|
|
|
|
తృణం అంతరతః కృత్వా రావణం ప్రతి అభాషత |౩-౫౬-౧|
రాజా దశరథో నామ ధర్మ సేతుః ఇవ అచలః |
సత్య సంధః పరిజ్ఞాతో యస్య పుత్రః స రాఘవః |౩-౫౬-౨|
రామో నామ స ధర్మాత్మా త్రిషు లోకేషు విశ్రుతః |
దీర్ఘ బాహుః విశాలాక్షో దైవతం స పతిః మమ |౩-౫౬-౩|
ఇక్ష్వాకూణాం కులే జాతః సింహ స్కంధో మహాద్యుతిః |
లక్ష్మణేన సహ భ్రాత్రా యః తే ప్రాణాన్ హరిష్యతి |౩-౫౬-౪|
ప్రత్యక్షం యది అహం తస్య త్వయా స్యాం ధర్షితా బలాత్ |
శయితా త్వం హతః సంఖ్యే జనస్థానే యథా ఖరః |౩-౫౬-౫|
య ఏతే రాక్షసాః ప్రోక్తా ఘోర రూపా మహాబలాః |
రాఘవే నిర్విషాః సర్వే సుపర్ణే పన్నగా యథా |౩-౫౬-౬|
తస్య జ్యా విప్రముక్తాః తే శరాః కాంచన భూషణాః |
శరీరం విధమిష్యంతి గంగా కూలం ఇవ ఊర్మయః |౩-౫౬-౭|
అసురైః వా సురైః వా త్వం యది అవధ్యో అసి రావణ |
ఉత్పాద్య సుమహత్ వైరం జీవన్ తస్య న మోక్ష్యసే |౩-౫౬-౮|
స తే జీవిత శేషస్య రాఘవో అంత కరో బలీ |
పశోః యూప గతస్య ఇవ జీవితం తవ దుర్లభం |౩-౫౬-౯|
యది పశ్యేత్ స రామః త్వాం రోష దీప్తేన చక్షుషా |
రక్షః త్వం అద్య నిర్దగ్ధో యథా రుద్రేణ మన్మధః |౩-౫౬-౧౦|
యః చంద్రం నభసో భూమౌ పాతయేన్ నాశయేత వా |
సాగరం శోషయేత్ వా అపి స సీతాం మోచయేత్ ఇహ |౩-౫౬-౧౧|
గత ఆయుః త్వం గత శ్రీకః గత సత్త్వో గత ఇంద్రియః |
లంకా వైధవ్య సంయుక్తా త్వత్ కృతేన భవిష్యతి |౩-౫౬-౧౨|
న తే పాపం ఇదం కర్మ సుఖ ఉదర్కం భవిష్యతి |
యా అహం నీతా వినా భావం పతి పార్శ్వాత్ త్వయా వనాత్ |౩-౫౬-౧౩|
స హి దేవర - దైవత - సంయుక్తో మమ భర్తా మహాద్యుతిః |
నిర్భయో వీర్యం ఆశ్రిత్య శూన్యే వసతి దణ్డకే |౩-౫౬-౧౪|
స తే వీర్యం దర్పం బలం ఉత్సేకం చ తథా విధం |
అపనేష్యతి గాత్రేభ్యః శర వర్షేణ సంయుగే |౩-౫౬-౧౫|
యదా వినాశో భూతానాం దృశ్యతే కాల చోదితః |
తదా కార్యే ప్రమాద్యంతి నరాః కాల వశం గతాః |౩-౫౬-౧౬|
మాం ప్రధృష్య స తే కాలః ప్రాప్తో అయం రక్షస అధమ |
ఆత్మనో రాక్షసానాం చ వధాయ అంతః పురస్య చ |౩-౫౬-౧౭|
న శక్యా యజ్ఞ మధ్యస్థా వేదిః స్రుక్ భాణ్డ మణ్డితా |
ద్విజాతి మంత్ర సంపూతా చణ్డాలేన అవమర్దితుం |౩-౫౬-౧౮|
తథా అహం ధర్మ నిత్యస్య ధర్మ పత్నీ దృఢ వ్రతా |
త్వయా సంప్రష్టుం న శక్యా అహం రాక్షసాధమ పాపినా |౩-౫౬-౧౯|
క్రీడంతీ రాజ హంసేన పద్మ షండేషు నిత్యశః |
హంసీ సా తృణ షణ్డస్థం కథం ద్రక్షేత మద్గుకం |౩-౫౬-౨౦|
ఇదం శరీరం నిఃసంజ్ఞం బంధ వా ఘాతయస్వ వా |
న ఇదం శరీరం రక్ష్యం మే జీవితం వా అపి రాక్షస |౩-౫౬-౨౧|
న తు శక్యామి ఉపక్రోశం పృథివ్యాం ధాతుం ఆత్మనః |
ఏవం ఉక్త్వా తు వైదేహీ క్రోద్ధాత్ సు పరుషం వచః |౩-౫౬-౨౨|
రావణం మైథిలీ తత్ర పునః న ఉవాచ కించన |
సీతాయా వచనం శ్రుత్వా పరుషం రోమ హర్షణం |౩-౫౬-౨౩|
ప్రతి ఉవాచ తతః సీతాం భయ సందర్శనం వచః |
శృణు మైథిలి మత్ వాక్యం మాసాన్ ద్వాదశ భామిని |౩-౫౬-౨౪|
కాలేన అనేన న అభ్యేషి యది మాం చారు హాసిని |
తతః త్వాం ప్రాతః ఆశా అర్థం సూదాః ఛేత్స్యంతి లేశశః |౩-౫౬-౨౫|
ఇతి ఉక్త్వా పరుషం వాక్యం రావణః శత్రు రావణః |
రాక్షసీః చ తతః క్రుద్ధ ఇదం వచనం అబ్రవీత్ |౩-౫౬-౨౬|
శీఘ్రం ఏవ హి రాక్షస్యో వికృతా ఘోర దర్శనాః |
దర్పం అస్యా అపనేష్యంతు మాంస శోణిత భోజనాః |౩-౫౬-౨౭|
వచనాత్ ఏవ తాః తస్య వికృతా ఘోర దర్శనాః |
కృత ప్రాంజలయో భూత్వా మైథిలీం పర్యవారయన్ |౩-౫౬-౨౮|
స తాః ప్రోవాచ రాజా తు రావణో ఘోర దర్శనాః |
ప్రచాల్య చరణ ఉత్కర్షైః దారయన్ ఇవ మేదినీం |౩-౫౬-౨౯|
అశోక వనికా మధ్యే మైథిలీ నీయతాం ఇతి |
తత్ర ఇయం రక్ష్యతాం గూఢం యుష్మాభిః పరివారితా |౩-౫౬-౩౦|
తత్ర ఏనాం తర్జనైః ఘోరైః పునః సాంత్వైః చ మైథిలీం |
ఆనయధ్వం వశం సర్వా వన్యాం గజ వధూం ఇవ |౩-౫౬-౩౧|
ఇతి ప్రతి సమాదిష్టా రాక్షస్యో రావణేన తాః |
అశోక వనికాం జగ్ముః మైథిలీం పరిగృహ్య తు |౩-౫౬-౩౨|
సర్వకామఫలైర్వృక్షైర్నానాపుష్పఫలైర్వృతాం - యద్వా -
సర్వ కామ ఫలైః వృక్షైః నానా పుష్ప ఫలైః వృతాం |
సర్వ కాల మదైః చ అపి ద్విజైః సముపసేవితాం |౩-౫౬-౩౩|
సా తు శోక పరీత అంగీ మైథిలీ జనకాత్మజా |
రాక్షసీ వశం ఆపన్నా వ్యాఘ్రీణాం హరిణీ యథా |౩-౫౬-౩౪|
శోకేన మహతా గ్రస్తా మైథిలీ జనకాత్మజా |
న శర్మ లభతే భీరుః పాశ బద్ధా మృగీ యథా |౩-౫౬-౩౫|
న విందతే తత్ర తు శర్మ మైథిలీ
విరూప నేత్రాభిః అతీవ తర్జితా |
పతిం స్మరంతీ దయితం చ దేవరం
విచేతనా అభూత్ భయ శోక పీడితా |౩-౫౬-౩౬|
ఇతి వాల్మీకి రామాయణే ఆది కావ్యే అరణ్యకాండే షట్పఞ్చాశః సర్గః |౩-౫౬|
|
|
|
|
నిహత్య రామో మారీచం తూర్ణం పథి న్యవర్తత |౩-౫౭-౧|
తస్య సంత్వరమాణస్య ద్రష్టు కామస్య మైథిలీం |
క్రూర స్వరో అథ గోమాయుః విననాద అస్య పృష్ఠతః |౩-౫౭-౨|
స తస్య స్వరం ఆజ్ఞాయ దారుణం రోమ హర్షణం |
చింతయామాస గోమాయోః స్వరేణ పరిశంకితః |౩-౫౭-౩|
అశుభం బత మన్యే అహం గోమాయుః వాశ్యతే యథా |
స్వస్తి స్యాత్ అపి వైదేహ్యా రాక్షసైః భక్షణం వినా |౩-౫౭-౪|
మారీచేన తు విజ్ఞాయ స్వరం ఆలక్ష్య మామకం |
విక్రుష్టం మృగ రూపేణ లక్ష్మణః శృణుయాత్ యది |౩-౫౭-౫|
స సౌమిత్రిః స్వరం శ్రుత్వా తాం చ హిత్వా అథ మైథిలీం |
తయా ఏవ ప్రహితః క్షిప్రం మత్ సకాశం ఇహ ఏష్యతి |౩-౫౭-౬|
రాక్షసైః సహితైర్ నూనం సీతాయా ఈప్సితో వధః |
కాంచనః చ మృగో భూత్వా వ్యపనీయ ఆశ్రమాత్ తు మాం |౩-౫౭-౭|
దూరం నీత్వా అథ మారీచో రాక్షసో అభూత్ శర ఆహతః |
హా లక్ష్మణ హతో అస్మి ఇతి యత్ వాక్యం వ్యజహార హ |౩-౫౭-౮|
అపి స్వస్తి భవేత్ ద్వాభ్యాం రహితాభ్యాం మయా వనే |
జనస్థాన నిమిత్తం హి కృత వైరో అస్మి రాక్షసైః |౩-౫౭-౯|
నిమిత్తాని చ ఘోరాణి దృశ్యంతే అద్య బహూని చ |
ఇతి ఏవం చింతయన్ రామః శ్రుత్వా గోమాయు నిఃస్వనం |౩-౫౭-౧౦|
నివర్తమానః త్వరితో జగామ ఆశ్రమం ఆత్మవాన్ |
ఆత్మనః చ అపనయనం మృగ రూపేణ రక్షసా |౩-౫౭-౧౧|
ఆజగామ జనస్థానం రాఘవః పరిశంకితః |
తం దీన మానసం దీనం ఆసేదుః మృగ పక్షిణః |౩-౫౭-౧౨|
సవ్యం కృత్వా మహాత్మానం ఘోరాం చ ససృజుః స్వరాన్ |
తాని దృష్ట్వా నిమిత్తాని మహాఘోరాణి రాఘవః |
న్యవర్తత అథ త్వరితో జవేన ఆశ్రమం ఆత్మనః |౩-౫౭-౧౩|
తతో లక్షణం ఆయాంతం దదర్శ విగత ప్రభం |
తతో అవిదూరే రామేణ సమీయాయ స లక్ష్మణః |౩-౫౭-౧౪|
విషణ్ణః స విషణ్ణేన దుఃఖితో దుఃఖ భాగినా |
సంజగర్హే అథ తం భ్రాతా దృష్టా లక్ష్మణం ఆగతం |౩-౫౭-౧౫|
విహాయ సీతాం విజనే వనే రాక్షస సేవితే |
గృహీత్వా చ కరం సవ్యం లక్ష్మణం రఘునందనః |౩-౫౭-౧౬|
ఉవాచ మధుర ఉదర్కం ఇదం పరుషం ఆర్తవత్ |
అహో లక్ష్మణ గర్హ్యం తే కృతం యః త్వం విహాయ తాం |౩-౫౭-౧౭|
సీతాం ఇహ ఆగతః సౌమ్య కచ్చిత్ స్వస్తి భవేత్ ఇతి |
న మే అస్తి సంశయో వీర సర్వథా జనకాత్మజా |౩-౫౭-౧౮|
వినష్టా భక్షితా వా అప రాక్షసైః వన చారిభిః |
అశుభాని ఏవ భూయిష్ఠం యథా ప్రాదుర్ భవంతి మే |౩-౫౭-౧౯|
అపి లక్ష్మణ సీతాయాః సామగ్ర్యం ప్రాప్నుయావహే |
జీవంత్యాః పురుషవ్యాఘ్ర సుతాయా జనక్స్య వై |౩-౫౭-౨౦|
యథా వై మృగ సంఘాఃఅ గోమాయుః చ భైరవం |
వాశ్యంతే శకునాః చ అపి ప్రదీప్తాం అభితో దిశం |
అపి స్వస్తి భవేత్ తస్యా రాజ పుత్ర్యా మహాబల |౩-౫౭-౨౧|
ఇదం హి రక్షో మృగ సంనికాశం
ప్రలోభ్య మాం దూరం అనుప్రయాతం |
హతం కథంచిత్ మహతా శ్రమేణ
స రాక్షసో అభూత్ మ్రియమాణ ఏవ |౩-౫౭-౨౨|
మనః చ మే దీనం ఇహ అప్రహృష్టం
చక్షుః చ సవ్యం కురుతే వికారం |
అసంశయం లక్ష్మణ న అస్తి సీతా
హృతా మృతా వా పథి వర్తతే వా |౩-౫౭-౨౩|
ఇతి వాల్మీకి రామాయణే ఆది కావ్యే అరణ్యకాండే సప్తపఞ్చాశః సర్గః |౩-౫౭|
|
|
|
|
పర్యపృచ్ఛత ధర్మాత్మా వైదేహీం ఆగతం వినా |౩-౫౮-౧|
ప్రస్థితం దణ్డక అరణ్యం యా మాం అనుజగామ హ |
క్వ సా లక్ష్మణ వైదేహీ యాం హిత్వా త్వం ఇహ ఆగతః |౩-౫౮-౨|
రాజ్య భ్రష్టస్య దీనస్య దణ్డకాన్ పరిధావతః |
క్వ సా దుఃఖ సహాయా మే వైదేహీ తను మధ్యమా |౩-౫౮-౩|
యాం వినా న ఉత్సహే వీర ముహూర్తం అపి జీవితుం |
క్వ సా ప్రాణ సహాయా మే సీతా సుర సుత ఉపమా |౩-౫౮-౪|
పతిత్వం అమరాణాం వా పృథివ్యాః చ అపి లక్ష్మణ |
వినా తాం తపనీయ ఆభాం న ఇచ్ఛేయం జనక ఆత్మజాం |౩-౫౮-౫|
కచ్చిత్ జీవతి వైదేహీ ప్రాణైః ప్రియతరా మమ |
కచ్చిత్ ప్రవ్రాజనం వీర న మే మిథ్యా భవిష్యతి |౩-౫౮-౬|
సీతా నిమిత్తం సౌమిత్రే మృతే మయి గతే త్వయి |
కచ్చిత్ స కామా సుఖితా కైకేయీ సా భవిష్యతి |౩-౫౮-౭|
స పుత్ర రాజ్యాం సిద్ధ అర్థాం మృత పుత్రా తపస్వినీ |
ఉపస్థాస్యతి కౌసల్యా కచ్చిత్ సౌమ్యేన - సౌమ్య న - కైకయీం |౩-౫౮-౮|
యది జీవతి వైదేహీ గమిష్యామ్య్ ఆశ్రమం పునః |
సువృత్తా యది వృత్తా సా ప్రాణాన్ త్యక్ష్యామి లక్ష్మణ |౩-౫౮-౯|
యది మాం ఆశ్రమ గతం వైదేహీ న అభిభాషతే |
పునః ప్రహసితా సీతా వినశిష్యామి లక్ష్మణ |౩-౫౮-౧౦|
బ్రూహి లక్ష్మణ వైదేహీ యది జీవతి వా న వా |
త్వయి ప్రమత్తే రక్షోభిః భక్షితా వా తపస్వినీ |౩-౫౮-౧౧|
సుకుమారీ చ బాలా చ నిత్యం చ అదుఃఖ దర్శినీ |
మత్ వియోగేన వైదేహీ వ్యక్తం శోచతి దుర్మనాః |౩-౫౮-౧౨|
సర్వథా రక్షసా తేన జిహ్మేన సుదురాత్మనా |
వదతా లక్ష్మణ ఇతి ఉచ్‌ఛైః తవ అపి జనితం భయం |౩-౫౮-౧౩|
శ్రుతః చ మన్యే వైదేహ్యా స స్వరః సదృశో మమ |
త్రస్తయా ప్రేషితః త్వం చ ద్రష్టుం మాం శీఘ్రం ఆగతః |౩-౫౮-౧౪|
సర్వథా తు కృతం కష్టం సీతాం ఉత్సృజతా వనే |
ప్రతికర్తుం నృశంసానాం రక్షసాం దత్తం అంతరం |౩-౫౮-౧౫|
దుఃఖితాః ఖర ఘాతేన రాక్షసాః పిశిత అశనాః |
తైః సీతా నిహతా ఘోరైః భవిష్యతి న సంశయః |౩-౫౮-౧౬|
అహో అస్మి వ్యసనే మగ్నః సర్వథా రిపు నాశన |
కిం తు ఇదానీం కరిష్యామి శంకే ప్రాప్తవ్యం ఈదృశం |౩-౫౮-౧౭|
ఇతి సీతాం వరారోహాం చింతయన్ ఏవ రాఘవః |
ఆజగామ జన స్థానం త్వరయా సహ లక్ష్మణః |౩-౫౮-౧౮|
విగర్హమాణో అనుజం ఆర్త రూపం
క్షుధా శ్రమేణ ఏవ పిపాసయా చ |
వినిఃశ్వసన్ శుష్క ముఖో విషణ్ణః
ప్రతిశ్రయం ప్రాప్య సమీక్ష్య శూన్యం |౩-౫౮-౧౯|
స్వం ఆశ్రమం స ప్రవిగాహ్య వీరో
విహార దేశాన్ అనుసృత్య కాంశ్చిత్ |
ఏతత్ తత్ ఇతి ఏవ నివాస భూమౌ
ప్రహృష్ట రోమా వ్యథితో బభూవ |౩-౫౮-౨౦|
ఇతి వాల్మీకి రామాయణే ఆది కావ్యే అరణ్యకాండే అష్టపఞ్చాశః సర్గః |౩-౫౮|
|
|
|
|
పరిపప్రచ్ఛ సౌమిత్రిం రామో దుఃఖ అర్దితః పునః |౩-౫౯-౧|
తం ఉవాచ కిం అర్థం త్వం ఆగతో అపాస్య మైథిలీం |
యదా సా తవ విశ్వాసాత్ వనే విహరితా మయా |౩-౫౯-౨|
దృష్ట్వా ఏవ అభ్యాగతం త్వాం మే మైథిలీం త్యజ్య లక్ష్మణ |
శంకమానం మహత్ పాపం యత్ సత్యం వ్యథితం మనః |౩-౫౯-౩|
స్ఫురతే నయనం సవ్యం బాహుః చ హృదయం చ మే |
దృష్ట్వా లక్ష్మణ దూరే త్వాం సీతా విరహితం పథి |౩-౫౯-౪|
ఏవం ఉక్తః తు సౌమిత్రిః లక్ష్మణః శుభ లక్షణః |
భూయో దుఃఖ సంఆవిష్టో దుఃఖితం రామం అబ్రవీ|౩-౫౯-౫|
న స్వయం కామ కారేణ తాం త్యక్త్వా అహం ఇహ ఆగతః |
ప్రచోదితస్తయైవోగ్రైత్వత్సకాశమిహాగతః - యద్వా -
ప్రచోదితః తయా ఏవ ఉగ్రైః త్వత్ సకాశం ఇహ ఆగతః |౩-౫౯-౬|
ఆర్యేణ ఏవ పరిక్రుష్టం - పరాక్రుష్టం - హా సీతే లక్ష్మణ ఇతి చ |
పరిత్రాహి ఇతి యత్ వాక్యం మైథిల్యాః తత్ శ్రుతిం గతం |౩-౫౯-౭|
సా తం ఆర్త స్వరం శ్రుత్వా తవ స్నేహేన మైథిలీ |
గచ్ఛ గచ్ఛ ఇతి మాం ఆహ రుదంతీ భయ - విక్లవా - విహ్వలా |౩-౫౯-౮|
ప్రచోద్యమానేన మయా గచ్ఛ ఇతి బహుశః తయా |
ప్రత్యుక్తా మైథిలీ వాక్యం ఇదం తత్ ప్రత్యయ అన్వితం |౩-౫౯-౯|
న తత్ పశ్యామి అహం రక్షో యత్ అస్య భయం ఆవహేత్ |
నిర్వృతా భవ న అస్తి ఏతత్ కేన అపి ఏవం ఉదాహృతం |౩-౫౯-౧౦|
విగర్హితం చ నీచం చ కథం ఆర్యో అభిధాస్యతి |
త్రాహి ఇతి వచనం సీతే యః త్రాయేత్ త్రిదశాన్ అపి |౩-౫౯-౧౧|
కిం నిమిత్తం తు కేన అపి భ్రాతుః ఆలంబ్య మే స్వరం |
విస్వరం వ్యాహృతం వాక్యం లక్ష్మణ త్రాహి మాం ఇతి |౩-౫౯-౧౨|
రాక్షసేన ఈరితం వాక్యం త్రసాత్ త్రాహి ఇతి శోభనే |
న భవత్యా వ్యథా కార్యా కునారీ జన సేవితా |౩-౫౯-౧౩|
అలం వైక్లవతాం గంతుం స్వస్థా భవ నిర్ ఉత్సుకా |
న చ అస్తి త్రిషు లోకేషు పుమాన్ యో రాఘవం రణే |౩-౫౯-౧౪|
జాతో వా జాయమానో వా సంయుగే యః పరాజయేత్ |
అజేయో రాఘవో యుద్ధే దేవైః శక్ర పురోగమైః |౩-౫౯-౧౫|
ఏవం ఉక్తా తు వైదేహీ పరిమోహిత చేతనా |
ఉవాచ అశ్రూణి ముంచంతీ దారుణం మాం ఇదం వచః |౩-౫౯-౧౬|
భావో మయి తవ అత్యర్థం పాప ఏవ నివేశితః |
వినష్టే భ్రాతరి ప్రాప్తుం న చ త్వం మాం అవాప్స్యసి |౩-౫౯-౧౭|
సంకేతాత్ భరతేన త్వం రామం సమనుగచ్ఛసి |
క్రోశంతం హి యథా అత్యర్థం న ఏనం అభ్యవపద్యసే |౩-౫౯-౧౮|
రిపుః ప్రచ్ఛన్న చారీ త్వం మత్ అర్థం అనుగచ్ఛసి |
రాఘవస్య అంతర ప్రేప్సుః తథా ఏనం న అభిపద్యసే |౩-౫౯-౧౯|
ఏవం ఉక్తో హి వైదేహ్యా సంరబ్ధో రక్త లోచనః |
క్రోధాత్ ప్రస్ఫురమాణ ఓష్ఠ ఆశ్రమాత్ అభినిర్గతః |౩-౫౯-౨౦|
ఏవం బ్రువాణం సౌమిత్రిం రామః సంతాప మోహితః |
అబ్రవీత్ దుష్కృతం సౌమ్య తాం వినా యత్ త్వం ఆగతః |౩-౫౯-౨౧|
జానన్ అపి సమర్థం మాం రక్షసాం అపవారణే |
అనేన క్రోధ వాక్యేన మైథిల్యా నిర్గతో భవాన్ |౩-౫౯-౨౨|
న హి తే పరితుష్యామి త్యక్త్వా యత్ యాసి మైథిలీం |
క్రుద్ధాయాః పరుషం శ్రుత్వా స్త్రియా యత్ త్వం ఇహ ఆగతః |౩-౫౯-౨౩|
సర్వథా తు అపనీతం తే సీతయా యత్ ప్రచోదితః |
క్రోధస్య వశం ఆగమ్య న అకరోః శాసనం మమ |౩-౫౯-౨౪|
అసౌ హి రాక్షసః శేతే శరేణ అభిహతో మయా |
మృగ రూపేణ యేన అహం ఆశ్రమాత్ అపవాహితః |౩-౫౯-౨౫|
వికృష్య చాపం పరిధాయ సాయకం
స లీల బాణేన చ తాడితో మయా |
మార్గీం తనుం త్యజ్య చ విక్లవ స్వరో
బభూవ కేయూర ధరః స రాక్షసః |౩-౫౯-౨౬|
శర ఆహతేన ఏవ తదా ఆర్తయా గిరా
స్వరం మమ ఆలంబ్య సు దూర సు శ్రవం |
ఉదాహృతం తత్ వచనం సు దారుణం
త్వం ఆగతో యేన విహాయ మైథిలీం |౩-౫౯-౨౭|
ఇతి వాల్మీకి రామాయణే ఆది కావ్యే అరణ్యకాండే ఏకోనషష్ఠితమః సర్గః |౩-౫౯|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment