|
|
|
|
గచ్ఛావః ఇతి అబ్రవీత్ దీనో భయాత్ రాత్రిం చర ప్రభోః |౩-౪౨-౧|
దృష్టాః చ అహం పునః తేన శర చాప అసి ధారిణా |
మద్వధో ఉద్యత శస్త్రేణ వినష్టం జీవితం చ మే |౩-౪౨-౨|
న హి రామం పరాక్రమ్య జీవన్ ప్రతి నివర్తతే |
వర్తతే ప్రతి రూపో అసౌ యమ దణ్డ హతస్య తే |౩-౪౨-౩|
కిం ను కర్తుం మయా శక్యం ఏవం త్వయి దురాత్మని |
ఏష గచ్ఛామి అహం తాత స్వస్తి తే అస్తు నిశాచరః |౩-౪౨-౪|
ప్రహృష్టః తు అభవత్ తేన వచనేన స రాక్షసః |
పరిష్వజ్య సుసంశ్లిష్టం ఇదం వచనం అబ్రవీత్ |౩-౪౨-౫|
ఏతత్ శౌణ్డీర్య - చౌత్తిర్య -న్యుక్తం తే మత్ చ్ఛంద వశ వర్తినః |
ఇదానీం అసి మారీచః పూర్వం అన్యో నిశాచరః |౩-౪౨-౬|
ఆరుహ్యతాం శీఘ్రం ఖగో రత్న విభూషితః |
మయా సహ రథో యుక్తః పిశాచ వదనైః ఖరైః |౩-౪౨-౭|
ప్రలోభయిత్వా వైదేహీం యథా ఇష్టం గంతుం అర్హసి |
తాం శూన్యే ప్రసభం సీతాం ఆనయిష్యామి మైథిలీం |౩-౪౨-౮|
తథా ఇతి ఉవాచ ఏనం రావణం తాటకా సుతః |
తతో రావణ మారీచౌ విమానం ఇవ తం రథం |౩-౪౨-౯|
ఆరుహ్య యయతుః శీఘ్రం తస్మాత్ ఆశ్రమ మణ్డలాత్ |
తథైవ తత్ర పశ్యంతౌ పత్తనాని వనాని చ |౩-౪౨-౧౦|
గిరీం చ సరితాః సర్వా రాష్ట్రాణి నగరాణి చ |
సమేత్య దణ్డక అరణ్యం రాఘవస్య ఆశ్రమం తతః |౩-౪౨-౧౧|
దదర్శ సహ మరీచో రావణో రాక్షసాధిపః |
అవతీర్య రథాత్ తస్మాత్ తతః కాంచన భూషణాత్ |౩-౪౨-౧౨|
హస్తే గృహీత్వా మారీచం రావణో వాక్యం అబ్రవీత్ |
ఏతత్ రామ ఆశ్రమ పదం దృశ్యతే కదలీ వృతం |౩-౪౨-౧౩|
క్రియతాం తత్ సఖే శీఘ్రం యత్ అర్థం వయం ఆగతాః |
స రావణ వచః శ్రుత్వా మారీచో రాక్షసః తదా |౩-౪౨-౧౪|
మృగో భూత్వా ఆశ్రమ ద్వారి రామస్య విచచార హ |
స తు రూపం సమాస్థాయ మహత్ అద్భుత దర్శనం |౩-౪౨-౧౫|
మణిప్రవర శృంగాగ్రః సిత అసిత ముఖాకృతిః |
రక్తపద్మోత్పల ముఖ ఇంద్రనీలోత్పల శ్రవాః |౩-౪౨-౧౬|
కించిత్ అభ్యున్నత గ్రీవ ఇంద్రనీల నిభ ఉదరః |
మధూక నిభ పార్శ్వః చ కంజ కింజల్క సమ్నిభః |౩-౪౨-౧౭|
వైదూర్య సంకాశ ఖురః తను జంఘః సుసంహతః |
ఇంద్ర ఆయుధ సవర్ణేన పుచ్ఛేన ఊర్ధ్వం విరాజితః |౩-౪౨-౧౮|
మనోహర స్నిగ్ధ వర్ణో రత్నైః నానా విధైః వృతః |
క్షణేన రాక్షసో జాతో మృగః పరమ శోభనః |౩-౪౨-౧౯|
వనం ప్రజ్వలయన్ రమ్యం రామ ఆశ్రమ పదం చ తత్ |
మనోహరం దర్శనీయం రూపం కృత్వా స రాక్షసః |౩-౪౨-౨౦|
ప్రలోభనార్థం వైదేహ్యా నానా ధాతు విచిత్రితం |
విచరన్ గచ్ఛతే సమ్యక్ శాద్వలాని సమంతతః |౩-౪౨-౨౧|
రోప్యైః బిందు శతైః చిత్రో భూత్వా చ ప్రియ దర్శనః |
విటపీనాం కిసలయాన్ భక్షయన్ విచచార హ |౩-౪౨-౨౨|
కదలీ గృహకం గత్వా కర్ణికారాని తతః తతః |
సమాశ్రయన్ మందగతిః సీతా సందర్శనం తతః |౩-౪౨-౨౩|
రాజీవ చిత్ర పృష్ఠః స విరరాజ మహామృగః |
రామ ఆశ్రమ పద అభ్యాశే విచచార యథా సుఖం |౩-౪౨-౨౪|
పునర్ గత్వా నివృత్తః చ విచచార మృగోత్తమః |
గత్వా ముహూర్తం త్వరయా పునః ప్రతి నివర్తతే |౩-౪౨-౨౫|
విక్రీడన్ చ పునర్ భూమౌ పునర్ ఏవ నిషీదతి |
ఆశ్రమ ద్వారం ఆగమ్య మృగ యూథాని గచ్ఛతి |౩-౪౨-౨౬|
మృగ యూథైః అనుగతః పునర్ ఏవ నివర్తతే |
సీతా దర్శనం ఆకాంక్షన్ రాక్షసో మృగతాం గతః |౩-౪౨-౨౭|
పరిభ్రమతి చిత్రాణి మణ్డలాని వినిష్పతన్ |
సముద్వీక్ష్య చ సర్వే తం మృగా యే అన్యే వనేచరాః |౩-౪౨-౨౮|
ఉపగమ్య సమాఘ్రాయ విద్రవంతి దిశో దశ |
రాక్షసః సో అపి తాన్ వన్యాన్ మృగాన్ మృగవధే రతః |౩-౪౨-౨౯|
ప్రచ్ఛాదనార్థం భావస్య న భక్షయతి సంస్పృశన్ |
తస్మిన్ ఏవ తతః కాలే వైదేహీ శుభలోచనా |౩-౪౨-౩౦|
కుసుమ అపచయే వ్యగ్రా పాదపాన్ అభ్యవర్తత |
కర్ణికారాన్ అశోకాన్ చ చూతాం చ మదిరేక్షణా |౩-౪౨-౩౧|
కుసుమాని అపచిన్వంతీ చచార రుచిరాననా |
అనర్హా అరణ్య వాసస్య సా తం రత్నమయం మృగం |౩-౪౨-౩౨|
ముక్తా మణి విచిత్ర అంగం దదర్శ పరమ అంగనా |
తం వై రుచిర దంత ఓష్ఠం రూప్య ధాతు తనూ రుహం |౩-౪౨-౩౩|
విస్మయాత్ ఉత్ఫుల్ల నయనా స స్నేహం సముదైక్షత |
స చ తాం రామ దయితాం పశ్యన్ మాయామయో మృగః |౩-౪౨-౩౪|
విచచార తతః తత్ర దీపయన్ ఇవ తత్ వనం |
అదృష్ట పూర్వం దృష్ట్వా తం నానా రత్నమయం మృగం |
విస్మయం పరమం సీతా జగామ జనక ఆత్మజా |౩-౪౨-౩౫|
ఇతి వాల్మీకి రామాయణే ఆది కావ్యే అరణ్యకాండే ద్విచత్వారింశః సర్గః |౩-౪౨|
|
|
|
|
హేమ రాజత వర్ణాభ్యాం పార్శ్వాభ్యాం ఉపశోభితం |౩-౪౩-౧|
ప్రహృష్టా చ అనవద్యాంగీ మృష్ట హాటక వర్ణినీ |
భర్తారం అపి చ ఆక్రంద లక్ష్మణం చైవ సాయుధం |౩-౪౩-౨|
ఆహూయ ఆహూయ చ పునః తం మృగం సాధు వీక్షతే |
ఆగచ్ఛ ఆగచ్ఛ శీఘ్రం వై ఆర్యపుత్ర సహ అనుజ |౩-౪౩-౩|
తయా ఆహూతౌ నరవ్యాఘ్రౌ వైదేహ్యా రామ లక్ష్మణౌ |
వీక్షమాణౌ తు తం దేశం తదా దదృశతుః మృగం |౩-౪౩-౪|
శంకమానః తు తం దృష్ట్వా లక్ష్మణో రామం అబ్రవీత్ |
తం ఏవ ఏనం అహం మన్యే మారీచం రాక్షసం మృగం |౩-౪౩-౫|
చరంతో మృగయాం హృష్టాః పాపేన ఉపాధినా వనే |
అనేన నిహతా రామ రాజానః కామ రూపిణా |౩-౪౩-౬|
అస్య మాయావిదో మాయా మృగ రూపం ఇదం కృతం |
భానుమత్ పురుషవ్యాఘ్ర గంధర్వ పుర సంనిభం |౩-౪౩-౭|
మృగో హి ఏవం విధో రత్న విచిత్రో న అస్తి రాఘవ |
జగత్యాం జగతీనాథ మాయా ఏషా హి న సంశయః |౩-౪౩-౮|
ఏవం బ్రువాణం కాకుత్స్థం ప్రతివార్య శుచి స్మితా |
ఉవాచ సీతా సంహృష్టా చద్మనా హృత చేతనా |౩-౪౩-౯|
ఆర్యపుత్ర అభిరామో అసౌ మృగో హరతి మే మనః |
ఆనయ ఏనం మహాబాహో క్రీడార్థం నః భవిష్యతి |౩-౪౩-౧౦|
ఇహ ఆశ్రమ పదే అస్మాకం బహవః పుణ్య దర్శనాః |
మృగాః చరంతి సహితాః చమరాః సృమరాః తథా |౩-౪౩-౧౧|
ఋక్షాః పృషత సంఘాః చ వానరాః కినరాః తథా |
విచరంతి మహాబాహో రూప శ్రేష్ఠా మహాబలాః |౩-౪౩-౧౨|
న చ అస్య సదృశో రాజన్ దృష్ట పూర్వో మృగః మయా |
తేజసా క్షమయా దీప్త్యా యథా అయం మృగ సత్తమః |౩-౪౩-౧౩|
నానా వర్ణ విచిత్ర అంగో రత్న భూతో మమ అగ్రతః |
ద్యోతయన్ వనం అవ్యగ్రం శోభతే శశి సంనిభః |౩-౪౩-౧౪|
అహో రూపం అహో లక్ష్మీః స్వర సంపత్ చ శోభనా |
మృగో అద్భుతో విచిత్రాంగో హృదయం హరతి ఇవ మే |౩-౪౩-౧౫|
యది గ్రహణం అభ్యేతి జీవన్ ఏవ మృగః తవ |
ఆశ్చర్య భూతం భవతి విస్మయం జనయిష్యతి |౩-౪౩-౧౬|
సమాప్త వన వాసానాం రాజ్య స్థానాం చ నః పునః |
అంతఃపురే విభూషార్థో మృగ ఏష భవిష్యతి |౩-౪౩-౧౭|
భరతస్య ఆర్యపుత్రస్య శ్వశ్రూణాం మమ చ ప్రభో |
మృగ రూపం ఇదం దివ్యం విస్మయం జనయిష్యతి |౩-౪౩-౧౮|
జీవన్ న యది తే అభ్యేతి గ్రహణం మృగ సత్తమః |
అజినం నరశార్దూల రుచిరం తు భవిష్యతి |౩-౪౩-౧౯|
నిహతస్య అస్య సత్త్వస్య జాంబూనదమయ త్వచి |
శష్ప బృస్యాం వినీతాయాం ఇచ్ఛామి అహం ఉపాసితుం |౩-౪౩-౨౦|
కామవృత్తం ఇదం రౌద్రం స్త్రీణాం అసదృశం మతం |
వపుషా తు అస్య సత్త్వస్య విస్మయో జనితో మమ |౩-౪౩-౨౧|
తేన కాంచన రోమ్ణా తు మణి ప్రవర శృంగిణా |
తరుణ ఆదిత్య వర్ణేన నక్షత్ర పథ వర్చసా |౩-౪౩-౨౨|
బభూవ రాఘవస్య అపి మనో విస్మయం ఆగతం |
ఏవం సీతా వచః శ్రుత్వా దృష్ట్వా చ మృగం అద్భుతం |౩-౪౩-౨౩|
లోబితః తేన రూపేణ సీతాయా చ ప్రచోదితః |
ఉవాచ రాఘవో హృష్టో భ్రాతరం లక్ష్మణం వచః |౩-౪౩-౨౪|
పశ్య లక్ష్మణ వైదేహ్యాః స్పృహాం ఉల్లసితాం ఇమాం |
రూప శ్రేష్ఠతయా హి ఏష మృగో అద్య న భవిష్యతి |౩-౪౩-౨౫|
న వనే నందనోద్దేశే న చైత్రరథ సంశ్రయే |
కుతః పృథివ్యాం సౌమిత్రే యో అస్య కశ్చిత్ సమో మృగః |౩-౪౩-౨౬|
ప్రతిలోమ అనులోమాః చ రుచిరా రోమ రాజయః |
శోభంతే మృగం ఆశ్రిత్య చిత్రాః కనక బిందుభిః |౩-౪౩-౨౭|
పశ్య అస్య జృంభమాణస్య దీప్తాం అగ్ని శిఖోపమాం |
జిహ్వాం ముఖాత్ నిఃసరంతీం మేఘాత్ ఇవ శత హ్రదాం |౩-౪౩-౨౮|
మసార గల్వర్క ముఖః శంఖ ముక్తా నిభ ఉదరః |
కస్య నామ అనిరూప్యః అసౌ న మనో లోభయేత్ మృగః |౩-౪౩-౨౯|
కస్య రూపం ఇదం దృష్ట్వా జాంబూనదమయ ప్రభం |
నానా రత్నమయం దివ్యం న మనో విస్మయం వ్రజేత్ |౩-౪౩-౩౦|
మాంస హేతోః అపి మృగాన్ విహారార్థం చ ధన్వినః |
ఘ్నంతి లక్ష్మణ రాజానో మృగయాయాం మహావనే |౩-౪౩-౩౧|
ధనాని వ్యవసాయేన విచీయంతే మహావనే |
ధాతవో వివిధాః చ అపి మణి రత్న సువర్ణినః |౩-౪౩-౩౨|
తత్ సారం అఖిలం నౄణాం ధనం నిచయ వర్ధనం |
మనసా చింతితం సర్వం యథా శుక్రస్య లక్ష్మణ |౩-౪౩-౩౩|
అర్థీ యేన అర్థ కృత్యేన సంవ్రజతి అవిచారయన్ |
తం అర్థం అర్థ శాస్త్రజ్ఞః ప్రాహుః అర్థ్యాః చ లక్ష్మణ |౩-౪౩-౩౪|
ఏతస్య మృగ రత్నస్య పరార్ధ్యే కాంచన త్వచి |
ఉపవేక్ష్యతి వైదేహీ మయా సహ సుమధ్యమా |౩-౪౩-౩౫|
న కాదలీ న ప్రియకీ న ప్రవేణీ న చ అవికీ |
భవేత్ ఏతస్య సదృశీ స్పర్శనేన ఇతి మే మతిః |౩-౪౩-౩౬|
ఏష చైవ మృగః శ్రీమాన్ యః చ దివ్యో నభః చరః |
ఉభౌ ఏతౌ మృగౌ దివ్యౌ తారామృగ మహీమృగౌ |౩-౪౩-౩౭|
యది వా అయం తథా యత్ మాం భవేత్ వదసి లక్ష్మణ |
మాయా ఏషా రాక్షసస్య ఇతి కర్తవ్యో అస్య వధో మయా |౩-౪౩-౩౮|
ఏతేన హి నృశంసేన మారీచేన అకృత ఆత్మనా |
వనే విచరతా పూర్వం హింసితా ముని పుంగవాః |౩-౪౩-౩౯|
ఉత్థాయ బహవో అనేన మృగయాయాం జనాధిపాః |
నిహతాః పరమ ఇష్వాసాః తస్మాత్ వధ్యః తు అయం మృగః |౩-౪౩-౪౦|
పురస్తాత్ ఇహ వాతాపిః పరిభూయ తపస్వినః |
ఉదరస్థో ద్విజాన్ హంతి స్వ గర్భో అశ్వతరీం ఇవ |౩-౪౩-౪౧|
స కదాచిత్ చిరాత్ లోభాత్ ఆససాద మహామునిం |
అగస్త్యం తేజసా యుక్తం భక్ష్యః తస్య బభూవ హ |౩-౪౩-౪౨|
సముత్థానే చ తత్ రూపం కర్తు కామం సమీక్ష్య తం |
ఉత్స్మయిత్వా తు భగవాన్ వాతాపిం ఇదం అబ్రవీత్ |౩-౪౩-౪౩|
త్వయా అవిగణ్య వాతాపే పరిభూతాః చ తేజసా |
జీవ లోకే ద్విజ శ్రేష్ఠాః తస్మాత్ అసి జరాం గతః |౩-౪౩-౪౪|
తత్ ఏతత్ న భవేత్ రక్షో వాతాపిః ఇవ లక్ష్మణ |
మత్ విధం యో అతిమన్యేత ధర్మ నిత్యం జితేంద్రియం |౩-౪౩-౪౫|
భవేత్ హతో అయం వాతాపిః అగస్త్యేన ఇవ మా గతః |
ఇహ త్వం భవ సంనద్ధో యంత్రితో రక్ష మైథిలీం |౩-౪౩-౪౬|
అస్యాం ఆయత్తం అస్మాకం యత్ కృత్యం రఘునందన |
అహం ఏనం వధిష్యామి గ్రహీష్యామి అథవా మృగం |౩-౪౩-౪౭|
యావత్ గచ్ఛామి సౌమిత్రే మృగం ఆనయితుం ద్రుతం |
పశ్య లక్ష్మణ వైదేహీం మృగ త్వచి గతాం స్పృహాం |౩-౪౩-౪౮|
త్వచా ప్రధానయా హి ఏష మృగో అద్య న భవిష్యతి |
అప్రమత్తేన తే భావ్యం ఆశ్రమస్థేన సీతయా |౩-౪౩-౪౯|
యావత్ పృషతం ఏకేన సాయకేన నిహన్మి అహం |
హత్వా ఏతత్ చర్మ చ ఆదాయ శీఘ్రం ఏష్యామి లక్ష్మణ |౩-౪౩-౫౦|
ప్రదక్షిణేన అతిబలేన పక్షిణా
జటాయుషా బుద్ధిమతా చ లక్ష్మణ |
భవ అప్రమత్తః ప్రతిగృహ్య మైథిలీం
ప్రతి క్షణం సర్వత ఏవ శంకితః |౩-౪౩-౫౧|
ఇతి వాల్మీకి రామాయణే ఆది కావ్యే అరణ్యకాండే త్రిచత్వారింశః సర్గః |౩-౪౩|
|
|
|
|
బబంధ అసిం మహాతేజా జాంబూనదమయః త్సరుం |౩-౪౪-౧|
తతః త్రి వినతం చాపం ఆదాయ ఆత్మ విభూషణం |
ఆబధ్య చ కలాపౌ ద్వౌ జగామ ఉదగ్ర విక్రమః |౩-౪౪-౨|
తం వంచయానో రాజేంద్రం ఆపతంతం నిరీక్ష్య వై |
బభూవ అంతర్హితః త్రాసాత్ పునః సందర్శనే అభవత్ |౩-౪౪-౩|
బద్ధ అసిః ధనుః ఆదాయ ప్రదుద్రావ యతో మృగః |
తం స్మ పశ్యతి రూపేణ ద్యోతమానం ఇవ అగ్రతః |౩-౪౪-౪|
అవేక్ష్య అవేక్ష్య ధావంతం ధనుష్ పాణిః మహావనే |
అతివృత్తం ఇషోః పాతాత్ లోభయానం కదాచన |౩-౪౪-౫|
శంకితం తు సముద్ భ్రాంతం ఉత్పతంతం ఇవ అంబరే |
దృఅశ్యమానం అదృశ్యం చ వన ఉద్దేశేషు కేషుచిత్ |౩-౪౪-౬|
చిన్న అభ్రైః ఇవ సంవీతం శారదం చంద్ర మణ్డలం |
ముహూర్తాత్ ఏవ దదృశే ముహుర్ దూరాత్ ప్రకాశతే |౩-౪౪-౭|
దర్శన అదర్శనేన ఏవ సః అపాకర్షత రాఘవం |
సుదూరం ఆశ్రమస్య అస్య మారిచో మృగతాం గతః |౩-౪౪-౮|
ఆసీత్ క్రుద్ధః తు కాకుత్స్థో వివశః తేన మోహితః |
అథ అవతస్థే సుశ్రాంతః చ్ఛాయాం ఆశ్రిత్య శాద్వలే |౩-౪౪-౯|
స తం ఉన్మాదయామాస మృగరూపో నిశాచర |
మృగైః పరివృతో అథ వన్యైః అదూరాత్ ప్రత్యదృశ్యత |౩-౪౪-౧౦|
గ్రహీతు కామం దృష్ట్వా తం పునః ఏవ అభ్యధావత |
తత్ క్షణాత్ ఏవ సంత్రాసాత్ పునర్ అంతర్హితో అభవత్ |౩-౪౪-౧౧|
పునర్ ఏవ తతో దూరాత్ వృక్ష ఖణ్డాత్ వినిఃసృతః |
దృష్ట్వా రామో మహాతేజాః తం హంతుం కృత నిశ్చయః |౩-౪౪-౧౨|
భూయః తు శరం ఉద్ధృత్య కుపితః తత్ర రాఘవః |
సూర్య రశ్మి ప్రతీకాశం జ్వలంతం అరి మర్దనం |౩-౪౪-౧౩|
సంధాయ సుదృఢే చాపే వికృష్య బలవత్ బలీ |
తం ఏవ మృగం ఉద్దిశ్య శ్వసంతం ఇవ పన్నగం |౩-౪౪-౧౪|
ముమోచ జ్వలితం దీప్తం అస్త్రం బ్రహ్మ వినిర్మితం |
శరీరం మృగ రూపస్య వినిర్భిద్య శరోత్తమః |౩-౪౪-౧౫|
మారీచస్య ఏవ హృదయం విభేద అశని సంనిభః |
తాల మాత్రం అథ ఉత్ప్లుత్య న్యపతత్ స భృశ ఆతురః |౩-౪౪-౧౬|
వ్యనదత్ భైరవం నాదం ధరణ్యాం అల్ప జీవితః |
మ్రియమాణః తు మారీచో జహౌ తాం కృత్రిమాం తనుం |౩-౪౪-౧౭|
స్మృత్వా తత్ వచనం రక్షో దధ్యౌ కేన తు లక్ష్మణం |
ఇహ ప్రస్థాపయేత్ సీతా తాం శూన్యే రావణే హరేత్ |౩-౪౪-౧౮|
స ప్రాప్త కాలం అజ్ఞాయ చకార చ తతః స్వరం |
సదృశం రాఘవస్య ఏవ హా సీతే లక్ష్మణ ఇతి చ |౩-౪౪-౧౯|
తేన మర్మణి నిర్విద్ధం శరేణ అనుపమేన హి |
మృగ రూపం తు తత్ త్యక్త్వా రాక్షసం రూపం ఆస్థితః |౩-౪౪-౨౦|
చక్రే స సుమహా కాయం మారీచో జీవితం త్యజన్ |
తం దృష్ట్వా పతితం భూమౌ రాక్షసం భీమ దర్శనం |౩-౪౪-౨౧|
రామో రుధిర సిక్త అంగం చేష్టమానం మహీతలే |
జగామ మనసా సీతాం లక్ష్మణస్య వచః స్మరన్ |౩-౪౪-౨౨|
మారీచస్య తు మాయ ఏషా పూర్వ ఉక్తం లక్ష్మణేన తు |
తత్ తదా హి అభవత్ చ అద్య మారీచో అయం మయా హతః |౩-౪౪-౨౩|
హా సీతే లక్ష్మణ ఇతి ఏవం ఆక్రుశ్య తు మహా స్వనం |
మమార రాక్షసః సో అయం శ్రుత్వా సీతా కథం భవేత్ |౩-౪౪-౨౪|
లక్ష్మణః చ మహాబాహుః కాం అవస్థాం గమిష్యతి |
ఇతి సంచింత్య ధర్మాత్మా రామో హృష్ట తనూ రుహః |౩-౪౪-౨౫|
తత్ర రామం భయం తీవ్రం ఆవివేశ విషాదజం |
రాక్షసం మృగ రూపం తం హత్వా శ్రుత్వా చ తత్ స్వనం |౩-౪౪-౨౬|
నిహత్య పృషతం చ అన్యం మాంసం ఆదాయ రాఘవః |
త్వరమాణో జనస్థానం ససార అభిముఖః తదా |౩-౪౪-౨౭|
ఇతి వాల్మీకి రామాయణే ఆది కావ్యే అరణ్యకాండే చతుశ్చత్వారింశః సర్గః |౩-౪౪|
Om Tat Sat
(Continued
....)
(My humble salutations to the
lotus feet of Swamy jis, Philosophic
Scholars and greatful to Wikisource for
the collection)
0 comments:
Post a Comment