|
|
|
|
ప్రాస్ఫురత్ చ అస్ఖలత్ రామో వేపథుః చ అస్య జాయతే |౩-౬౦-౧|
ఉపాలక్ష్య నిమిత్తాని సో అశుభాని ముహుర్ ముహుః |
అపి క్షేమం తు సీతాయా ఇతి వై వ్యాజహార హ |౩-౬౦-౨|
త్వరమాణో జగామ అథ సీతా దర్శన లాలసః |
శూన్యం ఆవసథం దృష్ట్వా బభూవ ఉద్విగ్న మానసః |౩-౬౦-౩|
ఉద్ భ్రమన్ ఇవ వేగేన విక్షిపన్ రఘు నందనః |
తత్ర తత్ర ఉటజ స్థానం అభివీక్ష్య సమంతతః |౩-౬౦-౪|
దదర్శ పర్ణ శాలాం చ సీతయా రహితాం తదా |
శ్రియా విరహితాం ధ్వస్తాం హేమంతే పద్మినీం ఇవ |౩-౬౦-౫|
రుదంతం ఇవ వృక్షైః చ గ్లాన పుష్ప మృగ ద్విజం |
శ్రియా విహీనం విధ్వస్తం సంత్యక్త వన దైవతైః |౩-౬౦-౬|
విప్రకీర్ణ అజిన కుశం విప్రవిద్ధ బృసీ కటం |
దృష్ట్వా శూన్య ఉటజ స్థానం విలలాప పునః పునః |౩-౬౦-౭|
హృతా మృతా వా నష్టా వా భక్షితా వా భవిష్యతి |
నిలీనా అపి అథవా భీరుః అథవా వనం ఆశ్రితా |౩-౬౦-౮|
గతా విచేతుం పుష్పాణి ఫలాని అపి చ వా పునః |
అథవా పద్మినీం యాతా జల అర్థం వా నదీం గతా |౩-౬౦-౯|
యత్నాత్ మృగయమాణః తు న ఆససాద వనే ప్రియాం |
శోక రక్త ఈక్షణః శ్రీమాన్ ఉన్మత్త ఇవ లక్ష్యతే |౩-౬౦-౧౦|
వృక్షాత్ వృక్షం ప్రధావన్ స గిరీం చ అపి నదీ నదం |
బభ్రామ విలపన్ రామః శోక పంక అర్ణవ ప్లుతః |౩-౬౦-౧౧|
అస్తి కచ్చిత్ త్వయా దృష్టా సా కదంబ ప్రియా ప్రియా |
కదంబ యది జానీషే శంస సీతాం శుభ ఆననాం |౩-౬౦-౧౨|
స్నిగ్ధ పల్లవ సంకాశాం పీత కౌశేయ వాసినీం |
శంసస్వ యది సా దృష్టా బిల్వ బిల్వ ఉపమ స్తనీ |౩-౬౦-౧౩|
అథవా అర్జున శంస త్వం ప్రియాం తాం అర్జున ప్రియాం |
జనకస్య సుతా తన్వీ యది జీవతి వా న వా |౩-౬౦-౧౪|
కకుభః కకుభ ఊరుం తాం వ్యక్తం జానాతి మైథిలీం |
లతా పల్లవ పుష్ప ఆఢ్యో భాతి హి ఏష వనస్పతిః |౩-౬౦-౧౫|
భ్రమరైర్ ఉపగీతః చ యథా ద్రుమ వరో హి అసి |
ఏష వ్యక్తం విజానాతి తిలకః తిలక ప్రియాం |౩-౬౦-౧౬|
అశోక శోక అపనుద శోక ఉపహత చేతనం |
త్వన్ నామానం కురు క్షిప్రం ప్రియా సందర్శనేన మాం |౩-౬౦-౧౭|
యది తాల త్వయా దృష్టా పక్వ తాల ఫల స్తనీ |
కథయస్వ వరారోహాం కారుణ్యం యది తే మయి |౩-౬౦-౧౮|
యది దృష్టా త్వయా సీతా జంబో జాంబూనద సమ ప్రభా |
ప్రియాం యది విజానాసి నిఃశంక కథయస్వ మే |౩-౬౦-౧౯|
అహో త్వం కర్ణికార అద్య పుష్పితః శోభసే భృశం |
కర్ణికార ప్రియాం సాధ్వీం శంస దృష్టా యది ప్రియా |౩-౬౦-౨౦|
చూత నీప మహా సాలాన్ పనసాన్ కురవాన్ ధవాన్ |
దాడిమాన్ అపి తాన్ గత్వా దృష్ట్వా రామో మహాయశాః |౩-౬౦-౨౧|
బకులాన్ అథ పున్నాగాన్ చ చందనాంకేతకాన్ తథా |
పృచ్ఛన్ రామో వనే భ్రాంత ఉన్మత్త ఇవ లక్ష్యతే |౩-౬౦-౨౨|
అథవా మృగ శాబ అక్షీం మృగ జానాసి మైథిలీం |
మృగ విప్రేక్షణీ కాంతా మృగీభిః సహితా భవేత్ |౩-౬౦-౨౩|
గజ సా గజ నాసోరుః యది దృష్టా త్వయా భవేత్ |
తాం మన్యే విదితాం తుభ్యం ఆఖ్యాహి వర వారణ |౩-౬౦-౨౪|
శార్దూల యది సా దృష్టా ప్రియా చంద్ర నిభ ఆననా |
మైథిలీ మమ విస్రబ్ధం కథయస్వ న తే భయం |౩-౬౦-౨౫|
కిం ధావసి ప్రియే నూనం దృష్టా అసి కమల ఈక్షణే |
వృక్షేణ ఆచ్చాద్య చ ఆత్మానం కిం మాం న ప్రతిభాషసే |౩-౬౦-౨౬|
తిష్ఠ తిష్ఠ వరారోహే న తే అస్తి కరుణా మయి |
న అత్యర్థం హాస్య శీలా అసి కిం అర్థం మాం ఉపేక్షసే |౩-౬౦-౨౭|
పీత కౌశేయకేన అసి సూచితా వర వర్ణిని |
ధావంతి అపి మయా దృష్టా తిష్ఠ యది అస్తి సౌహృదం |౩-౬౦-౨౮|
న ఏవ సా నూనం అథవా హింసితా చారు హాసినీ |
కృచ్ఛ్రం ప్రాప్తం న మాం నూనం యథా ఉపేక్షితుం అర్హతి |౩-౬౦-౨౯|
వ్యక్తం సా భక్షితా బాలా రాక్షసైః పిశిత అశనైః |
విభజ్య అంగాని సర్వాణి మయా విరహితా ప్రియా |౩-౬౦-౩౦|
నూనం తత్ శుభ దంత ఓష్ఠం సునాసం శుభ కుణ్డలం |
పూర్ణ చంద్ర నిభం గ్రస్తం ముఖం నిష్ప్రభతాం గతం |౩-౬౦-౩౧|
సా హి చంపక వర్ణ ఆభా గ్రీవా గ్రైవేయక ఉచితా |
కోమలా విలపంత్యాః తు కాంతాయా భక్షితా శుభా |౩-౬౦-౩౨|
నూనం విక్షిప్యమాణౌ తౌ బాహూ పల్లవ కోమలౌ |
భక్షితౌ వేపమాన అగ్రౌ స హస్త ఆభరణ అంగదౌ |౩-౬౦-౩౩|
మయా విరహితా బాలా రక్షసాం భక్షణాయ వై |
సార్థేన ఇవ పరిత్యక్తా భక్షితా బహు బాంధవా |౩-౬౦-౩౪|
హా లక్ష్మణ మహాబాహో పశ్యసే త్వం ప్రియాం క్వచిత్ |
హా ప్రియే క్వ గతా భద్రే హా సీతే ఇతి పునః పునః |౩-౬౦-౩౫|
ఇతి ఏవం విలపన్ రామః పరిధావన్ వనాత్ వనం |
క్వచిత్ ఉద్ భ్రమతే వేగాత్ క్వచిత్ విభ్రమతే బలాత్ |౩-౬౦-౩౬|
క్వచిత్ మత్త ఇవ ఆభాతి కాంతా అన్వేషణ తత్పరః |
స వనాని నదీః శైలాన్ గిరి ప్రస్రవణాని చ |
కాననాని చ వేగేన భ్రమతి అపరిసంస్థితః |౩-౬౦-౩౭|
తదా స గత్వా విపులం మహత్ వనం
పరీత్య సర్వం తు అథ మైథిలీం ప్రతి |
అనిష్ఠిత ఆశః స చకార మార్గణే
పునః ప్రియాయాః పరమం పరిశ్రమం |౩-౬౦-౩౮|
ఇతి వాల్మీకి రామాయణే ఆది కావ్యే అరణ్యకాండే షష్ఠితమః సర్గః |౩-౬౦|
|
|
|
|
రహితాం పర్ణశాలాం చ ప్రవిద్ధాని ఆసనాని చ |౩-౬౧-౧|
అదృష్ట్వా తత్ర వైదేహీం సంనిరీక్ష్య చ సర్వశః |
ఉవాచ రామః ప్రాక్రుశ్య ప్రగృహ్య రుచిరౌ భుజౌ |౩-౬౧-౨|
క్వ ను లక్ష్మణ వైదేహీ కం వా దేశం ఇతో గతా |
కేన ఆహృతా వా సౌమిత్రే భక్షితా కేన వా ప్రియా |౩-౬౧-౩|
వృక్షేణ ఆవార్య యది మాం సీతే హసితుం ఇచ్ఛసి |
అలం తే హసితేన అద్య మాం భజస్వ సుదుఃఖితం |౩-౬౧-౪|
యైః సహ క్రీడసే సీతే విశ్వస్తైః మృగ పోతకైః |
ఏతే హీనాః త్వయా సౌమ్యే ధ్యాయంతి అస్ర ఆవిల ఈక్షణాః |౩-౬౧-౫|
సీతాయా రహితో అహం వై న హి జీవామి లక్ష్మణ |
వృతం శోకేన మహతా సీతా హరణజేన మాం |౩-౬౧-౬|
పర లోకే మహారాజో నూనం ద్రక్ష్యతి మే పితా |
కథం ప్రతిజ్ఞాం సంశ్రుత్య మయా త్వం అభియోజితః |౩-౬౧-౭|
అపూరయిత్వా తం కాలం మత్ సకాశం ఇహ ఆగతః |
కామ వృత్తం అనార్యం మాం మృషా వాదినం ఏవ చ |౩-౬౧-౮|
ధిక్ త్వాం ఇతి పరే లోకే వ్యక్తం వక్ష్యతి మే పితా |
వివశం శోక సంతప్తం దీనం భగ్న మనోరథం |౩-౬౧-౯|
మాం ఇహ ఉత్సృజ్య కరుణం కీర్తిః నరం ఇవ అన్ఋజుం |
క్వ గచ్చసి వరారోహే మా మోత్సృజ్య - మా మా ఉత్సృజ్య - సుమధ్యమే |౩-౬౧-౧౦|
త్వయా విరహితః చ అహం త్యక్ష్యే జీవితం ఆత్మనః |
ఇతి ఇవ విలపన్ రామః సీతా దర్శన లాలసః |౩-౬౧-౧౧|
న దదర్శ సుదుఃఖ ఆర్తో రాఘవో జనక ఆత్మజాం |
అనాసాదయమానం తం సీతాం శోకపరాయణం |౩-౬౧-౧౨|
పంకం ఆసాద్య విపులం సీదంతం ఇవ కుంజరం |
లక్ష్మణో రామం అత్యర్థం ఉవాచ హిత కామ్యయా |౩-౬౧-౧౩|
మా విషాదం మహాబుద్ధే కురు యత్నం మయా సహ |
ఇదం గిరి వరం వీర బహు కందర శోభితం |౩-౬౧-౧౪|
ప్రియ కానన సంచారా వన ఉన్మత్తా చ మైథిలీ |
సా వనం వా ప్రవిష్టా స్యాత్ నలినీం వా సుపుష్పితాం |౩-౬౧-౧౫|
సరితం వా అపి సంప్రాప్తా మీన వంజుల సేవితాం |
విత్రాసయితు కామా వా లీనా స్యాత్ కాననే క్వచిత్ |౩-౬౧-౧౬|
జిజ్ఞాసమానా వైదేహీ త్వాం మాం చ పురుషర్షభ |
తస్యా హి అన్వేషణే శ్రీమన్ క్షిప్రం ఏవ యతావహే |౩-౬౧-౧౭|
వనం సర్వం విచినువో యత్ర సా జనక ఆత్మజా |
మన్యసే యది కాకుత్స్థ మా స్మ శోకే మనః కృథాః |౩-౬౧-౧౮|
ఏవం ఉక్తః తు సౌహార్దాత్ లక్ష్మణేన సమాహితః |
సహ సౌమిత్రిణా రామో విచేతుం ఉపచక్రమే |౩-౬౧-౧౯|
తౌ వనాని గిరీన్ చైవ సరితః చ సరాంసి చ |
నిఖిలేన విచిన్వంతౌ సీతాం దశరథ ఆత్మజౌ |౩-౬౧-౨౦|
తస్య శైలస్య సానూని శిలాః చ శిఖరాణి చ |
నిఖిలేన విచిన్వంతౌ న ఏవ తాం అభిజగ్మతుః |౩-౬౧-౨౧|
విచిత్య సర్వతః శైలం రామో లక్ష్మణం అబ్రవీత్ |
న ఇహ పశ్యామి సౌమిత్రే వైదేహీం పర్వతే శుభాం |౩-౬౧-౨౨|
తతో దుఃఖ అభిసంతప్తో లక్ష్మణో వాక్యం అబ్రవీత్ |
విచరన్ దణ్డక అరణ్యం భ్రాతరం దీప్త తేజసం |౩-౬౧-౨౩|
ప్రాప్స్యసి త్వం మహాప్రాజ్ఞ మైథిలీం జనక ఆత్మజాం |
యథా విష్ణుః మహాబాహుః బలిం బద్ధ్వా మహీం ఇమాం |౩-౬౧-౨౪|
ఏవం ఉక్తః తు వీరేణ లక్ష్మణేన స రాఘవః |
ఉవాచ దీనయా వాచా దుఃఖ అభిహత చేతనః |౩-౬౧-౨౫|
వనం సువిచితం సర్వం పద్మిన్యః ఫుల్ల పంకజాః |
గిరిః చ అయం మహాప్రాజ్ఞ బహు కందర నిర్ఝరః |
న హి పశ్యామి వైదేహీం ప్రాణేభ్యో అపి గరీయసీం |౩-౬౧-౨౬|
ఏవం స విలపన్ రామః సీతా హరణ కర్శితః |
దీనః శోక సమావిష్టో ముహూర్తం విహ్వలో అభవత్ |౩-౬౧-౨౭|
స విహ్వలిత సర్వ అంగో గత బుద్ధిః విచేతనః |
నిషసాద ఆతురో దీనో నిఃశ్వస్య అశీతం ఆయతం |౩-౬౧-౨౮|
బహుశః స తు నిఃశ్వస్య రామో రాజీవ లోచనః |
హా ప్రియే తి విచుక్రోశ బహుశో బాష్ప గద్గదః |౩-౬౧-౨౯|
తం సాంత్వయామాస తతో లక్ష్మణః ప్రియ బాంధవం |
బహు ప్రకారం శోక ఆర్తః ప్రశ్రితః ప్రశ్రిత అంజలిః |౩-౬౧-౩౦|
అనాదృత్య తు తత్ వాక్యం లక్ష్మణ ఓష్ఠ పుట చ్యుతం |
అపశ్యన్ తాం ప్రియాం సీతాం ప్రాక్రోశత్ స పునః పునః |౩-౬౧-౩౧|
ఇతి వాల్మీకి రామాయణే ఆది కావ్యే అరణ్యకాండే ఏకషష్ఠితమః సర్గః |౩-౬౧|
|
|
|
|
విలలాప మహాబాహూ రామః కమల లోచనః |౩-౬౨-౧|
పశ్యన్ ఇవ చ తాం సీతాం అపశ్యన్ మదన అర్దితః |
ఉవాచ రాఘవో వాక్యం విలాప ఆశ్రయ దుర్వచం |౩-౬౨-౨|
త్వం అశోకస్య శాఖాభిః పుష్ప ప్రియ తరా ప్రియే |
అవృణోషి శరీరం తే మమ శోక వివర్ధినీ |౩-౬౨-౩|
కదలీ కాణ్డ సదృశౌ కదల్యా సంవృతా ఉభౌ |
ఊరూ పశ్యామి తే దేవి న అసి శక్తా నిగూహితుం |౩-౬౨-౪|
కర్ణికార వనం భద్రే హసంతీ దేవి సేవసే |
అలం తే పరిహాసేన మమ బాధావహేన వై |౩-౬౨-౫|
విశేషేణ ఆశ్రమస్థానే హాసో అయం న ప్రశస్యతే |
అవగచ్ఛామి తే శీలం పరిహాస ప్రియం ప్రియే |౩-౬౨-౬|
ఆగచ్ఛ త్వం విశాలాక్షీ శూన్యో అయం ఉటజః తవ |
సు వ్యక్తం రాక్షైః సీతా భక్షితా వా హృతా అపి వా |౩-౬౨-౭|
న హి సా విలపంతం మాం ఉపసంప్రైతి లక్ష్మణ |
ఏతాని మృగ యూధాని స అశ్రు నేత్రాణి లక్ష్మణ |౩-౬౨-౮|
శంశంతి ఇవ హి మే దేవీం భక్షితాం రజనీచరైః |
హా మమ ఆర్యే క్వ యాతా అసి హా సాధ్వి వర వర్ణిని |౩-౬౨-౯|
హా స కామా అద్య కైకేయీ దేవి మే అద్య భవిష్యతి |
సీతాయా సహ నిర్యాతో వినా సీతాం ఉపాగతః |౩-౬౨-౧౦|
కథం నామ ప్రవేక్ష్యామి శూన్యం అంతః పురం మమ |
నిర్వీర్య ఇతి లోకో మాం నిర్దయః చ ఇతి వక్ష్యతి |౩-౬౨-౧౧|
కాతరత్వం ప్రకాశం హి సీతా అపనయనేన మే |
నివృత్త వన వాసః చ జనకం మిథిల అధిపం |౩-౬౨-౧౨|
కుశలం పరిపృచ్ఛంతం కథం శక్షే నిరీక్షితుం |
విదేహ రజో నూనం మాం దృష్ట్వా విరహితం తయా |౩-౬౨-౧౩|
సుతా వినాశ సంతప్తో మోహస్య వశం ఏష్యతి |
అథవా న గమిష్యామి పురీం భరత పాలితం |౩-౬౨-౧౪|
స్వర్గో అపి హి తయా హీనః శూన్య ఏవ మతో మమ |
తత్ మాం ఉత్సృజ్య హి వనే గచ్ఛ అయోధ్యా పురీం శుభాం |౩-౬౨-౧౫|
న తు అహం తాం వినా సీతాం జీవేయం హి కథంచన |
గాఢం ఆశ్లిష్య భరతో వాచ్యో మత్ వచనాత్ త్వయా |౩-౬౨-౧౬|
అనుజ్ఞాతో అసి రామేణ పాలయ ఇతి వసుంధరాం |
అంబా చ మమ కైకేయీ సుమిత్రా చ త్వయా విభో |౩-౬౨-౧౭|
కౌసల్యా చ యథా న్యాయం అభివాద్యా మమ అజ్ఞయా |
రక్షణీయా ప్రయత్నేన భవతా సా ఉక్త కారిణా |౩-౬౨-౧౮|
సీతాయాః చ వినాశో అయం మమ చ అమిత్ర సూదన |
విస్తరేణ జనన్యా వినివేద్య త్వయా భవేత్ |౩-౬౨-౧౯|
ఇతి విలపతి రాఘవో తు దీనో
వనం ఉపగమ్య తయా వినా సు కేశ్యా |
భయ వికల ముఖః తు లక్ష్మణో అపి
వ్యథిత మనా భృశం ఆతురో బభూవ |౩-౬౨-౨౦|
ఇతి వాల్మీకి రామాయణే ఆది కావ్యే అరణ్యకాండే ద్విషష్ఠితమః సర్గః |౩-౬౨|
|
|
|
|
శోకేన మోహేన చ పీడ్యమానః |
విషాదయన్ భ్రాతరం ఆర్త రూపో
భూయో విషాదంప్రవివేశ తీవ్రం |౩-౬౩-౧|
స లక్ష్మణం శోక వశ అభిపన్నం
శోకే నిమగ్నో విపులే తు రామః |
ఉవాచ వాక్యం వ్యసనానురూపం
ఉష్ణం వినిఃశ్వస్య రుదన్ స శోకం |౩-౬౩-౨|
న మత్ విధో దుష్కృత కర్మ కారీ
మన్యే ద్వితీయో అస్తి వసుంధరాయాం |
శోక అనుశోకో హి పరంపరాయా
మాం ఏతి భిందన్ హృదయం మనః చ |౩-౬౩-౩|
పూర్వం మయా నూనం అభీప్సితాని
పాపాని కర్మాణి అసత్కృత్ కృతాని |
తత్ర అయం అద్య పతితో విపాకో
దుఃఖేన దుఃఖం యద్ అహం విశామి |౩-౬౩-౪|
రాజ్య ప్రణాశః స్వ జనైః వియోగః
పితుర్ వినాశో జననీ వియోగః |
సర్వాని మే లక్ష్మణ శోక వేగం
ఆపూరయంతి ప్రవిచింతితాని |౩-౬౩-౫|
సర్వం తు దుఃఖం మమ లక్ష్మణ ఇదం
శాంతం శరీరే వనం ఏత్య క్లేశం |
సీతా వియోగాత్ పునర్ అపి ఉదీర్ణం
కాష్టైః ఇవ అగ్నిః సహసా ప్రదీప్తః |౩-౬౩-౬|
సా నూనం ఆర్యా మమ రాక్షసేన హి
అభ్యాహృతా ఖం సముపేత్య భీరుః |
అపస్వరం సు స్వర విప్రలాపా
భయేన విక్రందితవతి అభీక్ష్ణం |౩-౬౩-౭|
తౌ లోహితస్య ప్రియ దర్శనస్య
సదా ఉచితౌ ఉత్తమ చందనస్య |
వృత్తౌ స్తనౌ శోణిత పంక దిగ్ధౌ
నూనం ప్రియాయా మమ న అభిభాత |౩-౬౩-౮|
తత్ శ్లక్ష్ణ సు వ్యక్త మృదు ప్రలాపం
తస్యా ముఖం కుంచిత కేశ భారం |
రక్షో వశం నూనం ఉపగతాయా
న భ్రాజతే రాహు ముఖే యథా ఇందుః |౩-౬౩-౯|
తాం హార పాశస్య సదా ఉచిత అంతం
గ్రీవాం ప్రియాయా మమ సు వ్రతాయా |
రక్షాంసి నూనం పరిపీతవంతి
శూన్యే హి భిత్వా రుధిర అశనాని |౩-౬౩-౧౦|
మయా విహీనా విజనే వనే యా
రక్షోభిః ఆహృత్య వికృష్యమాణా |
నూనం వినాదం కురరి ఇవ దీనా
సా ముక్తవతీ ఆయత కాంత నేత్రా |౩-౬౩-౧౧|
అస్మిన్ మయా సార్థం ఉదార శీలా
శిలా తలే పూర్వం ఉపోపవిష్టా |
కాంత స్మితా లక్ష్మణ జాత హాసా
త్వాం ఆహ సీతా బహు వాక్య జాతం |౩-౬౩-౧౨|
గోదావరీ ఇయాం సరితాం వరిష్టా
ప్రియా ప్రియాయా మమ నిత్య కాలం |
అపి అత్ర గచ్ఛేత్ ఇతి చింతయామి
న ఏకాకినీ యాతి హి సా కదాచిత్ |౩-౬౩-౧౩|
పద్మ ఆననా పద్మ పలాశ నేత్రా
పద్మాని వా ఆనేతుం అభిప్రయాతా |
తత్ అపి అయుక్తం న హి సా కద్దచిత్
మయా వినా గచ్ఛతి పంకజాని |౩-౬౩-౧౪|
కామం తు ఇదం పుష్పిత వృక్ష సణ్డం
నానా విధైః పక్షి గణైః ఉపేతం |
వనం ప్రయాతా ను తత్ అపి అయుక్తం
ఏకాకినీ సా అతి బిభేతి భీరుః |౩-౬౩-౧౫|
ఆదిత్య భో లోక క్రృత అకృత జ్ఞః
లోకస్య సత్య అనృత కర్మ సాక్షిన్ |
మమ ప్రియా సా క్వ గతా హృతా వా
శంసవ మే శోక హతస్య సర్వం |౩-౬౩-౧౬|
లోకేషు సర్వేషు న నాస్తి కించిత్
యత్ తే న నిత్యం విదితం భవేత్ తత్ |
శంసస్వ వయోః కుల శాలినీం తాం
మృతా హృతా వా పథి వర్తతే వా |౩-౬౩-౧౭|
ఇతి ఇవ తం శోక విధేయ దేహం
రామం విసంజ్ఞం విలపంతం ఏవ |
ఉవాచ సౌమిత్రిఃఅదీన సత్త్వః
న్యాయే స్థితః కాల యుతం చ వాక్యం |౩-౬౩-౧౮|
శోకం విముంచ ఆర్య ధృతిం భజస్వ
సహ ఉత్సాహతా చ అస్తు విమార్గణే అస్యాః |
ఉత్సాహవంతో హి నరా న లోకే
సీదంతి కర్మసు అతి దుష్కరేషు |౩-౬౩-౧౯|
ఇతి ఇవ సౌమిత్రిం ఉదగ్ర పౌరుషం
బ్రువంతం ఆర్తో రఘు వంశ వర్ధనః |
న చింతయామాస ధృతిం విముక్తవాన్
పునః చ దుఃఖం మహత్ అభ్యుపాగమత్ |౩-౬౩-౨౦|
ఇతి వాల్మీకి రామాయణే ఆది కావ్యే అరణ్యకాండే త్రిషష్ఠితమః సర్గః |౩-౬౩|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment