫౯-౧౧|
అహం తాత యథా కాలం ఆమిష అర్థీ ఖం ఆప్లుతః |
మహేంద్రస్య గిరేః ద్వారం ఆవృత్య చ సుసమాశ్రితః |౪-౫౯-౧౨|
తత్ర సత్త్వ సహస్రాణాం సాగర అంతర చారిణాం |
పంథానం ఏకో అధ్యవసం సంనిరోద్ధుం అవాఙ్ ముఖః |౪-౫౯-౧౩|
తత్ర కశ్చిత్ మయా దృష్టః సూర్య ఉదయ సమ ప్రభాం |
స్త్రియం ఆదాయ గచ్ఛన్ వై భిన్న అంజన చయ ఉపమః |౪-౫౯-౧౪|
సో అహం అభ్యవహార అర్థం తౌ దృష్ట్వా కృత నిశ్చయః |
తేన సామ్నా వినీతేన పంథానం అనుయాచితః |౪-౫౯-౧౫|
న హి సామ ఉపపన్నానాం ప్రహర్తా విద్యతే భువి |
నీచేషు అపి జనః కశ్చిత్ కిం అఙ్గ బత మత్ విధః |౪-౫౯-౧౬|
స యాతః తేజసా వ్యోమ సంక్షిపన్ ఇవ వేగతః |
అథ అహం ఖే చరైః భూతైః అభిగమ్య సభాజితః |౪-౫౯-౧౭|
దిష్ట్యా జీవతి సీత ఇతి హి అబ్రువన్ మాం మహర్షయః |
కథంచిత్ స కలత్రః అసౌ గతః తే స్వస్తి అసంశయం |౪-౫౯-౧౮|
ఏవం ఉక్తః తతో అహం తైః సిద్ధైః పరమ శోభనైః |
స చ మే రావణో రాజా రక్షసాం ప్రతివేదితః |౪-౫౯-౧౯|
పశ్యన్ దాశరథేః భార్యాం రామస్య జనక ఆత్మజాం |
భ్రష్ట ఆభరణ కౌశేయాం శోక వేగ పరాజితాం |౪-౫౯-౨౦|
రామ లక్ష్మణయోః నామ క్రోశంతీం ముక్త మూర్ధజాం |
ఏష కాల అత్యయః తాత ఇతి వాక్యవిదాం వరః |౪-౫౯-౨౧|
ఏతత్ అర్థం సమగ్రం మే సుపార్శ్వః ప్రత్యవేదయత్ |
తత్ శ్రుత్వా అపి హి మే బుద్ధిః న ఆసీత్ కాచిత్ పరాక్రమే |౪-౫౯-౨౨|
అపక్షో హి కథం పక్షీ కర్మ కించిత్ సమారభేత్ |
యత్ తు శక్యం మయా కర్తుం వాక్ బుద్ధి గుణ వర్తినా |౪-౫౯-౨౩|
శ్రూయతాం తత్ర వక్ష్యామి భవతాం పౌరుష ఆశ్రయం |
వాక్ మతిభ్యాం హి సార్వేషాం కరిష్యామి ప్రియం హి వః |౪-౫౯-౨౪|
యత్ హి దాశరథేః కార్యం మమ తత్ న అత్ర సంశయః |
తత్ భవంతో మతి శ్రేష్ఠా బలవంతో మనస్వినః |౪-౫౯-౨౫|
ప్రహితాః కపి రాజేన దేవైః అపి దురాసదాః |
రామ లక్ష్మణ బాణాః చ నిశితాః కంక పత్రిణః |౪-౫౯-౨౬|
త్రయాణాం అపి లోకానాం పర్యాప్తాః త్రాణ నిగ్రహే |
కామం ఖలు దశగ్రీవః తేజో బల సమన్వితః |
భవతాం తు సమర్థానాం న కించిత్ అపి దుష్కరం |౪-౫౯-౨౭|
తత్ అలం కాల సంగేన క్రియతాం బుద్ధి నిశ్చయః |
న హి కర్మసు సజ్జంతే బుద్ధిమంతో భవత్ విధాః |౪-౫౯-౨౮|
ఇతి వాల్మీకి రామాయణే ఆది కావ్యే కిష్కింధకాండే ఏకోనషష్ఠితమః సర్గః |౪-౫౯|
|
|
|
|
ఉపవిష్టా గిరౌ రమ్యే పరివార్య సమంతతః |౪-౬౦-౧|
తం అంగదం ఉపాసీనం తైః సర్వైః హరిభిః వృతం |
జనిత ప్రత్యయో హర్షాత్ సంపాతిః పునః అబ్రవీత్ |౪-౬౦-౨|
కృత్వా నిఃశబ్దం ఏక అగ్రాః శృణ్వంతు హరయో మమ |
తథ్యం సంకీర్తయిష్యామి యథా జానామి మైథిలీం |౪-౬౦-౩|
అస్య వింధ్యస్య శిఖరే పతితో అస్మి పురా అనఘ |
సూర్య తాప పరీత అంగో నిర్దగ్ధః సూర్య రశ్మిభిః |౪-౬౦-౪|
లబ్ధ సంజ్ఞః తు షడ్ రాత్రాత్ వివశో విహ్వలన్ ఇవ |
వీక్షమాణో దిశః సర్వా న అభిజానామి కించన |౪-౬౦-౫|
తతః తు సాగరాన్ శైలాన్ నదీః సర్వాః సరాంసి చ |
వనాని చ ప్రదేశాన్ చ సమీక్ష్య మతిః ఆగతాం |౪-౬౦-౬|
హృష్ట పక్షి గణ ఆకీర్ణః కందర ఉదర కూటవాన్ |
దక్షిణస్య ఉదధేః తీరే వింధ్యో అయం ఇతి నిశ్చితః |౪-౬౦-౭|
ఆసీత్ చ అత్ర ఆశ్రమం పుణ్యం సురైః అపి సుపూజితం |
ఋషిః నిశాకరో నామ యస్మిన్ ఉగ్ర తపా అభవత్ |౪-౬౦-౮|
అష్టౌ వర్ష సహస్రాణి తేన అస్మిన్ ఋషిణా గిరౌ |
వసతో మమ ధర్మజ్ఞో స్వర్ గతే తు నిశాకరే |౪-౬౦-౯|
అవతీర్య చ వింధ్య అగ్రాత్ కృచ్ఛ్రేణ విషమాత్ శనైః |
తీక్ష్ణ దర్భాం వసుమతీం దుఃఖేన పునర్ ఆగతః |౪-౬౦-౧౦|
తం ఋషిం ద్రష్టు కామో అస్మి దుఃఖేన అభ్యాగతో భృశం |
జటాయుషా మయా చైవ బహుశో అభిగతో హి సః |౪-౬౦-౧౧|
తస్య ఆశ్రమ పదాభ్యాశే వవుః వాతాః సుగంధినః |
వృక్షో న అపుష్పితః కశ్చిత్ అఫలో వా న దృశ్యతే |౪-౬౦-౧౨|
ఉపేత్య చ ఆశ్రమం పుణ్యం వృక్ష మూలం ఉపాశ్రితః |
ద్రష్టు కామః ప్రతీక్షే చ భగవంతం నిశాకరం |౪-౬౦-౧౩|
అథ పశ్యమి దూరస్థం ఋషిం జ్వలిత తేజసం |
కృత అభిషేకం దుర్ధర్షం ఉపావృత్తం ఉదన్ ముఖం |౪-౬౦-౧౪|
తం ఋక్షాః సృమరా వ్యాఘ్రాః సింహా నానా సరీ సృపాః |
పరివార్య ఉపగచ్ఛంతి దాతారం ప్రాణినో యథా |౪-౬౦-౧౫|
తతః ప్రాప్తం ఋషిం జ్ఞాత్వా తాని సత్త్వాని వై యయుః |
ప్రవిష్టే రాజని యథా సర్వం స అమాత్యకం బలం |౪-౬౦-౧౬|
ఋషిః తు దృష్ట్వా మాం తుష్టః ప్రవిష్టః చ ఆశ్రమం పునః |
ముహూర్త మాత్రాన్ నిర్గమ్య తతః కార్యం అపృచ్ఛత |౪-౬౦-౧౭|
సౌమ్య వైకల్యతాం దృష్ట్వా రోమ్ణాం తే న అవగమ్యతే |
అగ్ని దగ్ధౌ ఇమౌ పక్షౌ ప్రాణాః చాపి శరీరకే |౪-౬౦-౧౮|
గృధ్రౌ ద్వౌ దృష్ట పూర్వౌ మే మాతరిశ్వ సమౌ జవే |
గృధ్రాణాం చైవ రాజానౌ భ్రాతరౌ కామ రూపిణౌ |౪-౬౦-౧౯|
జ్యేష్ఠో అవిత స్త్వం తు సంపాతే జటాయుః అనుజః తవ |
మానుషం రూపం ఆస్థాయ గృహ్ణీతాం చరణౌ మమ |౪-౬౦-౨౦|
కిం తే వ్యాధి సముత్థానం పక్షయోః పతనం కథం |
దణ్డో వా అయం ధృతః కేన సర్వం ఆఖ్యాహి పృచ్ఛతః |౪-౬౦-౨౧|
ఇతి వాల్మీకి రామాయణే ఆది కావ్యే కిష్కింధకాండే షష్ఠితమః సర్గః |౪-౬౦|
|
|
|
|
ఆచచక్షే మునేః సర్వం సూర్య అనుగమనం తథా |౪-౬౧-౧|
భగవన్ వ్రణ యుక్తత్వాత్ లజ్జయా చ అకుల ఇంద్రియః |
పరిశ్రాంతో న శక్నోమి వచనం పరిభాషితుం |౪-౬౧-౨|
అహం చైవ జటాయుః చ సంఘర్షాత్ దర్ప మోహితౌ |
ఆకాశం పతితౌ దూరాత్ జిజ్ఞాసంతౌ పరాక్రమం |౪-౬౧-౩|
కైలాస శిఖరే బద్ధ్వా మునీనాం అగ్రతః పణం |
రవిః స్యాత్ అనుయాతవ్యో యావత్ అస్తం మహాగిరిం |౪-౬౧-౪|
అపి ఆవాం యుగపత్ ప్రాప్తౌ అపశ్యావ మహీ తలే |
రథ చక్ర ప్రమాణాని నగరాణి పృథక్ పృథక్ |౪-౬౧-౫|
క్వచిత్ వాదిత్ర ఘోషః చ క్వచిత్ భూషణ నిఃస్వనః |
గాయంతీః స్మ అంగనా బహ్వీః పశ్యావో రక్త వాససః |౪-౬౧-౬|
తూర్ణం ఉత్పత్య చ ఆకాశం ఆదిత్య పథం ఆస్థితౌ |
ఆవాం ఆలోకయావః తత్ వనం శాద్వల సంస్థితం |౪-౬౧-౭|
ఉపలైః ఇవ సంఛన్నా దృశ్యతే భూః శిల ఉచ్చయైః |
ఆపగాభిః చ సంవీతా సూత్రైః ఇవ వసుంధరా |౪-౬౧-౮|
హిమవాన్ చైవ వింధ్యః చ మేరుః చ సుమహాన్ గిరిః |
భూ తలే సంప్రకాశంతే నాగా ఇవ జల ఆశయే |౪-౬౧-౯|
తీవ్రః స్వేదః చ ఖేదః చ భయం చ ఆసీత్ తదా అవయోః |
సమావిశత మోహః చ తతో మూర్చ్ఛా చ దారుణా |౪-౬౧-౧౦|
న చ దిక్ జ్ఞాయతే యామ్యా న ఆగ్నేయీ న చ వారుణీ |
యుగ అంతే నియతో లోకో హతో దగ్ధ ఇవ అగ్నినా |౪-౬౧-౧౧|
మనః చ మే హతం భూయః చక్షుః ప్రాప్య తు సంశ్రయం |
యత్నేన మహతా హి అస్మిన్ మనః సంధాయ చక్షుషీ |౪-౬౧-౧౨|
యత్నేన మహతా భూయో భాస్కరః ప్రతిలోకితః |
తుల్యః పృథ్వీ ప్రమాణేన భాస్కరః ప్రతిభాతి నౌ |౪-౬౧-౧౩|
జటాయుః మాం అనాపృచ్ఛ్య నిపపాత మహీం తతః |
తం దృష్ట్వా తూర్ణం ఆకాశాత్ ఆత్మానం ముక్తవాన్ అహం |౪-౬౧-౧౪|
పక్షభ్యాం చ మయా గుప్తో జటాయుః న ప్రదహ్యత |
ప్రమాదాత్ తత్ర నిర్దగ్ధః పతన్ వాయు పథాత్ అహం |౪-౬౧-౧౫|
ఆశంకే తం నిపతితం జనస్థానే జటాయుషం |
అహం తు పతితో వింధ్యే దగ్ధ పక్షో జడీ కృతః |౪-౬౧-౧౬|
రాజ్యాత్ హీనో భ్రాత్రా చ పక్షాభ్యాం విక్రమేణ చ |
సర్వథా మర్తుం ఏవ ఇచ్ఛన్ పతిష్యే శిఖరాత్ గిరేః |౪-౬౧-౧౭|
ఇతి వాల్మీకి రామాయణే ఆది కావ్యే కిష్కింధకాండే ఏకషష్ఠితమః సర్గః |౪-౬౧|
(Continued ....)
(My humble salutations to the lotus
feet of Swamy jis, Philosophic Scholars
and greatful to Wikisource for the
collection)
0 comments:
Post a Comment