|
|
|
|
అమాత్య మధ్యే సంకౄద్ధః పరిపప్రచ్ఛ రావణః |౩-౩౪-౧|
కః చ రామః కథం వీర్యః కిం రూపః కిం పరాక్రమః |
కిం అర్థం దణ్డకారణ్యం ప్రవిష్టః చ సుదుస్తరం |౩-౩౪-౨|
ఆయుధం కిం చ రామస్య యేన తే రాక్షసాః హతా |
ఖరః చ నిహతః సంఖ్యే దూషణః త్రిశిరాః తథా |౩-౩౪-౩|
తత్ త్వం బ్రూహి మనోజ్ఞాంగీ కేన త్వం చ విరూపితా |
ఇతి ఉక్తా రాక్షస ఇంద్రేణ రాక్షసీ క్రోధ మూర్చ్ఛితా |౩-౩౪-౪|
తతో రామం యథా న్యాయం ఆఖ్యాతుం ఉపచక్రమే |
దీర్ఘబాహుః విశాలాక్షః చీర కృష్ణ అజిన అంబరః |౩-౩౪-౫|
కందర్ప సమ రూపః చ రామో దశరథ ఆత్మజః |
శక్ర చాప నిభం చాపం వికృష్య కనకాంగదం |౩-౩౪-౬|
దీప్తాన్ క్షిపతి నారాచాన్ సర్పాన్ ఇవ మహా విషాన్ |
న ఆదదానం శరాన్ ఘోరాన్ న ముంచంతం మహాబలం |౩-౩౪-౭|
న కార్ముకం వికర్షంతం రామం పశ్యామి సంయుగే |
హన్యమానం తు తత్ సైన్యం పశ్యామి శర వృష్టిభిః |౩-౩౪-౮|
ఇంద్రేణ ఇవ ఉత్తమం సస్యం ఆహతం తు అశ్మ వృష్టిభిః |
రక్షసాం భీమ వీర్యాణాం సహస్రాణి చతుర్దశ |౩-౩౪-౯|
నిహతాని శరైః తీక్ష్ణైః తేన ఏకేన పదాతినా |
అర్ధాధిక ముహూర్తేన ఖరః చ సహ దూషణః |౩-౩౪-౧౦|
ఋషీణాం అభయం దత్తం కృత క్షేమాః చ దణ్డకాః |౩-౩౪-౧౧|
ఏకా కథంచిత్ ముక్తా అహం పరిభూయ మహాత్మనా |
స్త్రీ వధం శంకమానేన రామేణ విదితాత్మనా |౩-౩౪-౧౨|
భ్రాతా చ అస్య మహాతేజా గుణతః తుల్య విక్రమః |
అనురక్తః చ భక్తః చ లక్ష్మణో నామ వీర్యవాన్ |౩-౩౪-౧౩|
అమర్షీ దుర్జయో జేతా విక్రాంతో బుద్ధిమాన్ బలీ |
రామస్య దక్షిణే బాహుః నిత్యం ప్రాణో బహిః చరః |౩-౩౪-౧౪|
రామస్య తు విశాలాక్షీ పూర్ణేందు సదృశ ఆననా |
ధర్మ పత్నీ ప్రియా నిత్యం భర్తృః ప్రియ హితే రతా |౩-౩౪-౧౫|
సా సుకేశీ సునాసోరుః సురూపా చ యశస్వినీ |
దేవత ఇవ వనస్థ అస్యరాజతే శ్రీర్ ఇవ అపరా |౩-౩౪-౧౬|
తప్త కాంచన వర్ణ ఆభా రక్త తుంగ నఖీ శుభా |
సీతా నామ వరారోహా వైదేహీ తను మధ్యమా |౩-౩౪-౧౭|
న ఏవ దేవీ న గంధర్వా న యక్షీ న చ కింనరీ |
తథా రూపా మయా నారీ దృష్ట పూర్వా మహీతలే |౩-౩౪-౧౮|
యస్య సీతా భవేత్ భార్యా యం చ హృష్టా పరిష్వజేత్ |
అతి జీవేత్ స సర్వేషు లోకేషు అపి పురందరాత్ |౩-౩౪-౧౯|
సా సుశీలా వపుః శ్లాఘ్యా రూపేణ అప్రతిమా భువి |
తవ అనురూపా భార్యా సా త్వం చ తస్యాః పతిః వరః |౩-౩౪-౨౦|
తాం తు విస్తీర్ణ జఘనాం పీన ఉత్తుంగ పయో ధరాం |
భార్యా అర్థే తు తవ ఆనేతుం ఉద్యతా అహం వర ఆననాం |౩-౩౪-౨౧|
తాం తు దృష్ట్వా అద్య వైదేహీం పూర్ణ చంద్ర నిభ ఆననాం |౩-౩౪-౨౨|
మన్మథస్య శరాణాం చ త్వం విధేయో భవిష్యసి |
యది తస్యాం అభిప్రాయో భార్యా అర్థే తవ జాయతే |
శీఘ్రం ఉద్ ధ్రియతాం పాదో జయార్థం ఇహ దక్షిణః |౩-౩౪-౨౩|
రోచతే యది తే వాక్యం మమ ఏతత్ రాక్షసేశ్వర |
క్రియతాం నిర్విశంకేన వచనం మమ రావణ |౩-౩౪-౨౪|
విజ్ఞాయ ఇహ ఆత్మ శక్తిం చ క్రియతాం చ మహాబల |
సీతా తవ అనవద్యాంగీ భార్యత్వే రాక్షసేశ్వర |౩-౩౪-౨౫|
నిశమ్య రామేణ శరైః అజిహ్మగైః
హతాన్ జనస్థాన గతాన్ నిశాచరాన్ |
ఖరం చ దృష్ట్వా నిహతం చ దూషణం
త్వం అద్య కృత్యం ప్రతిపత్తుం అర్హసి |౩-౩౪-౨౬|
ఇతి వాల్మీకి రామాయణే ఆది కావ్యే అరణ్యకాండే చతుస్త్రింశః సర్గః |౩-౩౪|
|
|
|
|
సచివాన్ అభ్యనుజ్ఞాయ కార్యం బుద్ధ్వా జగామ హ |౩-౩౫-౧|
తత్ కార్యం అనుగమ్యాంతర్ యథావత్ ఉపలభ్య చ |
దోషాణాం చ గుణానాం చ సంప్రధార్య బల అబలం |౩-౩౫-౨|
ఇతి కర్తవ్యం ఇతి ఏవ కృత్వా నిశ్చయం ఆత్మనః |
స్థిర బుద్ధిః తతో రమ్యాం యాన శాలాం జగామ హ |౩-౩౫-౩|
యాన శాలాం తతో గత్వా ప్రచ్ఛన్నం రాక్షస అధిపః |
సూతం సంచోదయామాస రథః సంయుజ్యతాం ఇతి |౩-౩౫-౪|
ఏవం ఉక్తః క్షణేన ఏవ సారథిః లఘు విక్రమః |
రథం సంయోజయామాస తస్య అభిమతం ఉత్తమం |౩-౩౫-౫|
కాంచనం రథం ఆస్థాయ కామగం రత్న భూషితం |
పిశాచ వదనైః యుక్తం ఖరైః కనక భూషణైః |౩-౩౫-౬|
మేఘ ప్రతిమ నాదేన స తేన ధనద అనుజః |
రాక్షసాధిపతిః శ్రీమాన్ యయౌ నద నదీ పతిం |౩-౩౫-౭|
స శ్వేత వాల వ్యజనః శ్వేతః ఛత్రో దశాననః |
స్నిగ్ధ వైదూర్య సంకాశ తప్త కాంచన భూషణః |౩-౩౫-౮|
దశగ్రీవో వింశతి భుజో దర్శనీయ పరిచ్ఛదః |
త్రిదశ అరిః మునీంద్ర ఘ్నో దశ శీర్ష ఇవ అద్రి రాట్ |౩-౩౫-౯|
కామగం రథం ఆస్థాయ శుశుభే రాక్షసాధిపః |
విద్యున్ మణ్డలవాన్ మేఘః స బలాక ఇవ అంబరే |౩-౩౫-౧౦|
స శైలం సాగర అనూపం వీర్యవాన్ అవలోకయన్ |
నానా పుష్ప ఫలైర్ వృక్షైర్ అనుకీర్ణం సహస్రశః |౩-౩౫-౧౧|
శీత మంగల తోయాభిః పద్మినీభిః సమంతతః |
విశాలైః ఆశ్రమ పదైః వేదిమద్భిః అలంకృతం |౩-౩౫-౧౨|
కదల్య అటవి సంశోభం నాలికేర ఉపశోభితం |
సాలైః తాలైః తమాలైః చ తరుభిః చ సుపుష్పితైః |౩-౩౫-౧౩|
అత్యంత నియత ఆహారైః శోభితం పరమ ఋషిభిః |
నాగైః సుపర్ణైః గంధర్వైః కింనరైః చ సహస్రశః |౩-౩౫-౧౪|
జిత కామైః చ సిద్ధైః చ చారణైః చ ఉపశోభితం |
ఆజైః వైఖానసైః మాషైః వాలఖిల్యైః మరీచిపైః |౩-౩౫-౧౫|
దివ్య ఆభరణ మాల్యాభిః దివ్య రూపాభిః ఆవృతం |
క్రీడా రతి విధిజ్ఞాభిః అప్సరోభిః సహస్రశః |౩-౩౫-౧౬|
సేవితం దేవ పత్నీభిః శ్రీమతీభిః ఉపాసితం |
దేవ దానవ సంఘైః చ చరితం తు అమృత అశిభిః |౩-౩౫-౧౭|
హంస క్రౌంచ ప్లవ ఆకీర్ణం సారసైః సంప్రణాదితం |
వైదూర్య ప్రస్తరం స్నిగ్ధం సాంద్రం సాగర తేజసా |౩-౩౫-౧౮|
పాణ్డురాణి విశాలాని దివ్య మాల్య యుతాని చ |
తూర్య గీత అభిజుష్టాని విమానాని సమంతతః |౩-౩౫-౧౯|
తపసా జిత లోకానాం కామగాన్ అభిసంపతన్ |
గంధర్వ అప్సరసః చైవ దదర్శ ధనదానుజః |౩-౩౫-౨౦|
నిర్యాస రస మూలానాం చందనానాం సహస్రశః |
వనాని పశ్యన్ సౌమ్యాని ఘ్రాణ తృప్తి కరాణి చ |౩-౩౫-౨౧|
అగురూణాం చ ముఖ్యానాం వనాని ఉపవనాని చ |
తక్కోలానాం చ జాత్యానాం ఫలానాం చ సుగంధినాం |౩-౩౫-౨౨|
పుష్పాణి చ తమాలస్య గుల్మాని మరిచస్య చ |
ముక్తానాం చ సమూహాని శుష్యమాణాని తీరతః |౩-౩౫-౨౩|
శైలాని ప్రవరాన్ చైవ ప్రవాల నిచయాన్ తథా |
కాంచనాని చ శృంగాణి రాజతాని తథైవ చ |౩-౩౫-౨౪|
ప్రస్రవాణి మనోజ్ఞాని ప్రసన్నాని అద్భుతాని చ |
ధన ధాన్య ఉపపన్నాని స్త్రీ రత్నైః ఆవృతాని చ |౩-౩౫-౨౫|
హస్తి అశ్వ రథ గాఢాని నగరాణి విలోకయన్ |
తం సమం సర్వతః స్నిగ్ధం మృదు సంస్పర్శ మారుతం |౩-౩౫-౨౬|
అనూపే సింధు రాజస్య దదర్శ త్రిదివ ఉపమం |
తత్ర అపశ్యత్ స మేఘ ఆభం న్యగ్రోధం మునిభిర్ వృతం |౩-౩౫-౨౭|
సమంతాత్ యస్య తాః శాఖాః శత యోజనం ఆయతాః |
యస్య హస్తినం ఆదాయ మహా కాయం చ కచ్ఛపం |౩-౩౫-౨౮|
భక్షార్థం గరుడః శాఖాం ఆజగామ మహాబలః |
తస్య తాం సహసా శాఖాం భారేణ పతగోత్తమః |౩-౩౫-౨౯|
సుపర్ణః పర్ణ బహులాం బభంజ అథ మహాబలః |
తత్ర వైఖానసా మాషా వాలఖిల్యా మరీచిపాః |౩-౩౫-౩౦|
అజా బభూవుః ధూమ్రాః చ సంగతాః పరమర్షయః |
తేషాం దయార్థం గరుడః తాం శాఖాం శత యోజనాం |౩-౩౫-౩౧|
భగ్నం ఆదాయ వేగేన తౌ చ ఉభౌ గజ కచ్ఛపౌ |
ఏక పాదేన ధర్మ ఆత్మా భక్షయిత్వా తత్ ఆమిషం |౩-౩౫-౩౨|
నిషాద విషయం హత్వా శాఖయా పతగోత్తమః |
ప్రహర్షం అతులం లేభే మోక్షయిత్వా మహామునీన్ |౩-౩౫-౩౩|
స తేన తు ప్రహర్షేణ ద్విగుణీ కృత విక్రమః |
అమృత ఆనయనార్థం వై చకార మతిమాన్ మతిం |౩-౩౫-౩౪|
అయో జాలాని నిర్మథ్య భిత్త్వా రత్న గృహం వరం |
మహేంద్ర భవనాత్ గుప్తం ఆజహార అమృతం తతః |౩-౩౫-౩౫|
తం మహర్షి గణైః జుష్టం సుపర్ణ కృత లక్షణం |
నామ్నా సుభద్రం న్యగ్రోధం దదర్శ ధనద అనుజః |౩-౩౫-౩౬|
తం తు గత్వా పరం పారం సముద్రస్య నదీ పతేః |
దదర్శ ఆశ్రమం ఏకాంతే పుణ్యే రమ్యే వనాంతరే |౩-౩౫-౩౭|
తత్ర కృష్ణ అజిన ధరం జటా వల్కల ధారిణం |
దదర్శ నియత ఆహారం మారీచం నామ రాక్షసం |౩-౩౫-౩౮|
స రావణః సమాగమ్య విధివత్ తేన రక్షసా |
మారీచేన అర్చితో రాజా సర్వ కామైః అమానుషైః |౩-౩౫-౩౯|
తం స్వయం పూజయిత్వా చ భోజనేన ఉదకేన చ |
అర్థోపహితయా వాచా మారీచో వాక్యం అబ్రవీత్ |౩-౩౫-౪౦|
కచ్చిత్ తే కుశలం రాజన్ లంకాయాం రాక్షసేశ్వర |
కేన అర్థేన్ పునః త్వం వై తూర్ణం ఏవ ఇహ ఆగతః |౩-౩౫-౪౧|
ఏవం ఉక్తో మహాతేజా మారీచేన స రావణ |
తతః పశ్చాత్ ఇదం వాక్యం అబ్రవీత్ వాక్య కోవిదః |౩-౩౫-౪౨|
ఇతి వాల్మీకి రామాయణే ఆది కావ్యే అరణ్యకాండే పఞ్చత్రింశః సర్గః |౩-౩౫|
|
|
|
|
ఆర్తో అస్మి మమ చ ఆర్తస్య భవాన్ హి పరమా గతిః |౩-౩౬-౧|
జానీషే త్వం జనస్థానే భ్రాతా యత్ర ఖరో మమ |
దూషణః చ మహాబాహుః స్వసా శూర్పణఖా చ మే |౩-౩౬-౨|
త్రిశిరాః చ మహాతేజా రాక్షసః పిశిత అశనః |
అన్యే చ బహవః శూరా లబ్ధ లక్షా నిశాచరాః |౩-౩౬-౩|
వసంతి మత్ నియోగేన అధివాసం చ రాక్షసః |
బాధమానా మహారణ్యే మునీన్ యే ధర్మ చారిణః |౩-౩౬-౪|
చతుర్దశ సహస్రాణి రక్షసాం భీమ కర్మణాం |
శూరాణాం లబ్ధ లక్షాణాం ఖర చిత్త అనువర్తినాం |౩-౩౬-౫|
తే తు ఇదానీం జనస్థానే వసమానా మహాబలాః |
సంగతాః పరమ ఆయత్తా రామేణ సహ సంయుగే |౩-౩౬-౬|
నానా శస్త్ర ప్రహరణాః ఖర ప్రముఖ రాక్షసః |
తేన సంజాత రోషేణ రామేణ రణ మూర్ధని |౩-౩౬-౭|
అనుక్త్వా పరుషం కించిత్ శరైర్ వ్యాపారితం ధనుః |
చతుర్దశ సహస్రాణి రక్షసాం ఉగ్ర తేజసాం |౩-౩౬-౮|
నిహతాని శరైః దీప్తైః మానుషేణ పదాతినా |
ఖరః చ నిహతః సంఖ్యే దూషణః చ నిపాతితః |౩-౩౬-౯|
హత్వా త్రిశిరసం చ అపి నిర్భయా దణ్డకాః కృతాః |
పిత్రా నిరస్తః క్రుద్ధేన స భార్యః క్షీణ జీవితః |౩-౩౬-౧౦|
స హంతా తస్య సైన్యస్య రామః క్షత్రియ పాంసనః |
అశీలః కర్కశః తీక్ష్ణో మూర్ఖో లుబ్ధో అజిత ఇంద్రియః |౩-౩౬-౧౧|
త్యక్త ధర్మః తు అధర్మ ఆత్మా భూతానాం అహితే రతః |
యేన వైరం వినా అరణ్యే సత్త్వం ఆశ్రిత్య కేవలం |౩-౩౬-౧౨|
కర్ణ నాస అపహారేణ భగినీ మే విరూపితా |
తస్య భార్యాం జనస్థానాత్ సీతాం సుర సుత ఉపమాం |౩-౩౬-౧౩|
ఆనయిష్యామి విక్రమ్య సహాయః తత్ర మే భవ |
త్వయా హి అహం సహాయేన పార్శ్వస్థేన మహాబల |౩-౩౬-౧౪|
భ్రాతృభిః చ సురాన్ యుద్ధే సమగ్రాన్ న అభిచింతయే |
తత్ సహాయో భవ త్వం మే సమర్థో హి అసి రాక్షస |౩-౩౬-౧౫|
వీర్యే యుద్ధే చ దర్పే చ న హి అస్తి సదృశః తవ |
ఉపాయతో మహాన్ శూరో మహా మాయ విశారదః |౩-౩౬-౧౬|
ఏతత్ అర్థం అహం ప్రాప్తః త్వత్ సమీపం నిశాచర |
శృణు తత్ కర్మ సాహాయ్యే యత్ కార్యం వచనాత్ మమ |౩-౩౬-౧౭|
సౌవర్ణః త్వం మృగో భూత్వా చిత్రో రజత బిందుభిః |
ఆశ్రమే తస్య రామస్య సీతాయాః ప్రముఖే చర |౩-౩౬-౧౮|
త్వాం తు నిఃసంశయం సీతా దృష్ట్వా తు మృగ రూపిణం |
గృహ్యతాం ఇతి భర్తారం లక్ష్మణం చ అభిధాస్యతి |౩-౩౬-౧౯|
తతః తయోః అపాయే తు శూన్యే సీతాం యథా సుఖం |
నిరాబాధో హరిష్యామి రాహుః చంద్ర ప్రభాం ఇవ |౩-౩౬-౨౦|
తతః పశ్చాత్ సుఖం రామే భార్యా ఆహరణ కర్శితే |
విస్రబ్ధం ప్రహరిష్యామి కృత అర్థేన అంతర్ ఆత్మనా |౩-౩౬-౨౧|
తస్య రామ కథాం శ్రుత్వా మారీచస్య మహాత్మనః |
శుష్కం సమభవత్ వక్త్రం పరిత్రస్తో బభూవ చ |౩-౩౬-౨౨|
ఓష్టౌ పరిలిహన్ శుష్కౌ నేత్రైః అనిమిషైః ఇవ |
మృత భూత ఇవ ఆర్తః తు రావణం సముత్ ఈక్షతః |౩-౩౬-౨౩|
స రావణం త్రస్త విషణ్ణ చేతా
మహావనే రామ పరాక్రమజ్ఞః |
కృత అంజలిః తత్త్వం ఉవాచ వాక్యం
హితం చ తస్మై హితం ఆత్మనః చ |౩-౩౬-౨౪|
ఇతి వాల్మీకి రామాయణే ఆది కావ్యే అరణ్యకాండే షట్త్రింశః సర్గః |౩-౩౬|
|
|
|
|
ప్రత్యువాచ మహాప్రాజ్ఞో మారీచో రాక్షసేశ్వరం |౩-౩౭-౧|
సులభాః పురుషా రాజన్ సతతం ప్రియ వాదినః |
అప్రియస్య చ పథ్యస్య వక్తా శ్రోతా చ దుర్లభః |౩-౩౭-౨|
న నూనం బుధ్యసే రామం మహావీర్యం గుణ ఉన్నతం |
అయుక్త చారః చపలో మహేంద్ర వరుణ ఉపమం |౩-౩౭-౩|
అపి స్వస్తి భవేత్ తాత సర్వేషాం భువి రక్షసాం |
అపి రామో న సంక్రుద్ధః కుర్యాత్ లోకం అరాక్షసం |౩-౩౭-౪|
అపి తే జీవిత అంతాయ న ఉత్పన్నా జనకాత్మజా |
అపి సీతా నిమిత్తం చ న భవేత్ వ్యసనం మహత్ |౩-౩౭-౫|
అపి త్వాం ఈశ్వరం ప్రాప్య కామ వృత్తం నిరంకుశం |
న వినశ్యేత్ పురీ లంకా త్వయా సహ స రాక్షసా |౩-౩౭-౬|
త్వత్ విధః కామ వృత్తో హి దుఃశీలః పాప మంత్రితః |
ఆత్మానం స్వ జనం రాష్ట్రం స రాజా హంతి దుర్మతిః |౩-౩౭-౭|
న చ పిత్రా పరిత్యక్తో న అమర్యాదః కథంచన |
న లుబ్ధో న చ దుఃశీలో న చ క్షత్రియ పాంసనః |౩-౩౭-౮|
న చ ధర్మ గుణైర్ హీనైః కౌసల్యా ఆనంద వర్ధనః |
న చ తీక్ష్ణో హి భూతానాం సర్వ భూత హితే రతః |౩-౩౭-౯|
వంచితం పితరం దృష్ట్వా కైకేయ్యా సత్య వాదినం |
కరిష్యామి ఇతి ధర్మాత్మా తతః ప్రవ్రజితో వనం |౩-౩౭-౧౦|
కైకేయ్యాః ప్రియ కామార్థం పితుర్ దశరథస్య చ |
హిత్వా రాజ్యం చ భోగాన్ చ ప్రవిష్టో దణ్డకా వనం |౩-౩౭-౧౧|
న రామః కర్కశః తాత న అవిద్వాన్ న అజిత ఇంద్రియః |
అనృతం న శ్రుతం చైవ నైవ త్వం వక్తుం అర్హసి |౩-౩౭-౧౨|
రామో విగ్రహవాన్ ధర్మః సాధుః సత్య పరాక్రమః |
రాజా సర్వస్య లోకస్య దేవానాం ఇవ వాసవః |౩-౩౭-౧౩|
కథం ను తస్య వైదేహీం రక్షితాం స్వేన తేజసా |
ఇచ్ఛసే ప్రసభం హర్తుం ప్రభాం ఇవ వివస్వతః |౩-౩౭-౧౪|
శర అర్చిషం అనాధృష్యం చాప ఖడ్గ ఇంధనం రణే |
రామ అగ్నిం సహసా దీప్తం న ప్రవేష్టుం త్వం అర్హసి |౩-౩౭-౧౫|
ధనుర్ వ్యాదిత దీప్త ఆస్యం శర అర్చిషం అమర్షణం |
చాప బాణ ధరం తీక్ష్ణం శత్రు సేనా అపహారిణం |౩-౩౭-౧౬|
రాజ్యం సుఖం చ సంత్యజ్య జీవితం చ ఇష్టం ఆత్మనః |
న అతి ఆసాదయితుం తాత రామ అంతకం ఇహ అర్హసి |౩-౩౭-౧౭|
అప్రమేయం హి తత్ తేజో యస్య సా జనకాత్మజా |
న త్వం సమర్థః తాం హర్తుం రామ చాప ఆశ్రయాం వనే |౩-౩౭-౧౮|
తస్య వై నర సింహస్య సింహ ఉరస్కస్య భామినీ |
ప్రాణేభ్యో అపి ప్రియతరా భార్యా నిత్యం అనువ్రతా |౩-౩౭-౧౯|
న సా ధర్షయితుం శక్యా మైథిలీ ఓజస్వినః ప్రియా |
దీప్తస్య ఇవ హుత ఆశస్య శిఖా సీతా సుమధ్యమా |౩-౩౭-౨౦|
కిం ఉద్యమం వ్యర్థం ఇమం కృత్వా తే రాక్షసాధిప |
దృష్టః చేత్ త్వం రణే తేన తత్ అంతం తవ జీవితం |౩-౩౭-౨౧|
జీవితం చ సుఖం చైవ రాజ్యం చైవ సుదుర్లభం |
యత్ ఇచ్ఛసి చిరం భోక్తుం మా కృథా రామ విప్రియం |౩-౩౭-౨౨|
స సర్వైః సచివైః సార్ధం విభీషణ పురస్కృతైః |
మంత్రయిత్వా తు ధర్మిష్ఠైః కృత్వా నిశ్చయం ఆత్మనః |
దోషాణాం చ గుణానాం చ సంప్రధార్య బల అబలం |౩-౩౭-౨౩|
ఆత్మనః చ బలం జ్ఞాత్వా రాఘవస్య చ తత్త్వతః |
హితం హి తవ నిశ్చిత్య క్షమం త్వం కర్తుం అర్హసి |౩-౩౭-౨౪|
అహం తు మన్యే తవ న క్షమం రణే
సమాగమం కోసల రాజ సూనునా |
ఇదం హి భూయః శృణు వాక్యం ఉత్తమం
క్షమం చ యుక్తం చ నిశాచర అధిప |౩-౩౭-౨౫|
ఇతి వాల్మీకి రామాయణే ఆది కావ్యే అరణ్యకాండే సప్తత్రింశః సర్గః |౩-౩౭|
Om Tat Sat
(Continued
....)
0 comments:
Post a Comment